ཟླ་བཅུ་གཅིག་པའི་ཚེས་བཅུ་བཞི་ཉིན། ཞིང་ཆེན་ཡོངས་ཀྱི་སྨན་བཅོས་ལམ་ལུགས་བཅོས་སྒྱུར་བྱ་བའི་ཆེད་དོན་གྲོས་ཚོགས་ཞིང་ཆེན་གྲོས་ཚོགས་ལྟེ་གནས་སུ་བསྡུས། གསར་འགོད་པས་གྲོས་ཚོགས་སྟེང་ནས་ཤེས་གསལ་ལྟར་ན། མིག་སྔའི་བར། ལོ་མགོར་གཏན་ཁེལ་བྱས་པའི་སྨན་བཅོས་ལམ་ལུགས་བཅོས་སྒྱུར་གྱི་གནད་ཆེའི་ལས་འགན་ཉི་ཤུའི་ནང་གི་བརྒྱ་ཆའི་དགུ་བཅུ་ལེགས་འགྲུབ་བྱུང་།
ཤེས་གསལ་ལྟར་ན། ཞིང་ཆེན་ཡོངས་ཀྱི་རིམ་བགོས་ནད་བརྟག་སྨན་བཅོས་ལམ་ལུགས་ཐད་མགོ་བཟང་པོ་ཞིག་བརྩམས་ལ་ཕན་འབྲས་ཀྱང་ཐོབ་ཡོད། རིམ་པ་སོ་སོའི་སྨནབཅོས་ལས་ཁུངས་སུ་བསྡད་ནས་སྨན་བཅོས་འགན་སྲུང་ཐེབས་རྩའི་འགྲོ་སྒོའི་གནས་ཚུལ་ཐད་འཕར་བ་གཉིས་དང་མར་ཆག་པ་གཉིས་ཀྱི་ཁྱད་ཆོས་མངོན། མང་ཚོགས་ཀྱི་ནད་བརྟག་འདུ་ཤེས་རིམ་བཞིན་འགྱུར་བ་དང་། ནད་བརྟག་གོ་རིམ་ཐད་འགྱུར་ལྡོག་བྱུང་བས། སྨན་བཅོས་འགྲོ་སྒོ་རིམ་བཞིན་ཚད་མཐུན་དུ་གྱུར། གཞི་རིམ་གྱི་སྨན་བཅོས་ལས་ཁུངས་ཀྱི་མཉེན་ཆས་དང་མཁྲེགས་ཆས་ལེགས་སྒྱུར་ནུས་ལྡན་བྱས་པ་དང་། ཞབས་ཞུའི་ནུས་ཤུགས་དང་ཆུ་ཚད་ཇེ་མཐོར་བཏང་། གཞི་རྩའི་སྨན་རྫས་ལམ་ལུགས་ཐད་ནས་གཞི་རིམ་དུ་རྐང་བཙུགས་པ་དང་ཡོངས་སུ་ཁེབས་རྒྱུ་མངོན་དུ་བསྒྱུར། ནད་ལྗིད་མོའི་སྨན་བཅོས་ཉེན་འགོག་སྲིད་ཇུས་དངོས་འབེབས་གང་ལེགས་བྱས་པ་དང་། སྨན་
