60. དགུན་དུས་རྡོ་སོལ་དང་སོལ་རླངས། གཤེར་རླངས་སོགས་འབུད་སྐབས། མཁའ་དབུགས་རྒྱུ་ས་མེད་པ་དང་། དབྱང་རླུང་གིས་མི་འདང་བའམ་དབུགས་ཤོར་ན། ཁང་བའི་ནང་དུ་དབྱང་གཅིག་ཐན་འགྱུར་མང་པོ་བསགས་ནས་མི་ལ་དུག་ཕོག་ཉེན་ཆེ། དེའི་ཕྱིར་སོལ་དུག་ཕོག་པ་སྔོན་འགོག་བྱ་ཆེད། ལྕགས་ཐབ་འབུད་སྐབས་ཁང་བའི་དྲ་མ་ཕྱེས་ནས་ནང་དུ་མཁའ་དབུགས་རྒྱུ་བར་བྱས་ཏེ། དབྱང་རླུང་འཛོམས་པོ་ཡོད་པ་ཁག་ཐེག་བྱ་དགོས། རྒྱུན་དུ་ཟ་མ་གཡོས་སྦྱོར་བྱེད་དུས་སོལ་རླངས་དང་གཤེར་རླངས་སོགས་ཀྱི་ཁ་བརྒྱབ་ཡོད་མེད་དང་སྦུ་གུ་ལས་ཕྱིར་ཟགས་ཀྱིན་ཡོད་མེད་ལ་མཉམ་འཇོག་བྱ་དགོས། གལ་སྲིད་སོལ་རླངས་ཕྱིར་ཟགས་ཀྱིན་ཡོད་ན་མྱུར་དུ་ཁ་རྒྱག་པ་དང་ལྷན་དུ་དྲ་མ་ཕྱེས་ནས་མཁའ་དབུགས་རྒྱུ་བར་བྱ་དགོས། གལ་སྲིད་ཉེ་འགྲམ་དུ་དུག་ཕོག་མཁན་ཡོད་ཚེ་མྱུར་དུ་རླུང་རྒྱུ་སར་འཁྱེར་ནས་ལྭ་བའི་སྒྲོག་གུ་དགྲོལ་དགོས་པ་དང་ཆབས་ཅིག་མྱུར་མོར་སྨན་ཁང་དུ་བསྐྱལ་ནས་མྱུར་སྐྱོབ་བྱ་དགོས།

61.མྱུར་སྐྱོབ་བྱ་དགོས་པའི་ནད་པ་ཡོད་ཚེ120མྱུར་སྐྱོབ་ཁ་པར་བཏང་ནས་འབོད་དགོས།

མྱུར་སྐྱོབ་བྱེད་དགོས་པའི་ནད་པ་ཡོད་ཚེ120མྱུར་སྐྱོབ་ཁ་པར་གཏོང་དགོས་པ་དང་། ནད་པའི་ནད་རྟགས་དང་ནད་པའི་མི་གྲངས། ས་གནས་དང་ནད་པའི་མིང་། ཕོ་མོ། ལོ་ཚོད། འབྲེལ་གཏུགས་ཁ་པར་སོགས་ཞ