ནུ་མ་ནི། གཞོན་ནུ་མ་དར་ལ་བབ་པའི་ལང་ཚོའི་འབྲས་བུའམ་སྣང་ཚུལ་ཞིག་ཡིན་ལ། མངོན་བརྗོད་ཀྱི་གཞུང་དུ་དཀར་འཛིན་དང་། འདོད་པའི་མྱོས་བུམ། བྲང་སྐྱེས། འོ་འཛིན། ལང་ཚོའི་མཚན་མ། ལོགས་སྐྱེས་སོགས་ཀྱང་ཟེར། བུད་མེད་དར་མའི་ནུ་མ་ནི་འོ་འཛིན་རྨེན་བུའི་འདབ་མ་ཉི་ཤུ་ཡས་མས་ལས་གྲུབ་ཅིང་། འོ་འཛིན་གྱི་འདབ་མ་རེ་རེའི་བར་ལའང་ཚི་སྣ་ལས་གྲུབ་པའི་བཅད་ཁ་རེ་ཡོད་སྟབས། འོ་འཛིན་གྱི་རྩ་འདབ་རྣམས་ཐང་ཤིང་རྒྱས་པ་བཞིན་དུ་གནས་ཤིང་། དེའི་ཕྱི་རོལ་ནི་ཚིལ་དང་ཤིན་ཏུ་སྲབ་ལ་འཇམ་མཉེན་ཅན་གྱི་པགས་པས་གཡོགས་པ་དེའི་ཆེ་ཆུང་གི་ཚད་ནི། བུད་མེད་བརླ་དང་ནུ་མ་ཉི་ཤུ་ལྷག་ཅེས་སྐྱེས་པ་ལས་ལྷག་པ་ཡོད་པར་བསྟན་པ་དང་། གནས་ཡུལ་ནི་བྲང་གཞུང་གི་གཡས་གཡོན་གྱི་ཤའི་སྟེང་དུ་སྐྱེས་པས་བྲང་སྐྱེས་ཟེར། དེའི་དབྱིབས་ནི་རིལ་ཕྱེད་ཟླ་གམ་དུ་གནས་ཤིང་། དཀྱིལ་ན་ལོང་ལོང་ཆུང་ཆུང་ཞིག་ཡོད་པ་དེ་ལ་ནུ་ཏོག་གམ་ནུ་སོར་ཟེར། ནུ་ཏོག་གི་མཐའ་སྐོར་ན་མདོག་དམར་སྨུག་ཀོང་ཀོང་དུ་གནས་པ་དེ་ལ་ནུ་འཇིང་ངམ་ནུ་སྒོར་ཟེར། བུད་མེད་གཞོན་ནུ་མ་རང་ལོ 13ནས24དུས་སུ་ནུ་མ་རྒྱས་ཤིང་སྲ་མཁྲེགས་ཀྱི་རྣམ་པར་གནས་ཤིང་། རེག་ན་བདེ་བའི་ཚོར་བ་ཉམས་སུ་མྱོང་ཞིང་འདོད་པས་མྱོས་པའི་རྟེན་བྱེད་པས་མྱོས་བུམ་ཟེར། མངལ་སྦྲུམ་པའི་དུས་སུ་ནུ་འཇིང་ག
