ཉེ་ཆར་ཞིང་ཆེན་འཕྲོད་བསྟེན་ཐིན་གྱི་ཆེད་མཁས་པས་ཕྱོགས་ཡོངས་ནས་ལྟ་ཞིབ་བྱས་མཐར། མཚོ་སྔོན་རྒྱ་གྲམ་དམར་པོ་སྨན་ཁང་དེ་ཞིང་ཆེན་ནང་ཁུལ་གྱི་མཆིན་པའི་ཐུམ་འབུ་འགོག་བཅོས་དང་གཤག་བཅོས་ལྟེ་གནས་སུ་གཏན་འཁེལ་བྱས།
མཆིན་པའི་ཐུམ་འབུ་ནི་མི་ཕྱུགས་གཉིས་ཀར་འབྱུང་བའི་འགོས་ནད་ག་པའི་རིགས་ཤིག་ཡིན་ཞིང་། རང་རེའི་ཞེང་ཆེན་དུ་འགོས་ཁྱབ་ཤིན་ཏུ་ཆེ་ལ་མི་དམངས་ཀྱི་བདེ་ཐང་དང་ཕྱུགས་ལས་ཐོན་སྐྱེད་ལ་གནོད་པ་ཚབས་ཆེན་གཏོང་བའི་རྒྱུན་མཐོང་གི་ནད་རིགས་ཤིག་རེད། ཉེ་བའི་ལོ་འདི་དག་གི་རིང་ལ་སྲིད་གཞུང་གིས་མཆིན་པའི་ཐུམ་འབུ་འགོག་བཅོས་སྐོར་ལ་ཐུགས་ཁུར་ཆེན་པོ་བྱེད་བཞིན་ཡོད་ཅིང་། རང་རེའི་ཞེང་ཆེན་དུ་མཆིན་པའི་ཐུམ་འབུའི་ནད་པར་རིན་མི་ལེན་པར་སྨན་བཅོས་བྱེད་པ་དང་། གཤག་བཅོས་བྱེད་པར་ཡང་རོགས་དངུལ་འོས་འཚམ་གཏོང་བའི་སྨན་བཅོས་བྱ་འགུལ་རབས་དང་རིམ་པ་སྤེལ་བཞིན་ཡོད།
འཕྲོད་བསྟེན་ཆེད་མཁས་པས་མཚོ་སྔོན་རྒྱ་གྲམ་དམར་པོ་སྨན་ཁང་གིས་ནད་ཁང་དང་སྨན་དཔྱད་ཡོ་ཆས་སོགས་ལ་ཞིབ་བཤེར་ནན་མོ་བྱས་ཤིང་། སྨན་པའི་མཆིན་པའི་ཐུམ་འབུའི་ནད་འགོག་བཅོས་ཀྱི་ཆུ་ཚད་དང་ནད་སྐྱོང་འདུ་ཤེས། ནད་གཞི་ངོས་འཛིན་དང་གསོ་བཅོས། ICUསྨན་བཅོས་ཆུ་ཚད་བཅས་ལ་ནན་ཏན་དང་ཞིབ་ཕྲའི་ལྟ་ཞིབ་བྱས་མཐར། མ་གྲོས་གཅིག་
