ཉེ་ལམ་མཚོ་སྔོན་འཇིགས་མེད་བོད་སྨན་སྨན་ལས་ཚད་ཡོད་ཀུང་ཟིས་མཚོ་སྔོན་སྙིང་རྗེ་སྤྱིའི་ཚོགས་པར་རིན་ཐང་ལ་སྒོར་ས་ཡ་གཅིག་ཙམ་གྱི་སྨན་རྫས་ཞལ་འདེབས་སུ་ཕུལ་བར་མ་ཟད། ད་དུང་དུས་ཡུན་ལོ་ངོ་གཅིག་ཙམ་གྱི་རིང་ལ་གཅིན་སྙིའི་ནད་བྱུང་ཡོད་པའི་ནད་པ་ལྔ་བརྒྱར་རིན་མི་ལེན་པར་ཞག་སྡོད་སྨན་བཅོས་བྱེད་རྒྱུ་རེད། ཁོ་ཚོ་སྨན་ཁང་གིས་ཟླ་རེ་རེར་ནད་པ་བཞི་བཅུ་ཙམ་རེར་ཞག་སྡོད་སྨན་བཅོས་བྱས་ནས། ལོ་གཅིག་གི་ནང་དུ་ནད་པ་ལྔ་བརྒྱར་ཞག་སྡོད་སྨན་བཅོས་བྱེད་རྒྱུ་རེད། དེ་ལས་གཞན་ཚང་མར་གསལ་བཤད་བྱེད་རྒྱུ་ཞིག་ཡོད་པ་ནི། ནད་པ་རེ་རེར་དུས་ཡུན་ཟླ་ངོ་གཅིག་ཙམ་ལ་རིན་མི་དགོས་པར་ཞག་སྡོད་སྨན་བཅོས་བྱས་རྗེས། ཟླ་རྗེས་མར་ད་དུང་མུ་མཐུད་དུ་ཞག་སྡོད་བྱེད་དགོས་ན་འགྲོ་སོང་ཚང་མ་རང་གིས་སྟེར་དགོས། དེ་ལྟར་བྱས་ན་ནད་པ་གཅིག་གི་ཟླ་རེའི་འགྲོ་སོང་སྒོར4300ཡིན་པ་དང་། ནད་པ་ལྔ་བརྒྱ་བོའི་འགྲོ་སོང་དེ་སྒོར་མོར་བཀུག་ན་སྒོར 2150000ཡིན་པས། ད་ཐེངས་མཚོ་སྔོན་འཇིགས་མེད་བོད་སྨན་ཁང་གིས་བསྡོམས་པས་སྒོར་ས་ཡ་གསུམ་དང་འབུམ་གཅིག་ཁྲི་ལྔས་ཞལ་འདེབས་ཕུལ། དེ་བས་གཅིན་སྙིའི་ནད་བྱུང་ཡོད་པའི་ནད་པ་རྣམས་ཀྱིས་གོ་སྐབས་དམ་འཛིན་བྱས་ནས་མཚོ་སྔོན་འཇིགས་མེད་བོད་སྨན་ཁང་དུ་སྨན་རིན་མི་དགོས་པའི་ཞག་སྡོད་སྨན་བཅོས་བྱེད་
