ཟླ་བརྒྱད་པའི་ཚེས་བརྒྱད་ཉིན། འཛམ་གླིང་ཀྲུང་མཐུན་བོད་གསོ་མཐུན་ཚོགས་གསར་འཛུགས་མཛད་སྒོ་དང་རིག་གཞུང་ལོ་ཚོགས་སྐབས་དང་པོ་མཚོ་སྔོན་ཟི་ལིང་དུ་བསྡུས་པ་དང་། འབྲེལ་ཡོད་མགོ་ཁྲིད་པ་དང་རྒྱལ་ཁབ་ཕྱི་ནང་གི་ཆེད་མཁས་པ་སོགས་མཛད་སྒོའི་སྟེང་ཞུགས།
འཛམ་གླིང་ཀྲུང་ལུགས་གསོ་རིག་རིག་གཞུང་མཉམ་འབྲེལ་ཚོགས་པས་གཙོ་སྒྲུབ་དང་མཚོ་སྔོན་ཞིང་ཆེན་ཀྲུང་བོད་ལུགས་སྨན་ལས་དོ་དམ་ཅུའུ། མཚོ་སྔོན་འཇིགས་མེད་བོད་སྨན་ཁང་སོགས་ཀྱིས་རོགས་སྒྲུབ་བྱས་པའི་འཛམ་གླིང་ཀྲུང་མཐུན་བོད་གསོ་མཐུན་ཚོགས་གསར་འཛུགས་མཛད་སྒོ་དང་རིག་གཞུང་ལོ་ཚོགས་སྐབས་དང་པོ་མཚོ་སྔོན་ཞིང་ཆེན་གྲོས་ཚོགས་ལྟེ་གནས་སུ་བསྡུས་པ་དང་། གྲོས་ཚོགས་སྟེང་འཛམ་གླིང་ཀྲུང་ལུགས་གསོ་རིག་རིག་གཞུང་མཉམ་འབྲེལ་ཚོགས་པའི་དྲུང་ཡིག་ཆེན་མོ་ལིས་ཅིན་ཅི་དང་མཚོ་སྔོན་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་པའོ་དབྱི་ཀྲི་སོགས་འབྲེལ་ཡོད་མགོ་ཁྲིད་དང་། རྒྱལ་ཁབ་ཕྱི་ནང་གི་གསོ་རིག་ཆེད་མཁས་པ་སུམ་བརྒྱ་ལྷག་ཞུགས་ཡོད་པ་རེད། ཚོགས་འདུ་ལས་འཛམ་གླིང་ཀྲུང་མཐུན་བོད་གསོ་མཐུན་ཚོགས་གསར་འཛུགས་བྱས་པ་ཁྱབ་བསྒྲགས་བྱས་པར་མ་ཟད། མཐུན་ཚོགས་ཀྱི་ཚོགས་གཙོ་དང་ཚབ་འཛིན་ཚོགས་གཙོ། ཚོགས་མི་བཅས་ཀྱི་མིང་ཐོ་ཁྱབ་བསྒྲགས་བྱས་ཏེ། འབྲེལ་ཡོད་དཔང་ཡིག་དང་དཔ
