ཞིབ་འཇུག་ལས་ཤེས་གསལ་ལྟར་ན། ཡིད་མུག་པའི་ནད་ཀྱིས་གློ་འཚང་བ་དང་ཏོག་དབྱིབས་ཁྲག་རྩའི་སྙིང་ནད། ཨེ་ཙི་ནད། དེ་མིན་ནད་རིགས་གཞན་པ་མང་པོ་འགོ་ཉེན་ཆེ་བ་དང་། ཤི་བའི་ཉེན་ཁ་ཡང་དེ་ལྟར་ཇེ་མང་དུ་འགྲོ་བཞིན་ཡོད་པ་རེད། ཡིད་མུག་པའི་ནད་བྱུང་མཁན་ཚང་མར་དེ་འབྲེལ་གྱི་སྣང་ཚུལ་རབས་དང་རིམ་པ་འབྱུང་བ་རེད། གཞི་རྒྱུ་རྒྱུད་འཛིན་དང་ཧི་ཨེར་མིན། སྐྱེ་དངོས་རང་བཞིན་གྱི་རྙོག་ཟིང་ནས་སེམས་ལ་རྨ་ཁ་བཟོ་བ། ནད་རིགས་ལྗིད་མོ། དེ་མིན་འཚོ་བའི་ཁྲོད་ཀྱི་ཕོག་ཐུག་སོགས་གང་ཞིག་གིས་ཀྱང་ཡིད་མུག་པའི་ནད་སློང་སྲིད། དེ་བས་ཡང་དག་པའི་སྒོ་ནས་གསོ་བཅོས་བྱ་རྒྱུ་ནི་ཧ་ཅང་གལ་ཆེ་བ་དང་། ནད་བསྟུན་སྨན་བཅོས་བྱ་རྒྱུ་ཡང་གལ་ཆེའོ།
གཅིག ཡིད་མུག་པའི་ནད་གསོ་བཅོས་བྱེད་པར་སྤྱིར་བཏང་དུ་སྨན་གྱིས་གསོ་བ་དང་། སེམས་ཁམས་གསོ་བ། མཉམ་བསྲེས་ཀྱི་གསོ་ཐབས་བཅས་སྤྱོད་ཀྱིན་ཡོད། སྨན་རྫས་ཀྱིས་གསོ་བའི་ཁྱད་ཆོས་ནི་ཕན་ནུས་མྱུར་བ་དང་ཕན་འབྲས་བཟང་བས། ནད་བབ་ཅུང་ལྗིད་མོའི་རིགས་ལ་འཚམ། ཡིད་མུག་པ་འགོག་པའི་སྨན་ནི་མིག་སྔར་ཡིད་མུག་པའི་འགལ་རྐྱེན་སྣ་ཚོགས་གསོ་བཅོས་བྱེད་པའི་སྨན་རྫས་གཙོ་བོ་ཡིན།
གཉིས། སེམས་ཁམས་གསོ་བཅོས་ནི་བྲེལ་བའི་རང་བཞིན་གྱི་ཐལ་དྲག་པའི་འདུ་ཤེས་མེད་པའི་ཡིད་མུག་པའི་ནད་རྟགས་ཅུང
