དང་པོ། རྒྱུན་དུ་ཁྲོག་ལེ་ཟ་རྒྱུར་དགའ་ན་ལུས་སྟེང་དུ་འཚོ་བཅུད་བེ་ཧྲིན་སུའུ B རིགས་ཉུང་བའི་རྟགས་ཡིན་པས་མྱུར་དུ་དེ་ཁ་གསབ་བྱེད་དགོས། བུ་མོ་མང་པོ་ཞིག་ཁྲོག་ལེ་ཟ་རྒྱུར་དགའ་མོད། ཡིན་ནའང་མཚམས་མེད་པར་རྒྱུན་དུ་ཟ་འདོད་ཚེ་དེ་ནི་ལུས་སྟེང་དུ་བེ་ཧྲིན་སུའུ B རིགས་ཉུང་བའི་རྟགས་ཡིན་ཅིང་། ལྷག་པར་དུ་བེ་ཧྲིན་སུའུB6 དང་ B 12ཉུང་བའི་རྟགས་ཡིན། ལུས་སྟེང་དུ་འཚོ་བཅུད་བེ་ཧྲིན་སུའུ B རིགས་ཆད་ཚེ་མི་ལ་ངལ་དུབ་འབྱུང་སླ་བ་དང་བློ་ཕམ་ཡིད་ཆད་སྐྱེས་བའམ་ཡང་ན་སེམས་ཁམས་མི་སྐྱིད་པའི་སྣང་ཚུལ་འབྱུང་ངེས། ཁྲོག་ལེ་ཡིས་དྭངས་ཁྲག་གི་རྒྱུ་ཆ་མང་པོ་མཁོ་འདོན་བྱས་ནས་མི་ལ་སྤྲོ་སྣང་སྐྱེ་རུ་འཇུག་སྲིད།

གཉིས་པ། གློ་བུར་དུ་སྐྱུར་གྱི་རིགས་ཟ་འདོད་པ་དེ་ནི་མངལ་ཆགས་པའི་མངོན་རྟགས་ཡིན་པའི་ངེས་པ་མེད།

བུད་མེད་རྣམས་གློ་བུར་དུ་སྐྱུར་ཟས་ལ་དགའ་ཚེ་ང་ཚོའི་ཡིད་ལ་ཐོག་མར་འཁོར་བ་ནི་མངལ་ཆགས་པར་འདོད་སྲིད། འོན་ཀྱང་ཉེ་ཆར་ཆེས་གསར་བའི་ཞིབ་འཇུག་ཅིག་ལས་ཤེས་པ་ལྟར་ན། མཁྲིས་ལམ་གྱི་བྱེད་ནུས་དང་མཆིན་པའི་བྱེད་ནུས་མི་བཟང་བའི་མིའང་གློ་བུར་དུ་སྐྱུར་ཟས་ལ་ཕྱོགས་ཞེན་ཆེ་བར་འགྱུར་སྲིད། དེ་བས་བུད་མེད་རྣམས་གློ་བུར་དུ་སྐྱུར་སིལ་ལ་དགའ་བའི་སྐབས་སུ་རང་ལ་མངལ་ཆགས་པར་དོགས་པ་ཟ་བ་