ཡོངས་གྲགས་སུ་ལོ་གཅིག་རིང་གི་ཞག་མ་སུམ་བརྒྱ་དང་དྲུག་ཅུ་བོ་ཟླ་བ་བཅུ་གཉིས་སུ་བགོས་ཤིང་། རིམ་པ་བཞིན་ཟླ་བ་དང་པོ་ནས་གསུམ་པའི་རིང་ལ་དཔྱིད་ཀ་དང་། ཟླ་བ་བཞི་བ་ནས་དྲུག་པའི་རིང་ལ་དབྱར་ཀ ཟླ་བ་བདུན་པ་ནས་དགུ་བའི་རིང་ལ་སྟོན་ཁ། ཟླ་བ་བཅུ་བ་ནས་བཅུ་གཉིས་པའི་རིང་ལ་དགུན་ཁ་བཅས་བྱས་པར་ནམ་ཟླ་དུས་བཞི་ཟེར། འོན་ཀྱང་ལན་རེར་ཟླ་བ་གཉིས་པ་དང་གསུམ་པའི་རིང་ལ་དཔྱིད་ཀ་དང་། བཞི་བ་དང་ལྔ་བར་སོས་ཀ དྲུག་པ་དང་བདུན་པར་དབྱར་ཁ། བརྒྱད་པ་དང་དགུ་བར་སྟོན་ཁ། བཅུ་བ་དང་བཅུ་གཉིས་པར་དགུན་སྟོད། བཅུ་གཉིས་པ་དང་དང་པོ་གཉིས་ཀྱི་རིང་ལ་དགུན་སྨད་བཅས་དྲུག་ཏུ་བགོས་པའི་སྐབས་ཀྱང་ཡོད། གཅིག་འཕྲོར་གཅིག་འབྱུང་བའི་ནམ་ཟླ་དུས་བཞིའམ་དུས་དྲུག་པོར་གནམ་གཤིས་ཀྱི་ཚ་གྲང་དང་ཉིན་མཚན་གྱི་རིང་ཐུང་སོགས་ལ་འགྱུར་ལྡོག་ཧ་ཅང་ཆེ་ཞིང་། ཕྱིའི་ནམ་ཟླའི་འགྱུར་བ་དེ་དང་བསྟུན་ནས་ནང་སེམས་ཅན་གྱི་ཁམས་ལའང་འགྱུར་ལྡོག་ཆེ། ཅི་ལྟར་འགྱུར་བའི་ཚུལ་དེ་དང་བསྟུན་པའི་སྤྱོད་ལམ་ལ་དུས་སུ་སྤྱོད་པའི་སྤྱོད་ལམ་ཟེར། དེ་ན་གཤམ་ནས་གནམ་གཤིས་ཀྱི་འགྱུར་ལྡོག་དང་བསྟུན་ནས་སྐབས་གང་ཞིག་ཏུ་བསིལ་དྲོད་ཀྱི་གནས་གང་དང་གང་གང་དུ་འདུག་དགོས་པར་ལབ་ན་ཀུན་གྱི་བློ་ངོར་ངེས་སླ་ཡང་། སྐབས་གང་ཞིག་ལ་ཁ་ཟས་སུ་རོ་དྲུག་པོའི་ནང་ནས་འདི་དང་འད
