གསར་འགོད་པས་ཉེ་ལམ་ཞིང་ཆེན་འཕྲོད་བསྟེན་དང་འཆར་ལྡན་བུ་སྐྱེ་བྱ་བའི་ཨུ་ཡོན་ལྷན་ཁང་ནས་རྒྱུས་ལོན་བྱུང་བ་ལྟར་ན། རྒྱལ་ཡོངས་ཞིང་ཆེན་འཕྲོད་བསྟེན་དང་འཆར་ལྡན་བུ་སྐྱེ་བྱ་བའི་ཨུ་ཡོན་ལྷན་ཁང་གིས་ཞིང་ཆེན་ཡོངས་ཀྱི་སྟོན་དགུན་དུས་ཀྱི་ནད་ཡམས་སྔོན་འགོག་དང་ཚོད་འཛིན་བྱ་བ་ཕྱོགས་ཡོངས་ནས་བཀོད་སྒྲིག་བྱས་པ་དང་། བྱེད་ཐབས་དྲུག་སྤྱད་དེ་སྟོན་དགུན་དུས་ཀྱི་ནད་ཡམས་སྔོན་འགོག་དང་ཚོད་འཛིན་དངོས་འབེབས་བྱས་ནས། ཕན་འབྲས་ལྡན་པའི་སྒོ་ནས་ནད་ཡམས་འབྱུང་བར་སྔོན་འགོག་བྱས།
ཞིང་ཆེན་ཡོངས་ཀྱི་སྟོན་དགུན་དུས་ཀྱི་ནད་ཡམས་སྔོན་འགོག་དང་ཚོད་འཛིན་བྱེད་པའི་བྱ་བའི་ཁྲོད་དུ། ཞིང་ཆེན་ཡོངས་ཀྱི་རིམ་པ་སོ་སོའི་འཕྲོད་བསྟེན་དང་འཆར་ལྡན་བུ་སྐྱེ་སྲིད་འཛིན་སྡེ་ཁག་དང་སྨན་བཅོས་འཕྲོད་བསྟེན་ལས་ཁུངས་ཀྱིས་གཅིག་ནས་ནད་ཡམས་ལྟ་ཞིབ་ཚད་ལེན་དང་ཉེན་བརྡ་བཏང་བ་དང་། སྔར་ལས་ནད་ཡམས་ལྟ་ཞིབ་ཚད་ལེན་དང་འགོ་ནད་བརྟག་དཔྱད་བྱེད་པ་སོགས་ཀྱི་བྱ་བར་ཤུགས་བསྣན་ནས། སྔ་མོ་ནས་ནད་ཡམས་འབྱུང་ཉེན་ཆེ་བའི་བྱ་བ་དམ་འཛིན་བྱས། གཉིས་ནས་སྨན་བཅོས་མྱུར་སྐྱོབ་བྱ་བར་ཤུགས་བསྣན་ནས། འགོ་ནད་བརྟག་དཔྱད་དང་སྨན་བཅོས་དོ་དམ་བྱ་བ་སྤེལ་བ། གསུམ་ནས་ནད་འགོག་འཆར་གཞི་བྱ་བར་ཤུགས་བསྣན་པ། བཞི་ནས་འཕྲོད་བསྟེན་གསར་སྐྲུན་བྱ་འ
