གལ་ཏེ་སྦྲུམ་མར་མཆིན་ནད་ལྡེམ་བུའི་ནད་ཡོད་ན་སྦྲུམ་བུ་ལ་བགོ་སྲིད་པས། མངལ་སྦྲུམ་འདོད་པའི་ཁྱོ་ཤུག་གཉིས་ཀྱིས་མངལ་མ་སྦྲུམ་གོང་ཐོག་མར་སྨན་ཁང་དུ་སོང་ནས་མཆིན་ནད་ལྡེམ་བུའི་ནད་ཡོད་མེད་ལ་བརྟག་དཔྱད་བྱེད་དགོས་ལ། བརྟག་དཔྱད་བྱས་ནས་ནད་མེད་ན་ཁྱོ་ཤུག་གཉིས་ཀར་མཆིན་ནད་ལྡེམ་བུའི་འགོག་ཁབ་རྒྱག་དགོས། གལ་ཏེ་བུད་མེད་ལ་མཆིན་ནད་ལྡེམ་བུའི་ནད་ཡོད་ན། བྱིས་པ་བཙས་རྗེས་ཀྱི་དུས་ཚོད་ཉེར་བཞིའི་ནང་བྱིས་པར་མཆིན་ནད་ལྡེམ་བུའི་འགོག་ཁབ་རྒྱག་དགོས་པ་དང་། བྱིས་པ་སྐྱེས་ནས་ཟླ་གཅིག་དང་ཟླ་དྲུག་འགོར་རྗེས་ཡང་བསྐྱར་མཆིན་ནད་ལྡེམ་བུའི་འགོག་ཁབ་རེ་རྒྱག་དགོས། དེ་ལྟར་བྱས་ན་བྱིས་པར་མཆིན་ནད་ལྡེམ་བུའི་ནད་དུག་འགོ་མི་སྲིད།
མངལ་སྦྲུམ་པའི་སྔ་རྗེས་སུ་སྨན་སྣ་གང་དག་ལ་འཛེམ་དགོས་ཞེ་ན།
སྦྲུམ་བུ་ཡ་མ་གཟུགས་སུ་བསྒྱུར་བའི་སྨན་སྣ་འདི་དག་ཡོད་དེ།
གཅིག དུག་སྲིན་འགོག་སྨན་གྱི་རིགས་སྟེ་སི་ཧོན་སུའུ་ཞེས་པའི་སྨན་དེ་མངལ་སྦྲུམ་ནས་བདུན་ཕྲག་བཅུ་གཉིས་འགོར་བའི་ནང་དུ་འཐུང་ན་སྦྲུམ་བུའི་མཛུབ་མོའི་ཆགས་ཚུལ་རྒྱུན་ལྡན་མིན་པ་དང་ཡང་ན་ལྷན་སྐྱེས་རང་བཞིན་གྱི་མིག་ནད་སྐྱ་འགྲིབ་འབྱུང་ལ། མངལ་སྦྲུམ་ནས་ཟླ་བཞི་འགོར་རྗེས་སྨན་དེ་འཐུང་ན་སྦྲུམ་བུའི་སོ་སེར་པོར་ཆགས་ངེས། ལེན་མ
