ཉེ་ལམ། གསར་འགོད་པས་ཞིང་ཆེན་འཕྲོད་བསྟེན་དང་འཆར་ལྡན་བུ་སྐྱེ་ཨུ་ཡོན་ལྷན་ཁང་ནས་རྒྱུས་ལོན་པ་ལྟར་ན། ལོ་འགའི་རིང་ལ། རང་ཞིང་གིས་སྨན་བཅོས་བཅོས་སྒྱུར་བྱ་བའི“ནོར་སྲིད་ཆུང་བས་དམངས་འཚོ་ཆེན་པོ་སྒྲུབ་པའི”འདུ་ཤེས་རྒྱུན་འཁྱོངས་བྱས་ཏེ། ཞིང་ཆེན་ཡོངས་ཀྱི་འཕྲོད་བསྟེན་འགྲོ་གྲོན་དེ་ནོར་སྲིད་འགྲོ་གྲོན་གྱི་བརྒྱ་ཆའི་བདུན་ཡན་ལ་བསླེབས་པ་དང་། ལོ་རེར་ཆ་སྙོམས་ཀྱིས་སྨན་བཅོས་བཅོས་བསྒྱུར་ཐད་མ་དངུལ་སྒོར་དུང་ཕྱུར་ཞེ་གསུམ་བཏང་ནས། སྨན་བཅོས་བཅོས་བསྒྱུར་གྱི་བྱ་བ་བརྒྱད་རྒྱལ་ཡོངས་ཀྱི་སྔོན་གྲལ་དུ་ཚུད་ཡོད། 

རྒྱུས་ལོན་པ་ལྟར་ན། རང་ཞིང་གི་མཁར་གྲོང་སྡོད་དམངས་ཀྱི་སྨན་བཅོས་འགན་སྲུང་གི་ཆུ་ཚད་སྒོར510ཡིན་པ་དང་། དེའི་ཁྲོད་སྲིད་གཞུང་གི་ཁ་གསབ་སྒོར460དང་། རང་གིས་གྲོན་དངུལ་སྒོར50སྤྲོད་པ་དེ་རྒྱལ་ཡོངས་ཀྱི་ཆ་སྙོམས་ཆུ་ཚད་ལས་སྒོར140ཡིས་མཐོ་བས། མཁར་གྲོང་སྡོད་དམངས་ཀྱི་ནད་ལྗིད་མོའི་ཉེན་འགོག་དང་འགན་སྲུང་གི་ཆུ་ཚད་རྒྱལ་ཡོངས་ཀྱི་སྔོན་གྲལ་དུ་ཚུད་ཅིང་། ནད་ལྗིད་མོ་བྱུང་བར་ད་ལྟ་ལག་བསྟར་བྱས་པའི་སྨན་བཅོས་འགན་སྲུང་གི་སྲིད་ཇུས་ལྟར་འགྲོ་སོང་རྩིས་ཞུ་བྱས་རྗེས། རང་གིས་གྲོན་དངུལ་གཏོང་བའི་ཁག་དེ་སྒོར5000ལ་བསླེབས་པས་ནད་ལྗིད་མོའི་ཉེན་འགོ