ང་ཚོས་ཚོང་ཁང་ནས་བཟའ་བཅའི་སྐོར་ཉོ་སྐབས། མང་ཆེ་བ་ཞིག་ཕྱི་ཐུམ་བརྒྱབ་ཡོད་པའི་དངོས་རྫས་རེད། རང་རྒྱལ་གྱི«ཟས་རིགས་འཕྲོད་བསྟེན་བཅའ་ཁྲིམས»ཀྱིས་ཐག་གཅོད་ལྟར་ན། ཕྱི་ཐུམ་བརྒྱབ་ཡོད་པའི་ཟས་རིགས་ཀྱི་་ཕྱི་ཐུམ་གྱི་ངོས་དང་ཡང་ན་གསལ་བཤད་ཡི་གེའི་སྟེང་དུ་ངེས་པར་དུ་ཐོན་རྫས་མི་འདྲ་བ་རང་རང་སོ་སོའི་མིང་དང་། ཐོན་སྐྱེད་བྱེད་ཡུལ། བཟོ་གྲྭའི་མིང་། ནམ་ཞིག་ལ་ཐོན་སྐྱེད་བྱས་པའི་ཟླ་ཚེས། ཐོན་རིམ་གྱི་ཨང་གྲངས་སམ་མིང་ཚབ། ཚད་གཞི། སྡེབ་སྦྱོར་རམ་གྲུབ་ཆ་གཙོ་བོ། རྒྱུ་སྤུས་ལ་འགན་ལེན་པའི་དུས་ཡུན་དང་ཉར་འཇོག་དུས་ཡུན། ཇི་ལྟར་བཀོལ་སྤྱོད་བྱེད་པ་དང་བཟའ་ཐབས་སོགས་གསལ་བོར་ཡོད་དགོས།
ཚད་ལྡན་གྱི་བཟོ་གྲྭས་ཐོན་སྐྱེད་བྱས་པའི་ཐོན་རྫས་ཡིན་ན་རྒྱལ་ཁབ་ཀྱི་བླང་བྱ་དང་མཐུན་པའི་ཕྱི་ཐུམ་སྟེང་དུ་གོང་གི་ནང་དོན་ཡོད་ཚད་འདུས་པའི་ཚོང་རྟགས་ཡོད། སྤྱིར་བཤད་ན། ཐོན་སྐྱེད་བྱེད་ཡུལ་དང་། བཟོ་གྲྭའི་མིང་། ནམ་ཞིག་ལ་ཐོན་སྐྱེད་བྱས་པའི་ཟླ་ཚེས་བཅས་མེད་ན། དེ་ནི་འཚོ་བཅུད་ཀྱི་རིན་ཐང་དང་འཕྲོད་བསྟེན་གྱི་ཕྱོགས་བཅས་གང་ནས་བཤད་ཀྱང་ཚད་ལྡན་ཞིག་མིན་པས། དེ་དག་ཟོས་རྗེས་ལུས་ཕུང་བདེ་ཐང་ལ་གནོད་པ་ཡོད་པ་བཤད་མ་དགོས་པ་ཞིག་རེད།
ཟས་རིགས་ཀྱི་རྒྱུ་སྤུས་ལ་འགན་ལེན་པའི་དུས་ཡ