ཉེ་ཆར་ཀོས་ནན་རྫོང་རྩྭ་ལས་ཀུང་ཟིས་མི་གྲངས་དང་འཆར་ལྡན་བུ་སྐྱེའི་བཅའ་ཁྲིམས་ཁྲིམས་སྲོལ་ཤེས་བྱའི་གསོ་སྦྱོང་འཛིན་གྲྭ་བསྡུས་པ་དང་མི་སུམ་ཅུ་ལྷག་གསོ་སྦྱོང་ལ་ཞུགས། 

གསོ་སྦྱོང་སྐབས་སུ་ཀྲུང་གོའི་འཆར་ལྡན་བུ་སྐྱེའི་མཐུན་ཚོགས་ཀྱི་དྲིལ་བསྒྲགས་བྱ་བར་ཤུགས་སྣོན་པའི་སྐོར་གྱི་མཛུབ་སྟོན་བསམ་འཆར་དང་མཚོ་ལྷོ་ཁུལ་མི་གྲངས་དང་འཆར་ལྡན་བུ་སྐྱེ་ཨུ་ཡོན་ལྷན་ཁང་གི་ཁྱིམ་ཐོ་ལམ་ལུགས་བཅོས་བསྒྱུར་བྱེད་དུས་མི་གྲངས་དང་འཆར་ལྡན་བུ་སྐྱེ་བྱ་བ་ལེགས་སྒྲུབ་བྱ་དགོས་པའི་སྐོར་གྱི་བརྡ་ཐོ། རྒྱལ་ཁབ་ཀྱི་རིན་མི་ལེན་པར་མངལ་མ་ཆགས་གོང་གི་ལེགས་སྐྱེ་བདེ་ཐང་ཞིབ་བཤེར་ལས་གཞིའི་སྤུས་ཀའི་བྱ་བར་ཤུགས་སྣོན་པ་དང་ཇེ་མཐོར་གཏོང་བའི་སྐོར་གྱི་འཆར་གཞི་སོགས་ཀྱི་དགོངས་དོན་དང་། གཞན་ད་དུང་ལམ་ལུགས་གསུམ་གྱི་འབྲེལ་ཡོད་བཅའ་ཁྲིམས་ཁྲིམས་སྲོལ་སློབ་སྦྱོང་དང་བརྒྱུད་སྒྲོག་བྱས་པར་མ་ཟད། མངལ་མ་ཆགས་གོང་གི་ལེགས་སྐྱེ་བདེ་ཐང་ཞིབ་བཤེར་ཤེས་བྱར་འགྲེལ་བཤད་བྱས་ཏེ། མངོན་སུམ་གསལ་རྗེན་གྱིས་མངལ་ཆགས་པ་དང་བདེ་འཇགས་སུ་ལེགས་སྐྱེ་བྱེད་པའི་དོན་སྙིང་གལ་ཆེན་བཤད།

རྩོམ་སྒྲིག་པ། འབྲུག་མོ།