རང་ལོ་ཉེར་ལྔ་ནས་སུམ་ཅུའི་སྐབས་སུ་བུད་མེད་ཀྱི་ལུས་ཁམས་དང་སེམས་ཁམས་འཚར་ལོངས་བྱུང་ནས་བརྟན་བརླིང་དུ་གྱུར་ཡོད་པས་སྐབས་དེར་མངལ་སྦྲུམ་ན་ཆེས་ལེགས་པའི་དུས་ཡིན། གལ་ཏེ་བུད་མེད་ཀྱི་ལོ་ཚོད་དེ་རང་ལོ་སོ་ལྔའི་ཡན་ལ་བརྒལ་ནས་ད་གཟོད་མངལ་སྦྲུམ་ན་བྱིས་པ་ལུས་སྐྱོན་ཅན་འབྱུང་བའི་ཉེན་ཁ་ཇེ་ཆེར་འགྲོ་བར་མ་ཟད། ད་དུང་རང་བཞིན་གྱིས་མངལ་ཤོར་སླ་བ་དང་ཟླ་མ་ལོངས་པར་སྐྱེས་པ་ལས་གཞན་སྦྲུམ་མར་ཁྲག་ཤེད་མཐོ་བ་དང་གཅིན་སྙིའི་ནད་སོགས་འབྱུང་སླ་བ་ཡིན། སྐྱེས་པའི་ལོ་ཚོད་རང་ལོ་ཉེར་ལྔ་ཡས་མས་སྐབས་སུ་ལུས་སྟོབས་ཆེས་རྒྱས་པའི་སྐབས་ཡིན་ལ། ལོ་བཞི་བཅུ་ནས་ང་ལྔའི་སྐབས་སུ་ལུས་སྟོབས་སོགས་ཉམས་རྒུད་དུ་འགྲོ་མགོ་རྩོམ་པ་ཡིན། བུད་མེད་ལོ་ཉེར་ལྔ་ནས་སོ་ལྔའི་སྐབས་སུ་ལུས་སྟོབས་སོགས་ཆེས་རྒྱས་པའི་སྐབས་ཡིན་ལ། ལོ་སོ་ལྔའི་རྗེས་སུ་རིམ་གྱིས་ཉམས་རྒུད་དུ་འགྲོ་སྲིད། དེར་བརྟེན་བྱིས་པ་སྐྱེ་པའི་ལོ་ཚོད་ཆེས་ལེགས་ཤོས་ནི་སྐྱེས་པའི་ལོ་ཚོད་རང་ལོ་ཉེར་ལྔ་ནས་སོ་ལྔའི་བར་དང་བུད་མེད་ཀྱི་ལོ་ཚོད་རང་ལོ་ཉེར་ལྔ་ནས་ཉེར་དགུའི་བར་ཡིན་པས། རབ་ཡིན་ན་བུད་མེད་ཚོས་རང་ལོ་སོ་ལྔའི་སྔོན་ལ་མངལ་སྦྲུམ་ན་ལེགས།
ལོ་ཙཱ་བ། འབྲུག་མོ།
