ཐུམ་འབུའི་ནད་ནི་རྒྱ་ཆེའི་རོང་འབྲོག་མང་ཚོགས་ཀྱི་ལུས་པོའི་བདེ་ཐང་ལ་གནོད་པ་ཆེན་པོ་བཟོ་བཞིན་པའི་ནད་རིགས་ཤིག་ཡིན་ཞིང་། དེ་མི་ཕྱུགས་གཉིས་ཀར་འབྱུང་བ་ཡིན། ཐུམ་འབུའི་ནད་ལ་ཁ་སྐད་དུ་ཆུ་འབུར་ནད་ཀྱང་ཟེར། ང་ཚོའི་འབྲོག་ཕྱོགས་ས་ཁུལ་དང་ལྷག་པར་དུ་མཚོ་སྔོན་ལྷོ་ཕྱོགས་ས་ཁུལ་དུ། ནད་དེ་བྱུང་ཡོད་པའི་མི་དང་ཕྱུགས་ཟོག་ཧ་ཅང་མང་པོ་མཐོང་རྒྱུ་ཡོད། འགོས་ནད་ཀྱི་ནང་ནས་འགོས་ནད་ག་པའི་རིགས་སུ་གཏོགས་པའི་ནད་དེ་འཛམ་གླིང་ཡོངས་སུ་ཁྱབ་ཡོད་ཅིང་། རང་རེའི་རྒྱལ་ཁབ་ཏུ་གཙོ་བོར་མཚོ་སྔོན་དང་བོད་ལྗོངས། ཀན་སུའུ། ཉིན་ཞ། ནང་སོག་བཅས་ཞིང་ཆེན་དང་རང་སྐྱོང་ལྗོངས་བདུན་དུ་འབྱུང་ཚད་ཅུང་ཚབས་ཆེ། ང་ཚོ་མཚོ་སྔོན་ཞིང་ཆེན་དུ 2004 ལོའི་རྗེས་སུ་བརྟག་དཔྱད་བྱས་པ་ལྟར་ན་ཐུམ་འབུའི་ནད་བྱུང་ཚད་དེ་ཆ་སྙོམས་ཀྱིས 1.08﹪ཡིན་མོད། ཉེ་བའི་ལོ་འདི་འགར་ཡང་བསྐྱར་བརྟག་དཔྱད་བྱས་པ་ལས། རང་ཞིང་གི་ས་ཆ་ལ་ལར 3- 13﹪དུ་འཕར་ཡོད་པ་ཤེས། རང་རྒྱལ་དུ་ཐུམ་འབུའི་ནད་བྱུང་བ་ལས་དཔལ་འབྱོར་ཐད་བཟོས་པའི་གྱོང་གུད་སྒོར་བྱེ་བ་ལྷག་ལ་བུད་ཡོད་ཅིང་། །རང་ཞིང་དུ་ཡང་ཐུམ་འབུའི་ནད་བྱུང་བ་ལས“དབུལ་ཕོངས་སུ་གྱུར་པ་དང་ཡང་བསྐྱར་དབུལ་ཕོངས་སུ་འགྱུར་བའི”གནས་ཚུལ་ལྷག་ཏུ་ཚབས་ཆེན་རེད། ཐུམ་འབུའི་ནད་འདིའི་རིགས་ག