འབྲེལ་ཡོད་ཕྱོགས་ཀྱི་ཆེད་མཁས་པས་བལྟས་ན། མངལ་སྦྲུམ་པའི་ཆེས་ལེགས་པའི་དུས་ཚིགས་ནི་ཟླ་བརྒྱད་པ་དང་དགུ་བ་ཡས་མས་ཏེ། ཕལ་ཆེར་ཟླ་བདུན་པའི་ཟླ་སྨད་ནས་ཟླ་དགུ་བའི་ཟླ་སྟོད་བར་གྱི་དུས་ཡུན་ཟླ་ངོ་གཉིས་ཀྱི་ནང་ཡིན་པར་འདོད། རྒྱུ་མཚན་ནི་སྐབས་དེར་མངལ་སྦྲུམ་ན་སྔོ་ཚོད་དང་སིལ་ཏོག་གི་རིགས་སྣ་མང་བས་ཟས་ཀྱི་ཡི་ག་འབྱེད་ཅིང་། དུས་ཚིགས་འདིར་ད་དུང་ནད་རིགས་སྣ་ཚོགས་མཆེད་ཚད་ཅུང་ཉུང་བའི་དུས་ཡིན་པས། མངལ་སྦྲུམ་པའི་ཐོག་མའི་དུས་སྐབས་ཀྱི་སྦྲུམ་བུའི་བདེ་ཐང་ལ་ཅུང་ཕན་པར་མ་ཟད། ལོ་རྗེས་མའི་ཟླ་ལྔ་བའི་སྔོན་རྗེས་སུ་བྱིས་པ་སྐྱེས་ན། ནམ་ཟླའི་དྲོད་གྲང་རན་པས་མ་བུ་གཉིས་ཀ་སྒོའི་ཕྱི་རོལ་དུ་བུད་ནའང་ཧ་ཅང་འཚམ་པར་མ་ཟད་བྱིས་པའི་ཀླད་པ་དང་གཟུགས་གཞི་འཚར་ལོངས་འབྱུང་བར་ཕན་ཐོགས་ངེས་ཅན་ཞིག་ཡོད།
སྦྲུམ་འགོག་སྨན་འཐུང་མཚམས་བཞག་ནས་དུས་ཡུན་ཅི་ཙམ་འགོར་རྗེས་ད་གཟོད་མངལ་སྦྲུམ་ན་ཆེས་ལེགས་པ་ཡིན་ནམ་ཞེ་ན།
དེ་ནི་སྦྲུམ་འགོག་སྨན་གྱིས་ལུས་སྟེང་དུ་ནུས་པ་ཐོན་ཡུན་གྱི་རིང་ཐུང་ལྟར་ཐག་གཅོད་དགོས་ཏེ། ནུས་པ་ཐོན་ཡུན་རིང་བའི་སྦྲུམ་འགོག་སྨན་ཡིན་ན་འཐུང་མཚམས་བཞག་ནས་ལོ་ཕྱེད་ཙམ་འགོར་རྗེས་ད་གཟོད་མངལ་སྦྲུམ་ཆོག་པ་དང་། དུས་ཡུན་རིང་བོར་ནུས་པ་མྱུར་དུ་ཐོན་པའི་སྦྲུམ་འགོག་སྨན་བཀོ
