མིའི་རིགས་ལ་མཚོན་ན། ལངས་ནས་འགྲོ་བ་ནི་འཕེལ་འགྱུར་གྱི་དོན་སྙིང་སྟེང་ནས་བཤད་ན་མཐོང་སླ་བ་ཞིག་ཡིན། དེས་ང་ཚོའི་ལག་པ་བཅིངས་འགྲོལ་བྱས་པ་དང་མིའི་རིགས་ཀྱི་བློ་རིག་ལ་ཡར་སྐུལ་བྱས། དེ་དང་མཉམ་དུ་ལངས་ནས་འགྲོ་བ་དེས་མིའི་རིགས་ཀྱི་ལུས་ཀྱི་གྲུབ་ཚུལ་ལ་ཤུགས་རྐྱེན་ཟབ་མོ་ཐེབས། དཔེར་ན་མིའི་རིགས་ཀྱི་ལྟག་རུས་ཀྱི་བུ་གའི་གནས་དེ་སྤྲ་རིགས་ལས་ཀྱང་ད་དུང་མདུན་དུ་ཡོད་པ་རེད། དེ་ནི་ཕལ་ཆེར་མི་ལུས་ཀྱི་རུས་པ་དེ་ལངས་ནས་འགྲོ་བའི་ལྗིད་ཤུགས་ཀྱི་འགྱུར་ལྡོག་གི་འབྲས་བུར་མཐུན་པ་རེད།
ལངས་ནས་འགྲོ་བ་དེས་མིའི་རིགས་ཀྱི་ཁོག་སྨད་ཀྱི་ལྷུ་ཚིགས་ལ་དེ་བསྟུན་གྱི་འགྱུར་ལྡོག་འབྱུང་དུ་བཅུག་པ་རེད། པུས་ཚིགས་ནི་ས་ངོས་དང་ཉེ་བས་ངར་གདོང་ལས་གཞན་ལྗིད་འདེགས་ཀྱི་ཚད་ཆེས་ཆེ་བའི་ལྷུ་ཚིགས་ཡིན། ཡིན་ནའང་ལྗིད་ཁུར་ཚད་ཆེས་གཙོ་བོ་ཡིན་པའི་རྒྱ་ཚིགས་དང་མི་འདྲ་ས་ནི་པུས་ཚིགས་ཀྱིས་དུས་མཉམ་དུ་ད་དུང་གལ་ཆེ་བའི་འགུལ་སྟངས་མང་པོ་ཞིག་ཡོངས་འགྲུབ་བྱ་དགོས་ཏེ། རྒྱུག་པ་དང་ལྡིང་བ། རྡོག་བརྫིས། རི་མགོར་འགོ་བ། བཞོན་པར་ཞོན་པ་སོགས་གཙོ་བོ་པུས་ཚིགས་ལ་བརྟེན་དགོས། དེ་བས་པུས་ཚིགས་ཀྱིས་ལུས་ཀྱི་ལྗིད་ཚད་སྲུང་འཛིན་བྱ་དགོས་པ་ལས་གཞན། ད་དུང་བདེ་ལྕག་འཁྱུག་པོའི་འགུལ་སྐྱོད་སྣ་ཚོགས་བྱ་དགོས། ལུས་
