མངལ་མ་སྦྲུམ་སྔོན་དུ་ཁྱོ་ཤུག་གཉིས་ཀས་རྒྱུད་འདེད་རང་བཞིན་གྱི་ནད་རིགས་ཡོད་མེད་ལ་བརྟག་དཔྱད་བྱེད་དགོས་ཏེ། མཆིན་ནད་ལྡེམ་བུ་དང་། གཅོང་ནད། སྦྱར་ནད། ཨེ་ཙི་ནད་སོགས་རིམས་ནད་ཀྱི་སྐོར་ཡོད་མེད་ལ་བརྟག་དཔྱད་བྱེད་དགོས། བྱིས་པ་སྐྱེ་བར་ཤུགས་རྐྱེན་ཡོད་པའི་ནད་རིགས་ཏེ། དཔེར་ན་སྐྱེས་པར་འབྲས་བུ་མེད་པའི་ནད་དང་། གཅིན་ལམ་གས་པའི་ནད། བུད་མེད་ཀྱི་སྐྱེ་འཕེལ་དབང་བོ་ཡ་མ་གཟུགས་ཅན་དང་སྐྱེ་འཕེལ་རེད་ཡོད་མེད་བཅས་ལ་བརྟག་དཔྱད་བྱེད་དགོས། བུད་མེད་ལ་ད་དུང་དལ་བའི་རང་བཞིན་གྱི་ནད་རིགས་ཏེ། དཔེར་ན། ཁྲག་ཤེད་མཐོ་བ་དང་སྙིང་ནད། གཅིན་སྙི་ཟ་ཁུ། ཨོལ་གོང་གཤེར་རྨེན་སོགས་དང་ཟྭ་འབྲུམ་གྱི་ནད་དུག་སོགས་ཡོད་མེད་ལ་བརྟག་དཔྱད་གསལ་བོར་བྱེད་དགོས།
དེས་ན་མངལ་མ་སྦྲུམ་སྔོན་དུ་ལུས་ཕུང་ལ་བརྟག་དཔྱད་བྱེད་པར་དེ་འདྲའི་མཐོང་ཆེན་བྱེད་དགོས་དོན་ཅི་ཡིན་ཞེ་ན།
སྤྱིར་མངལ་སྦྲུམ་ནས་བདུན་ཕྲག་ལྔ་ནས་བརྒྱད་འགོར་རག་བར་ནི་སྦྲུམ་བུའི་ཕྲ་ཕུང་ཡ་མ་གཟུགས་སུ་འགྱུར་ཉེན་ཆེ་བའི་དུས་ཡིན་ལ། བུད་མེད་ཀྱིས་རང་ཉིད་ལ་མངལ་སྦྲུམ་ཡོད་པ་ཤེས་ནས་སྨན་ཁང་དུ་ཐོག་མར་བརྟག་དཔྱད་བྱེད་དུ་འགྲོ་དུས་བདུན་ཕྲག་ལྔ་ནས་བརྒྱད་འགོར་ཟིན་པས། བྱིས་པ་ལུས་སྐྱོན་ཅན་སྐྱེས་པར་སྔོན་འགོག་བྱེད་པ་དང་བདེ་ཐང་གི་
