ལུས་ཁམས་བདེ་སྲུང་ཐོན་རྫས་ཀྱི་ཕྱིར་འཚོང་ཀུང་ཟི་ཁ་ཤས་ཀྱིས་རྒན་པ་རྣམས་ལ་ལུས་ཁམས་བདེ་སྲུང་གི་ཐོན་རྫས་མང་པོ་འོས་སྦྱོར་བྱེད་ཀྱིན་ཡོད་ལ། རྒན་པ་ཁ་ཤས་ཀྱང་ལུས་ཁམས་མི་བདེ་བའི་སྐབས་སུ་སྨན་ཁང་དུ་མི་འགྲོ་བར། བདེ་ཐང་འཛིན་གྲྭ་དང་ཡང་ན་བདེ་ཐང་འཆད་ཁྲིད་ལ་ཉན་དུ་འགྲོ་བཞིན་ཡོད། རྒན་པ་ཁ་ཤས་ཀྱིས་ད་རུང་རང་ཉིད་ཀྱི་བུ་ཕྲུག་གིས་ལུས་ཁམས་བདེ་སྲུང་གི་ཐོན་རྫས་མི་ཉོ་བར་འཁང་ར་བྱས་ཏེ། ཁྱིམ་ཚང་གི་འགྲིག་མཐུན་ལའང་གནོད་པ་བཟོ་བཞིན་ཡོད།
འདི་དག་ཚང་མ་ང་རང་བདེ་ཐང་འཛིན་གྲྭར་ཞུགས་སྐབས་ཁོ་ཚོས་བྱིན་པའི་བྱང་བུ་ཡིན་ཞེས་ལོ་ན་དོན་དགུ་ཅན་གྱི་ཨ་ནེ་ཚེ་མོས་རང་ཉིད་ཀྱི་ཁུག་མ་ལས་བྱང་བུ་ལྔ་བླངས་ནས་ང་ཚོར་བསྟན། དེ་དག་ནི་བདེ་ཐང་འཐུས་མིའི་བྱང་བུ་དང་སྐར་གྲངས་ཐོ་འགོད་བྱང་བུ། ད་རུང་སྐུ་མགྲོན་གལ་ཆེན་གྱི་བྱང་བུ་སོགས་ཡིན་ལ། བྱང་བུ་དེ་དག་མོས་རྒྱུན་དུ་གང་ལ་འགྲོ་ནའང་བཟུང་འདུག
ཨ་ནེ་ཚེ་མོར་ཁྲག་ཤེད་མཐོ་བའི་ནད་ཡོད་པས། བདེ་ཐང་འཛིན་གྲྭ་ནས་ཁྲག་ཤེད་ཇེ་དམའ་རུ་གཏོང་བའི་ལུས་ཁམས་བདེ་སྲུང་གི་སྨན་མང་པོ་ཉོས་རྗེས། གསལ་བཤད་ཡི་གེ་ལྟར་དུས་ཐོག་ཏུ་འཐུངས་མོད། འོན་ཀྱང་ཅང་མ་འགོར་བར་ཁོ་མོ་སླར་ཡང་སྨན་ཁང་དུ་འདུག་དགོས་བྱུང་། ལུས་ཁམས་བདེ་སྲུང་གི་སྨན་འདི་དག་ཁོ་མོས་གང་
