དགེ་རྒན་ཆེན་མོ་ཀླུ་བྱམས་རྒྱལ་ལགས་ནི། ༡༩༦༦ལོའི་ཟླ་༩པར་མཚོ་སྔོན་མང་རྫོང་ས་ཆར་སྐྱེས། ལོ་གྲངས་བཅུ་བདུན་ཙམ་ལ་སོན་པ་ནས་གསོ་བ་རིག་པ་སྦྱངས་མགོ་བརྩམས་ཤིང་། གསོ་རིག་གི་དགེ་རྒན་གཙོ་བོར་བློ་བཟང་དམ་ཆོས་དང་། བསམ་གཏན། བྱམས་པ་འཕྲིན་ལས། ཁྲོ་རུ་ཚེ་རྣམ། གོ་འཇོ་དབང་འདུས་སོགས་བསྟེན། གསོ་རིག་ལོ་རྒྱུས་དང་། སེམས་ཁམས་རིག་པ། རྩ་བའི་གཞུང་དོན་སྐོར་གྱི་དཔྱད་རྩོམ་དང་དཔེ་དེབ་ལྔ་བཅུ་ཙམ་སྤེལ་ལ། རྒྱལ་ཡོངས་གཅིག་གྱུར་གྱི་སློབ་དེབ་བཅུར་ཉེ་བ་མདོ་འཛིན་ལེགས་འགྲུབ་བྱུང་། རྒྱལ་ཁབ་ཕྱི་ནང་གི་རིག་གཞུང་བྱ་དགའ་ཆེ་ཁག་རིགས་བརྒྱད་ལྷག་ཐོབ་ཅིང་གསོ་བ་རིག་པའི་རྗེས་འཛིན་མཁན་མི་ཉུང་བ་གསོ་སྐྱོང་བྱས། འབྲུག་པ་དང་། ཨ་མེ་རི་ཁ། ཉི་ཧོང་སོགས་རྒྱལ་ཁབ་དུ་བསྐྱོད་དེ་གསོ་བ་རིག་པའི་རིག་གཞུང་འཆད་ཁྲིད་གང་མང་གནང་། ད་ལྟ་མཚོ་སྔོན་སློབ་ཆེན་བོད་ལུགས་གསོ་རིག་སློབ་གླིང་གི་འགན་འཛིན་པ། དགེ་རྒན་ཆེན་མོ། འབུམ་རམས་ཞིབ་འཇུག་སློབ་མའི་མཛུབ་སྟོན་སློབ་དཔོན། མཚོ་སྔོན་ཞིང་ཆེན་བོད་ཀྱི་གསོ་རིག་སློབ་ཚོགས་ཀྱི
