གནའ་མིའི་ཁ་དཔེར་ཡང་། ནངས་སྔ་ལངས་ཚང་ལ་གྱོག་ཅིག དགོང་འཕྱི་ཉལ་ཚང་ལ་གྱོང་ཞིག་ཞེས་པ་ལྟར། སྔ་ཉལ་སྔ་ལངས་བྱས་ན་བྱ་བ་འགྲུབ་པ་དང་ལུས་ཕུང་བདེ་ཐང་ལ་ཕན་པ་མི་ཚང་མས་ཤེས་ཡོད་མོད། བྲེལ་ཟིང་གི་འཚོ་བས་རྒྱུན་པར་མི་མང་པོའི་འགྲོ་འདུག་ཉལ་འཆག་གི་གོ་རིམ་འཆོལ་དུ་འཇུག་བཞིན་འདུག
གཤམ་དུ་རྒྱུན་པར་ཞོགས་པར་སྔ་མོར་ལངས་ན་ལུས་ཕུང་བདེ་ཐང་ལ་ཕན་པ་གང་དག་ཡོད་པའི་སྐོར་ངོ་སྤྲོད་ཅིག་བྱེད།
གཅིག སྤྲོ་སྣང་འཕེལ་ཐུབ་པ།
ཁ་ན་ཏའི་ཏོ་ལུང་ཏོ་སློབ་ཆེན་གྱི་ཞིབ་འཇུག་ཅིག་ལས་ཤེས་པ་ལྟར་ན། རྒན་དར་གཞོན་གསུམ་སུ་ཞིག་ཡིན་རུང་། ཞོགས་པར་ལངས་སྔ་ན་ལུས་ཡོངས་སུ་སྟོབས་ཤུགས་ཀྱིས་ཁེངས་ཤིང་སྤྲོ་སྣང་གིས་བརྟས་ཐུབ་པ་དེ་ནི། ཞོགས་པའི་ཉི་ཟེར་དང་འགྲོགས་པའི་རྐྱེན་རེད་ཟེར།
གཉིས། སེམས་ཤུགས་འཕེལ་བ།
ཞོགས་པར་སྔ་མོར་ལངས་ན་ལུས་ཁམས་དྭངས་ཤིང་ཀླད་པ་གསལ་བས། བྱ་བ་ཅི་དང་ཅི་ཞིག་སྒྲུབ་རུང་ཐང་མི་ཆད་པས་འགྲུབ་སླ་བ་ཡིན།
གསུམ། གྲུབ་འབྲས་ལེགས་པ།
ཨ་མེ་རུ་ཁའི་ཏི་ཁི་ས་སི་སློབ་ཆེན་གྱི་ཞིབ་འཇུག་ཅིག་ལས་ཤེས་པ་ལྟར་ན། ཞོགས་པར་ལངས་སྔ་བའི་སློབ་ཆེན་སློབ་མའི་སློབ་སྦྱོང་གི་གྲུབ་འབྲས་དེ་དགོང་མོར་གཉིད་ཆག་པའི་སློབ་མའི་གྲུབ་འབྲས་ལས་ལྡབ་གཅིག་གིས་མ
