ནམ་རྒྱུན་ལོ་སར་བསླེབ་ལ་ཉེ་བའི་སྐབས་སུ། མི་རྣམས་ཀྱིས་ཁང་བའི་ཕྱི་ནང་ལ་གད་བདར་བྱེད་པ་དང་ཆང་དང་ཟས་རིགས་སྣ་ཚོགས་གྲ་སྒྲིག་བྱེད་པ། ཕ་ཡུལ་དུ་ལོག་པ་སོགས་བྱེད་བཞིན་ཡོད། ཡིན་ནའང་ཆེད་མཁས་སྨན་པས་སྐབས་འདིར་ཚང་མར་གསལ་འདེབས་བྱེད་བཞིན་ཡོད་པ་ནི། ལོ་སར་ཀྱི་དུས་སྟོན་ནི་ལོ་རེ་རེར་ཡོད་པས། སྐྱིད་དགའ་དགའ་སྤྲོ་སྤྲོས་ཇ་ཆང་སོགས་བག་མེད་དུ་ལོངས་སྤྱད་ན། རང་ཉིད་ཀྱི་ལུས་ཕུང་བདེ་ཐང་ལ་གནོད་པས། རྟགས་འདུས་ནད་རིགས་ཆེན་པོ་གསུམ་སྔོན་འགོག་བྱེད་དགོས་པ་བསྟན་ཡོད།
གཅིག གཡིས་ཀྱི་དུ་བའི་རྟགས་འདུས་ནད།
ཚོད་མ་རྔོད་སྐབས་འཐིབས་ཡོང་བའི་གཡིས་དུ་ཡིས་མིའི་ལུས་ཕུང་གི་ཕྲ་ཕུང་སྐྱི་པགས་ལ་གནོད་སྐྱོན་གཏོང་བ་དང་། ཁྱིམ་བདག་མ་རྣམས་དུས་རྒྱུན་དུ་ཟ་ཁང་དུ་འཛུལ་ནས་གཡོས་སྦྱོར་བཙོ་བསྲེགས་སོགས་བྱེད་དགོས་པས། མཁལ་སྐེད་དང་སྒལ་ཚིགས་ན་བ་དང་། ལུས་ཤུགས་མེད་པ། ཟས་ཟ་མར་ཡི་ག་མེད་པ་སོགས་ཀྱི་རྟགས་འབྱུང་སྲིད། དེ་བས་ཁྱེད་ཀྱི་ལུས་ཕུང་བདེ་ཐང་ལ་སྲུང་སྐྱོབ་བྱེད་ཆེད། ཟ་ཁང་ནང་དུ་ངེས་པར་དུ་དུད་སྣུམ་རྔུབ་ཆས་སམ་མཁའ་དབུགས་ཕྱིར་འདྲེན་སྒྲིག་ཆས་སོགས་སྤྲད་ནས། ཐབ་ཏུ
