ད་ཡང་ལོ་གཅིག་གི་མཐོ་རྒྱུགས་ཐོན་ལ་ཉེ་བས། རྒྱུགས་སྤྲོད་སློབ་མར་གྲུབ་འབྲས་གཡུར་དུ་ཟ་བ་ཞིག་ཐོབ་ཆེད། ཁྱིམ་བདག་མང་པོ་ཞིག་གིས་ལུས་གསོའི་ཟས་རིགས་དང་སྨན་རྫས་ཉོས་ནས་སློབ་མར་འཐུང་དུ་འཇུག་གིན་ཡོད། ཁམས་གསོའི་སྨན་ལ་ངོས་འཛིན་གསལ་བོ་དང་བཀོལ་སྤྱོད་ལེགས་པོ་བྱེད་པ་དང་། རྒྱ་ཆེའི་རྒྱུགས་སྤྲོད་སློབ་མ་དང་ཁྱིམ་བདག་རྣམས་གཡོ་འོག་ཏུ་མི་ཚུད་པའི་ཆེད་དུ། འཛད་སྤྱོད་པའི་མཐུན་ཚོགས་ཀྱིས་འཛད་སྤྱོད་དྲན་སྐུལ་བྱེད་ཀྱིན་ཡོད་པ་སྟེ།
རྒྱལ་ཁབ་ཀྱིས་ཀླད་པ་གསོ་བ་དང་རིག་པ་རྒྱས་པའི་ལུས་ཁམས་བདེ་སྲུང་གི་སྨན་ཞིག་ལ་ད་ལྟའི་བར་ཆོག་མཆན་བཀོད་མ་མྱོང་ཞིང་། རྒྱལ་ཁབ་ཀྱིས་ཆོག་མཆན་བཀོད་ཡོད་པའི་ཡིད་འཛིན་ཇེ་ལེགས་སུ་གཏོང་བ་དང་ངལ་དུབ་སེལ་བ། ནད་འགོག་ནུས་ཤུགས་ཇེ་དྲག་ཏུ་གཏོང་བ་སོགས་ཀྱི་བྱེད་ནུས་ལྡན་པའི་ཁམས་གསོའི་སྨན་དེ་དག་ལ་ཀླད་པ་གསོ་བ་དང་རིག་པ་རྒྱས་པའི་ནུས་པ་མི་ལྡན་པ་རེད། འཛད་སྤྱོད་པས་ཁམས་གསོའི་ཟས་རིགས་འདེམ་ཉོ་བྱེད་སྐབས་མཉམ་འཇོག་བཟང་བོ་བྱས་ཏེ། ཁྲིམས་འགལ་ཁེ་ལས་ཁ་ཤས་ཀྱི་དྲིལ་བསྒྲགས་རྫུན་མ་དང་འུད་བརྗོད་ལ་ཡིད་ཆེས་བྱེད་མི་རུང་། དེ་དང་མཉམ་དུ་འཛད་སྤྱོད་པས་ད་རུང་ཁམས་གསོའི་ཟས་རིགས་ལུགས་མཐུན་སྒོས་སྤྱོད་དགོས་ལ། ལུས་ཁམས་བདེ་སྲུང་གི་སྨན་ཁ་ཤས་ཤིག་རྒྱུགས་ས
