ཉེ་ལམ་མཚོ་སྔོན་ཞིང་ཆེན་གྱིས་སྐོར་ཐེངས་གསུམ་པའི་རྒྱལ་ཡོངས་ཨེ་ཙིའི་ནད་ཕྱོགས་བསྡུས་འགོག་བཅོས་དཔེ་སྟོན་ཁུལ་གྱི་བྱ་བ་སྤེལ་མགོ་བརྩམས་ནས། ཟི་ལིང་གྲོང་ཁྱེར་དང་མཚོ་ཤར་གྲོང་ཁྱེར་གཉིས་སྐོར་ཐེངས་གསུམ་པའི་རྒྱལ་ཡོངས་ཨེ་ཙིའི་ནད་ཀྱི་ཕྱོགས་བསྡུས་འགོག་བཅོས་གྲོང་ཁྱེར་དཔེ་སྟོན་ཁུལ་དང་། ཧོང་ཀྲུང་རྫོང་དང་གུང་ཧོ་རྫོང་། ན་གོར་མོ་གྲོང་ཁྱེར་བཅས་སྐོར་ཐེངས་གསུམ་པའི་རྒྱལ་ཡོངས་ཨེ་ཙིའི་ནད་ཕྱོགས་བསྡུས་འགོག་བཅོས་རྫོང་དཔེ་སྟོན་ཁུལ་དུ་གཏན་ཁེལ་བྱས།
མཚོ་སྔོན་ཞིང་ཆེན་འཕྲོད་བསྟེན་དང་འཆར་ལྡན་བུ་སྐྱེས་ཨུ་ཡོན་ལྷན་ཁང་གིས་དཔེ་སྟོན་ཁུལ་གྱི་བྱ་བའི་མགོ་ཁྲིད་ཚན་ཆུང་དང་། དཔེ་སྟོན་ཁུལ་དོ་དམ་གཞུང་སྒྲུབ་ཁང་། ལག་རྩལ་མཛུབ་སྟོན་ཚན་ཆུང་བཅས་བཙུགས་ནས། དཔེ་སྟོན་ཁུལ་གྱི་བྱ་བའི་ཕྱོགས་བསྡུས་མཐུན་སྦྱོར་དང་ཉིན་རྒྱུན་གྱི་དོ་དམ། ལག་རྩལ་ཐད་ཀྱི་རྒྱབ་སྐྱོར་བཅས་ལ་ཤུགས་སྣོན་དང་། འགོག་བཅོས་བྱ་བའི་ཁྲོད་གནས་པའི་གཙོ་གནད་དང་དཀའ་གནད་ཐག་གཅོད་བྱེད་པ་གཙོ་བོར་འཛིན་པ་དང་། དཔེ་སྟོན་ཁུལ་གྱི་བྱ་བ་དེ་ཤུགས་འདོན་སར་བྱས་ཏེ། ཞིང་ཆེན་ཡོངས་ཀྱི་ཨེ་ཙིའི་ནད་འགོག་བཅོས་བྱ་བ་ཕྱོགས་ཡོངས་དང་གཏིང་ཟབ་ཏུ་སྤེལ་བ་དང་། དཔེ་སྟོན་ཁུལ་སོ་སོས་རྩ་འཛུགས་འགན་སྲུང་དང་། ལྟ་ཞིབ་ཚད་ལེན་དང་
