མི་ཀུན་གྱིས་བདེ་བ་འདོད་པ་ལས་སྡུག་བསྔལ་མི་འདོད་པས་བདེ་ཐང་གི་ལུས་པོ་ཞིག་ལ་སུས་ཀྱང་རེ་སྨོན་བྱེད་ངེས། ཡིན་ནའང་ནད་རིགས་ཁ་ཤས་ཤིག་ང་ཚོས་བཟློག་ཐབས་མེད་པར་འབྱུང་ངེས་ལ། ནད་རིགས་དེ་དག་ཚང་མ་དུས་ཡུན་ངེས་ཅན་ཞིག་བརྒྱུད་ནས་རིམ་གྱིས་ལུས་སྟེང་དུ་བྱུང་བ་ཞིག་ཡིན་པས། ང་ཚོས་ནད་རིགས་དེ་དག་གི་ཐོག་མའི་མངོན་རྟགས་ལ་རྒྱུས་ལོན་ཅུང་ཟད་རེ་བྱེད་ཐུབ་ན། ནད་དེ་དག་མི་འབྱུང་བའི་སྔོན་འགོག་གི་ནུས་པ་བཟང་པོ་ཐོན་ཐུབ།
ང་ཚོའི་ལུས་ཁམས་སུ་དོན་ལྔ་སྣོད་དྲུག་ཡོད་པ་ལས་གཞན་ད་དུང་ལུས་བཤེར་ལྔ་ཞེས་པ་ཞིག་ཀྱང་ཡོད་པ་དང་། དེ་དག་ཕན་ཚུན་བརྟེན་ཅིང་འབྲེལ་ཡོད། ལུས་ཕུང་བདེ་ཐང་ཡིན་མིན་དེ་ལུས་བཤེར་ལ་བརྟག་ན་ཤེས་ཐུབ།
ལུས་བཤེར་ལྔ་ནི། རྔུལ་ཆུ་དང་། མིག་ཆུ། སྣ་ཆུ། ཁ་ཆུ། མཆིལ་ཟགས་བཅས་ཡིན། སེམས་ཁམས་ལས་རྔུལ་ཆུ་དང་། གློ་བ་ལས་སྣ་ཆུ། མཆིན་པ་ལས་མིག་ཆུ། མཚེར་བ་ལས་མཆིལ་ཟགས། མཁལ་མ་ལས་ཁ་ཆུ་བཅས་ལ་དོན་སྣོད་ལྔའི་ཟགས་ཐོན་ཟེར། ནད་ཐོག་གི་ལག་ལེན་ལས་དོན་ལྔའི་ཟགས་ཐོན་རྒྱུན་ལྡན་མིན་པར་གྱུར་ཚེ། དེ་དང་འབྲེལ་བའི་དོན་སྣོད་ལ་ནད་འགྱུར་བྱུང་བ་མཚོན་ཐུབ།
གཅིག རྔུལ་ཆུ་ནི་སེམས་ཁམས་ཀྱི་ཟགས་ཐོན་ཡིན། རྔུལ་ཆུ་དེ་སྐྱེ་ལུགས་ཀྱི་སྟེང་ནས་སེམས་ཁམས་ཀྱིས་ཚོད་འཛིན་བྱེད་པ་ཡ
