དང་པོ། ངོ་གདོང་གི་གཉེར་མ་གཞན་ལས་མང་བ་དེ་ནི་སེམས་འཚབ་ཆེན་པོ་བྱུང་བས་རྐྱེན་གྱི་རེད།
རང་དང་ལོ་ཚོད་མཉམ་པའི་མི་དང་བསྡུར་ན་ཕར་བལྟས་ཚོད་ཀྱིས་ཁྱོད་ནི་ལོ་གསུམ་ནས་ལྔའི་ཆེ་བའི་སྣང་བ་སྟེར་བ་དེ་ནི་གཙོ་བོ་གཉེར་མའི་མང་ཉུང་ལ་བལྟས་པ་རེད། དེས་ན་ངོ་གདོང་དུ་གཉེར་མ་བབ་པའི་རྒྱུ་རྐྱེན་ཅི་ཞིག་ཡིན་ནམ་ཞེ་ན། གཙོ་བོ་སེམས་འཚབ་ཆེན་པོ་བྱུང་བའི་རྐྱེན་གྱི་རེད། སེམས་ལ་འཚུབ་སྣང་བྱུང་ན་ལུས་ཟུངས་ཟད་གྲོན་དུ་གྱུར་ནས་ཕྲ་ཕུང་གི་སྐྱེ་སྟོབས་དང་རྙིང་ཚབ་གསར་བརྗེ་བྱེད་ཚད་ཇེ་དལ་དུ་གྱུར་བས། ངོ་གདོང་གི་སྐྱི་པགས་ལ་གཉེར་མ་བབ་ནས་ཉམས་ཞན་དུ་འགྲོ་ངེས། སྐབས་འགར་སེམས་ངལ་ཆེ་དྲགས་པས་ཤ་གནད་ལྷོད་པོར་གནས་མ་ཐུབ་པའི་རྐྱེན་གྱིས་ཀྱང་ངོ་གདོང་གི་གཉེར་མ་མྱུར་དུ་ཇེ་མང་ལ་འགྲོ་སྲིད།
གཉིས་པ། ངོ་གདོང་དུ་ནག་ཐིག་མང་ན་གཞན་གྱི་བརྩེ་སེམས་ཐོབ་དགོས།
ཉི་མར་ལྡེ་བའམ་ཡང་ན་མངལ་སྦྲུམ་པ། ཁོར་ཡུག་གི་རྒྱུ་རྐྱེན་སོགས་གང་ཡང་མ་ཡིན་པར་ངོ་གདོང་དུ་ནག་ཐིག་བབས་ན། མོ་གཤིས་སྐུལ་རྒྱུའི་ཟགས་ཐོན་གྱི་ཚད་མ་འདང་བའི་རྐྱེན་གྱི་རེད། ཁྱོད་ཀྱི་སེམས་ཁམས་ལ་གཞན་གྱིས་བརྩེ་སེམས་མ་ཐོབ་ན། མཁལ་མགོའི་གཤེར་རྨེན་གྱི་སྐྱི་རིམ་སྐུལ་རྩིའི་ཟགས་ཐོན་ནུས་པ་ཉམས་ཞན་དུ་གྱུར་ནས་རིམ་གྱིས་ངོ
