ཟླ་བདུན་པའི་ཚེས་ཉེར་བཞི་ཉིན་དང་ཚེས་ཉེར་ལྔ་ཉིན་གཉིས་ལ། རྒྱལ་ཡོངས་འཕྲོད་བསྟེན་འཆར་ལྡན་བུ་སྐྱེ་ཨུ་ཡོན་ལྷན་ཁང་གི་ཀྲུའུ་རིན་ཆེད་དོན་བགྲོ་གླེང་འཛིན་གྲྭ་ཟི་ལིང་ནས་བསྡུས། རྒྱལ་ཁབ་འཕྲོད་བསྟེན་འཆར་ལྡན་བུ་སྐྱེ་ཨུ་ཡོན་ལྷན་ཁང་གི་ཀྲུའུ་རིན་ལིས་པེན་གྱིས་གཏམ་བཤད་པ་དང་། མཚོ་སྔོན་ཞིང་ཆེན་གྱི་ཧྲིན་ཀྲང་ཧའོ་ཕིན་གྱིས་ཤིས་ཚིག་ཕུལ་ཞིང་རྒྱལ་ཁབ་འཕྲོད་བསྟེན་འཆར་ལྡན་བུ་སྐྱེ་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་སུང་ཀྲི་ཀང་གིས་གྲོས་ཚོགས་ལ་མགོ་འཛིན་བྱས་པ་དང་ཀྲུའུ་རིན་གཞོན་པ་ཝང་གོ་ཆང་སོགས་དང་མཚོ་སྔོན་ཞིང་ཆེན་གྱི་ཧྲིན་ཀྲང་གཞོན་པ་མ་ཧྲོན་ཆིན་བཅས་བགྲོ་གླེང་འཛིན་གྲྭར་ཞུགས།
ལིས་པེན་གྱིས་བཤད་རྒྱུར། རྒྱལ་ཡོངས་འཕྲོད་བསྟེན་འཆར་ལྡན་བུ་སྐྱེ་ཁོངས་གཏོགས་ཀྱིས་ཤུགས་ཆེན་པོས་སྨན་བཅོས་བཅོས་སྒྱུར་གཏིང་ཟབ་ཏུ་སྤེལ་ཏེ། གཞུང་བཙུགས་སྨན་ཁང་གི་བཅོས་སྒྱུར་ཐད་ནས་གྲུབ་འབྲས་མངོན་གསལ་ལེན་དགོས་པ་དང་། སྨན་བཅོས་འགན་སྲུང་མ་ལག་འཐུས་ཚང་དུ་གཏོང་དགོས་ལ། གཞི་རྩའི་སྨན་རྫས་ལམ་ལུགས་དང་གཞི་རིམ་གྱི་འཁོར་སྐྱོད་ནང་རྐྱེན་གསར་བ་སྔར་ལས་སྲ་བརྟན་དུ་བཏང་ནས་སྤྱི་ཚོགས་ཀྱིས་སྨན་ཁང་སྒྲུབ་པའི་བྱ་བ་མྱུར་དུ་ལག་བསྟར་བྱེད་དགོས། ཏང་སྲོལ་སྲིད་གཙང་འཛུགས་སྐྲུན་ལ་ཤུགས་སྣོན་པ་
