མཚོ་སྔོན་རྒྱ་གྲམ་དམར་པོ་སྨན་ཁང་གིས་ཉེ་ལམ་ནང་བསྟན་རིག་གནས་དང་མི་ཆོས་གསོ་རིག་སྐོར་གྱི་བགྲོ་གླེང་ཚོགས་འདུ་སྐབས་བཞི་བ་བསྡུས། རྒྱལ་ཡོངས་སྲིད་གྲོས་མི་རིགས་དང་ཆོས་ལུགས་ཨུ་ཡོན་ལྷན་ཁང་གི་ཀྲུའུ་རིན་གཞོན་པའམ་ཞིང་ཆེན་སྲིད་གྲོས་ཀྱི་ཀྲུའུ་ཞི་ཟུར་པ་པད་མ། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པའམ་ཞིང་ཆེན་ནང་བསྟན་མཐུན་ཚོགས་ཀྱི་ཀྲུའུ་ཞི་རིན་ཆེན་རྣམ་རྒྱལ། ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་གི་ཀྲུའུ་རིན་གཞོན་པའམ་ཞིང་ཆེན་གསར་སྐྲུན་གཞུང་ལས་ཁང་གི་ཀྲུའུ་རིན་གཞོན་པ་ཕུའུ་ཡུན་རི། དེ་མིན་མཚོ་སྔོན་ཡུས་ཧྲུའུ་ནས་ཕེབས་པའི་བླ་སྤྲུལ་བཅུ་ལྷག་དང་། ཞིང་ཆེན་བོད་སྨན་ཁང་དང་ཁུལ་དང་རྫོང་སོ་སོའི་བོད་སྨན་ཁང་གི་འཐུས་ཚབ། མཚོ་སྔོན་རྒྱ་གྲམ་དམར་པོ་སྨན་ཁང་གི་སྨན་པ་བཅས་མི་ལྔ་བརྒྱ་ལྷག་བགྲོ་གླེང་ཚོགས་འདུར་ཞུགས།
བགྲོ་གླེང་ཚོགས་འདུའི་སྟེང་མཚོ་སྔོན་རྒྱ་གྲམ་དམར་པོ་སྨན་ཁང་གི་ཡོན་ཀྲང་ཀྲང་ཅན་ཆིན་གྱིས་དགའ་བསུ་ཞུ་བའི་ཤིས་ཚིག་ཕུལ་བ་དང་། «རིག་གནས་ཀྱི་སྟོབས་ཤུགས་ལ་བརྟེན་ནས་མི་རིགས་མཐུན་སྒྲིལ་དང་འཆམ་མཐུན་ཡོང་བར་སྐུལ་འདེད་བྱེད་པ»ཞེས་པའི་ཆེད་དོན་གཏམ་བཤད་གནང་ལ། བླ་སྤྲུལ་ཡོན་ཏན་ཤེས་རབ་ཀྱིས་ཁ་བྱང་ལ«ནང་བསྟན་གྱི་ཕ་རོལ་ཏ
