དུས་རྒྱུན་གྱི་འཚོ་བའི་ཁྲོད་དུ། སེམས་ཁམས་སྐྱིད་མིན་གྱིས་མིའི་ལུས་ཁམས་ཀྱི་བདེ་ཐང་དང་ནད་གཞི་བཅོ་བར་ཤུགས་རྐྱེན་ཐེབས་པར་མ་ཟད། སྨན་གྱི་ནུས་པ་ཐོན་ཐུབ་མིན་ལ་ཡང་རག་ལས་པ་རེད།
སེམས་ཁམས་ཀྱིས་སྨན་ནུས་ལ་ཤུགས་རྐྱེན་ཐེབས་པ་ནི་གང་སར་མཐོང་ཐུབ་སྟེ། ནད་པ་ལ་ལས་སྨན་སྦྱོར་གཅིག་མཚུངས་ཀྱི་སྨན་འཐུང་ཡང་། སྣང་བ་ཞིག་ལ་རིན་གོང་མཐོ་བའི་སྨན་དེའི་ནུས་པ་ནི་རིན་གོང་དམའ་བ་ལས་བཟང་བ་དང་། ཕྱི་རྒྱལ་ནས་ཐོན་པ་དེ་རྒྱལ་ནང་ལས་བཟང་བ། སྨན་པ་རྒན་པའི་སྨན་དེ་ན་གཞོན་སྨན་པས་བྱིན་པ་ལས་བཟང་བ་ཞིག་ཏུ་འདོད་ཀྱིན་ཡོད། དོན་དུ་དེ་ནི་རང་གི་སེམས་ཁམས་ལ་འབྲེལ་བ་ཡོད་པ་རེད་ཅེས་བརྗོད་ཆོག་སྟེ། སེམས་སུ་སྨན་འདི་ནི་མཆོག་ཏུ་རློམ་སྟེ་འཐུངས་ན་ནི་སྨན་ནུས་བཟང་པོ་ཐོན་ཐུབ་པ་དང་། དེ་ལས་ལྡོག་ཚེ་སྨན་ནུས་དེ་འདྲའི་བཟང་པོ་ཐོན་མི་ཐུབ།
དེ་ཡང་ནང་སེམས་ཀྱི་འགྱུར་བས་སྨན་ནུས་ལ་ཤུགས་རྐྱེན་ཇི་ལྟར་ཐེབས་ཀྱིན་ཡོད་ཟེར་ན། ཀྲུང་ལུགས་གསོ་རིག་གི་གཞུང་ལུགས་ལྟར་ན། མིའི་སེམས་ཀྱི་འགྱུར་བ་ལ་དགའ་བ་དང་སྡང་བ། སྐྱོ་བ། དྲན་པ། སྡུག་པ། འཇིགས་པ་བཅས་ཀྱི་འགྱུར་བ་ནི་མིའི་དོན་ལྔ་སྣོད་དྲུག་ལ་འབྲེལ་བ་དམ་པོ་ཡོད་དེ། སྙིང་ནི་དགའ་བར་འབྲེལ། མཁལ་མ་འཇིགས་པ་དང་འབྲེལ་བས། དེ་དག་དོ
