སྟོན་མཇུག་གི་ནམ་ཟླར་འགྱུར་ལྡོག་ཆེ་ཞིང་ཁྱད་པར་དུ་དགུན་ཚུགས་པའི་ཉིན་བཅོ་ལྔའི་ནང་། ནམ་ཟླ་གློ་བུར་དུ་ཇེ་འཁྱག་ལ་སོང་ནས་དལ་བའི་རང་བཞིན་གྱི་ཕོ་རྒྱུའི་ནད་མང་དུ་འབྱུང་བ་རེད།
སྟོན་མཇུག་བསླེབས་པ་དང་བསྟུན་ནས། རང་གི་ཟ་མའི་ཡི་ག་ཇེ་ཆེར་སོང་སྟེ། ཤིང་འབྲས་དང་ཤའི་རིགས་སོགས་སྣུམ་ཆེ་བའི་ཟས་རིགས་ལྷག་ཏུ་ཟ་འདོད་པ་རེད། དེ་ནི་ནམ་ཟླ་ཇེ་འཁྱག་ཏུ་སོང་བའི་དབང་གིས་མིའི་རྩི་ཤིང་དབང་རྩའི་བྱེད་ནུས་འཁྲུག་ཏེ་ཕོ་རྒྱུའི་རྒྱུན་ལྡན་གྱི་འགུལ་སྐྱོད་ལ་གནོད་པ་བཟོས་པ་དང་། ལུས་ཀྱི་རྙིང་ཚབ་གསར་བརྗེའི་ནུས་པ་ཇེ་དྲག་གྱུར་ནས་ཚ་བའི་ཟད་གྲོན་ཇེ་ཆེར་གྱུར་ཏེ། ཕོ་ཆུ་དང་འཇུ་གཤེར་ཟགས་ཐོན་ཇེ་མང་དུ་སོང་བ་ལས་ཡི་ག་ཇེ་ཆེར་གྱུར་ནས་ཟས་མང་དུ་ཟ་བ་རེད། གལ་ཏེ་ཟས་ཟ་ཚད་ལ་ཚོད་འཛིན་མ་བྱས་ཚེ། ཕོ་རྒྱུའི་ཁུར་བོ་ཇེ་ལྗིད་དུ་བཏང་ནས། ཕོ་རྒྱུའི་བྱེད་ནུས་ཉམས་ཏེ་ཕོ་རྒྱུའི་ནད་སྣ་ཚོགས་སློང་སྲིད། དེར་བརྟེན་དུས་ཚིགས་འདིར་ཟས་ཟ་ཚོད་རན་པ་བྱས་ནས་རང་གི་ཕོ་བར་སྲུང་སྐྱོབ་བཟང་བོ་བྱེད་རྒྱུ་དེ་གལ་ཆེ།
ཁ་དཔེར་དགུན་ཁར་ལུས་ཟུངས་གསོ་བ་ལས་སྟོན་མཇུག་ཏུ་ལས་ཟུངས་གསོས་ན་བཟང་ཟེར་བ་ལྟར། སྟོན་མཇུག་ནི་ལུས་ཟུངས་གསོ་བའི་དུས་ཚིགས་བཟང་བོ་ཡིན། ཀྲུང་ལུགས་ཀྱི་ལུས་ཟུངས་གསོ་ཐབས་ལ་མཚོན་
