ཡིད་མུག་པའི་ནད་ཅེས་པ་ནི་ཅི་ཞིག་ཡིན་ནམ། གནའ་བོའི་ཞི་ལའི་མིའི་བསམ་པར་དེ་ནི་ལུས་སྟེང་གི་གཤེར་ཁུ་རིགས་བཞི་སྟེ། ཁྲག་དང་འབྱར་ཁུ། མཁྲིས་ཁུ་སེར་པོ་དང་མཁྲིས་ཁུ་ནག་པོ་བཅས་དོ་མཉམ་མིན་པ་ལས་བྱུང་བ་རེད། མཁྲིས་ཁུ་ནག་པོས་ལུས་སྟེང་གི་གཤེར་ཁུ་ལས་བསྡུར་ཚད་ཆེས་མཐོན་པོ་ཟིན་ཚེ། ཡིད་མུག་པའམ་སེམས་སྐྱོ་བའི་སྣང་ཚུལ་བྱུང་བ་རེད་སྙམ། སྔ་དར་ཡེ་ཤེས་ཆོས་ལུགས་ཀྱིས་ཡིད་མུག་པའི་ནད་དེར་འདྲེས་གནོད་པ་དང་། མིའི་རིགས་ཀྱིས་ནག་ཉེས་བསགས་པར་ལྷས་ཉེས་ཁྲིམས་བཅད་པ་བཅས་རིགས་གཉིས་སུ་དབྱེ་ཡོད། རང་རྒྱལ་གནའ་རབས་སུའང་ཡིད་མུག་པའི་ནད་ཀྱི་རིགས་སུ་གཏོགས་པའི་སེམས་ཁམས་ཀྱི་ནད་ཅིག་ཡོད་པར་བཤད། དེང་རབས་གསོ་རིག་གིས་ཡིད་མུག་པའི་ནད་ལ་སྔར་ལས་ལྷག་པའི་ཚན་རིག་གི་སྡོམ་ཚིག་བཀོད་ཡོད་དེ། ཡིད་མུག་པའི་ནད་དེ་རྒྱུ་རྐྱེན་སྣ་ཚོགས་ལ་བརྟེན་ནས་བྱུང་བའི་ཡིད་མུག་པ་མངོན་རྟགས་གཙོ་བོ་ཡིན་པའི་སེམས་ཁམས་ཀྱི་འགལ་རྐྱེན་ནམ་བརྩེ་དུང་རང་བཞིན་གྱི་འགལ་རྐྱེན་ཞིག་ཡིན་ལ། དེ་ནི་ཡིད་མུག་པའི་སེམས་ཁམས་དེ་རང་སྟེང་གི་མྱོང་ཚོར་གཙོ་ཡིན་པའི་ནད་ཐོག་གི་ནད་རྟགས་མང་པོའམ་རྣམ་པ་ཞིག་རེད། འཛམ་གླིང་འཕྲོད་བསྟེན་རྩ་འཛུགས་ཀྱིས་སྡོམ་རྩིས་བྱས་ནས་དབྱེ་ཞིབ་བྱས་པ་ལྟར་ན། འཛམ་གླིང་ཡོངས་ནས་མི་དུང་ཕྱུར་གཅིག་དང་བ
