ད་ལོའི་ཟླ་གཉིས་པའི་ཚེས་ཉེར་གཅིག་ཉིན། ཞིང་ཆེན་ཡོངས་ཀྱི་འཕྲོད་བསྟེན་དང་འཆར་ལྡན་བུ་སྐྱེ་བྱ་བའི་གྲོས་ཚོགས་ཟི་ལིང་དུ་བསྡུས། གསར་འགོད་པས་གྲོས་ཚོགས་སྟེང་ནས་རྒྱུས་ལོན་པ་ལྟར་ན། ད་ལོར་མཚོ་སྔོན་ཞིང་ཆེན་གྱིས་ཤུགས་ཕུད་དེ་གནད་ས་དགུའི་འཛུགས་སྐྲུན་ལ་ཤུགས་སྣོན་བྱས་ཏེ། མཚོ་སྔོན་ཞིང་ཆེན་གྱི་འཕྲོད་བསྟེན་དང་འཆར་ལྡན་བུ་སྐྱེའི་ལས་དོན་འཕེལ་རྒྱས་ལ་སྐུལ་འདེད་བྱེད་རྒྱུ་རེད།
རྒྱུས་ལོན་པ་ལྟར་ན། ད་ལོར་མཚོ་སྔོན་ཞིང་ཆེན་གྱིས་སྨན་རྫས་འཕྲོད་བསྟེན་སྒྲིག་སྲོལ་བཅོས་སྒྱུར་གཏིང་ཟབ་ཏུ་སྤེལ་ཏེ། སྨན་བཅོས་འགན་སྲུང་དང་སྨན་བཅོས་ཞབས་ཞུ། སྤྱི་པའི་འཕྲོད་བསྟེན། སྨན་རྫས་མཁོ་སྤྲོད། ལྟ་སྐུལ་དོ་དམ་སྒྲིག་སྲོལ་ཕྱོགས་བསྡུས་བཅོས་སྒྱུར་བཅས་ལ་སྐུལ་འདེད་བྱེད་པ་དང་། སྨན་བཅོས་ཉེན་ཚབ་དང་སྨན་བཅོས། སྨན་རྫས་བཅས་མཐུན་སྦྱོར་ངང་འཕེལ་རྒྱས་འབྱུང་བར་སྐུལ་འདེད་བྱེད་པ། སྨན་བཅོས་འཕྲོད་བསྟེན་སྲིད་ཇུས་འཐུས་ཚང་དུ་གཏོང་རྒྱུ་དང་། དེའི་ནང་བཙའ་སྐྱེའི་སྲིད་ཇུས་ལེགས་སྒྲིག་དང་འཐུས་ཚང་དུ་གཏོང་བ་དང་། བཟའ་ཟླ་གཉིས་ལས་ཕྱོགས་གཅིག་ནི་བྱིས་པ་ཁེར་སྐྱེས་ཡིན་པའི་ཁྱོ་ཤུག་ཟུང་གིས་ཕྲུ་གུ་གཉིས་བཙའ་ཆོག་པའི་སྲིད་ཇུས་ལག་བསྟར་བྱེད་མགོ་རྩོམ་རྒྱུ་དང་། སྲིད་ཇུས་ལྟར་ཕྲ
