རྐང་ལག་ཕྱིད་པ་ནི་དགུན་ཁའི་གྲང་ངར་དང་བརླན་ཆེ་བ་ལས་བྱུང་བའི་སྐྱི་པགས་ཀྱི་ཆ་ཤས་སུ་ཁྲག་འཁོར་རྒྱུག་བྱེད་པར་བཀག་རྐྱེན་བཟོས་པ་ཞིག་ཡིན་པས། དགུན་དུས་ཀྱི་རྒྱུན་མཐོང་པགས་ནད་ཅིག་ཡིན་པ་དང་། ཡང་མོ་ཡིན་ན་ཚ་བ་ལངས་པ་དང་ཟ་འཕྲུག་ལངས་པ་དང་། ལྗིད་མོ་ཡིན་ན་ཆུ་བུར་རྒྱག་པ་དང་སྨུག་པོར་འགྱུར་ངེས། མིག་སྔར་རྐང་ལག་ཕྱིད་པ་གསོ་བཅོས་བྱེད་པར་དམིགས་བསལ་གྱི་སྨན་ཞིག་མེད་པས། ཕལ་ཆེ་བ་ཕྱི་ནས་གསོ་བཅོས་བྱེད་བཞིན་ཡོད། གཤམ་གསལ་གྱི་ཐབས་འདི་ནི་སྟབས་བདེ་བར་མ་ཟད་བདེ་འཇགས་དང་གོ་ཆོད་པའི་བཅོ་ཐབས་ཤིག་ཡིན་པས། རྐང་ལག་ཕྱིད་ཡོད་མཁན་གྱིས་ཚོད་ལྟ་བྱེད་ཆོག
སྒོག་དམར་ཞིབ་མོར་བརྡུངས་རྗེས་སྔོན་ཆད་ཕྱིད་མྱོང་སར་སྦྱར་ནས་ཉིན་ཞག་གཅིག་འགོར་རྗེས་བཀྲུ་བ་དང་། དེ་ནས་ཉིན་གསུམ་བཞིའི་རྗེས་སུ་ཡང་བསྐྱར་དེ་ལྟར་ཐེངས་གཅིག་བྱས་ན་ཡང་བསྐྱར་མི་ཕྱིད་པ་སྔོན་འགོག་བྱེད་ཐུབ།
སྒ་སྐྱ་ཁེ་སུམ་ཅུ་ཐལ་ཁོལ་མའི་ནང་འཕངས་ནས་ཆུ་ཚོད་སྐར་མ་གཉིས་འགོར་རྗེས་ཕྱིར་བླངས་ཏེ་ཁོལ་མ་སྲབ་མོར་གཙབས་ནས་ཕྱིད་ཡོད་སར་བརླན་པ་དང་། ཉིན་རེར་ཐེངས་གཉིས་དང་བསྟུད་མར་གཟའ་འཁོར་གཉིས་ལ་དེ་ལྟར་བྱས་ན་ཕྱིན་ཆད་མི་ཕྱིད་པར་ཕན།
ཀུ་ཤུའི་ཤུན་པ་ཕྱིས་ཏེ་ཞིབ་མོར་བརྡུངས་རྗེས་ག་བུར་ཕྱེ
