དཀོན་མཆོག་རྒྱལ་མཚན།
དཀོན་མཆོག་རྒྱལ་མཚན་ནི༡༩༦༥ལོར་མདོ་སྨད་ཁྲི་ཀ་རྫོང་དུ་འཁྲུངས། སྔ་གཞུག་ཏུ་ཁྲི་ཀ་རྫོང་མི་རིགས་སློབ་འབྲིང་དང་། སྐུ་འབུམ་དགོན་པ། གཙང་བཀྲ་ཤིས་ལྷུན་པོ། ཀྲུང་གོའི་བོད་བརྒྱུད་མཐོ་རིམ་ནང་བསྟན་སློབ་གླིང་། བོད་ལྗོངས་གསོ་རིག་སློབ་གླིང་སོགས་སུ་མཁན་ཆེན་སྐེ་ཀྱཱ་རིན་པོ་ཆེ་དང་། རབ་འབྱམས་པ་བློ་བཟང་དམ་ཆོས། དགེ་བའི་བཤེས་གཉེན་ངག་དབང་བསྟན་འཛིན། མཁན་ཆེན་བཀྲ་ཤིས་མཆོག་སྤྲུལ། མཁན་པོ་ཁྲོ་རུ་ཚེ་རྣམ་སོགས་མཁས་བཙུན་བཟང་གསུམ་གྱི་དགེ་བའི་བཤེས་གཉེན་མང་པོའི་མདུན་དུ་ཐུན་མིན་དང་ཐུན་མོང་གི་རིག་པའི་གནས་ཀུན་ལ་སྦྱངས་ཤིང་། ལྷག་པར་དུ་བོད་ཀྱི་གསོ་རིག་རྒྱ་མཚོའི་གླིང་དུ་ཐོས་པ་རྒྱ་ཆེར་བཙལ་ནས་གཞུང་ལུགས་ལག་ལེན་དང་བཅས་པར་བྱང་ཆུབ་པར་གནང་སྟེ། རྒྱལ་ཁབ་རིམ་པའི་སྨན་པ་རབ་འབྱམས་པའི་དཔང་རྟགས་ཐོབ་ཡོད། དེ་ཡང་འཛམ་གླིང་ཆིག་སྒྲིལ་ཅན་དུ་འགྱུར་བཞིན་པའི་དུས་བབ་དང་བསྟུན་ནས་བོད་ལུགས་གསོ་བ་རིག་
