མཚོ་སྔོན་ཞིང་ཆེན་ནི་རང་རྒྱལ་གྱི་ནུབ་རྒྱུད་དུ་གནས་པ་དང་། ས་ཁུལ་གཞན་པ་དང་བསྡུར་ན་དཔལ་འབྱོར་འཕེལ་རྒྱས་ལྟོས་བཅས་སུ་རྗེས་ལུས་ཡིན་པས་ན། ས་ཁུལ་མང་ཤོས་ཀྱི་བུད་མེད་ཚོའི་བདེ་སྲུང་འདུ་ཤེས་ཞན་པ་སྟེ། ནུ་མའི་གཤེར་རྨེན་དང་བུ་སྣོད་སོགས་མོ་ནད་སྣ་ཚོགས་ལ་ཞིབ་བཤེར་བྱེད་པའི་གལ་ཆེན་རང་བཞིན་མི་ཤེས་པ་དང་། ས་ཁུལ་ལ་ལའི་བུད་མེད་ཀྱི་བསམ་བློ་རྙིང་བ་ཡིན་ཕྱིན། ནུ་མའི་གཤེར་རྨེན་དང་མོ་ནད་ལ་ཞིབ་བཤེར་བྱེད་པ་ནི་ཧ་ཅང་མི་ཡག་པའི་དོན་ཞིག་ལ་བརྩི་བཞིན་ཡོད། ན་ཚུལ་ཇེ་ལྗིད་དུ་སོང་ན་མ་གཏོགས་སྨན་ཁང་དུ་ཡོང་ཁ་མི་ཉན། དེའི་ཕྱིར། མཚོ་སྔོན་རྒྱ་གྲམ་དམར་པོ་སྨན་ཁང་གིས་ཟི་ལིང་ས་ཁུལ་གྱི་མཐའ་འཁོར་ཞིང་སྡེ་རུ་དུས་ཡུན་ཟླ་གསུམ་ལྷག་ལ་མོ་ནད་ཕྱོགས་ལ་ཡོངས་ཁྱབ་ཏུ་ཞིབ་བཤེར་བྱས་པ་རེད།
གཅིག ཐེངས་འདིར་ཟི་ལིང་ས་ཁུལ་གྱི་མཐའ་འཁོར་ཞིང་སྡེ་རུ་མོ་ནད་ཕྱོགས་ལ་བརྟག་དཔྱད་བྱས་པ་ལས་མངོན་པ་ལྟར་ན། མངལ་ལམ་གཉན་ཚད་བྱུང་ཚད་ཆེས་མང་ཞིང་། འབུ་ཕྲ་རང་བཞིན་གྱི་མངལ་ལམ་ནད་དུག་ཕོག་ཚད་བརྒྱ་ཆའི་སོ་ལྔ་དང་གྲངས་ཆུང་དྲུག་བདུན་ལ་བསླེབས་ཡོད། དེ་རང་ཉིད་ཀྱི་འཕྲོད་བསྟེན་གོམས་སྲོལ་མི་ལེགས་པ་དང་། འཕྲོད་བསྟེན་ཡོ་བྱད་མི་གཙང་བ་སོགས་ལས་བྱུང་བ་རེད། བུད་མེད་ལ་ལས་རང་ཉིད་ལ་མངལ་ལམ་གཉན་ཚད་བྱུང་
