གློག་ཤུས་རྒྱུན་པར་མི་རྣམས་སེམས་མི་བདེ་བ་དང་ཅི་བྱ་གཏོལ་མེད་དུ་གཏོང་བར་བྱེད་ལ། ཤུགས་དྲག་པའི་གློག་ཤུ་འཇོམས་བྱེད་ཀྱི་སྐྲ་འཁྲུད་འདག་ཆུ་སྤྱོད་ཡུན་རིང་ན་མགོ་ལྤགས་ལ་གནོད་པ་བཟོས་ཏེ། གློག་ཤུ་ཇེ་མང་ནས་ཇེ་མང་དུ་འགྲོ་བ་རེད། གཤམ་ནས་ཁྱེད་ལ་གློག་ཤུ་མེད་པར་གཏོང་བའི་རང་བྱུང་ཐབས་མཆོག་འགའ་ངོ་སྤྲོད་ཅིག་བྱེད།
གཅིག ཨ་སི་ཕི་ལིན།
ཨ་སི་ཕི་ལིན་རིལ་བུ་གཉིས་ཞིབ་མོར་བརྡུངས་ནས་བྱེ་མར་བཟོས་རྗེས་སུ། ཐེངས་རེ་རེར་སྐྲ་འཁྲུད་པའི་སྐྲ་འཁྲུད་འདག་ཆུའི་ནང་དུ་བསྲེ་བ་དང་། ཨ་སི་ཕི་ལིན་གྱི་བྱེ་མ་དང་སྐྲ་འཁྲུད་འདག་ཆུ་འདྲེས་སྦྱོར་བྱས་པ་སྐྲ་་ལོའི་སྟེང་དུ་དུས་ཚོད་སྐར་མ་གཅིག་ནས་གཉིས་བར་དུ་འཇོག་པ་དང་དེ་ནས་ཆུས་བཤལ་ནས་གཙང་མ་བྱས་པས་ཆོག
གཉིས། ཁ་བཤལ་ཆུ།
གལ་ཏེ་གློག་ཤུ་མང་པོ་ཡོད་ན། ཐོག་མར་སྤྱིར་བཏང་གི་སྐྲ་འཁྲུད་འདག་ཆུས་སྐྲ་ལོ་བཀྲུ་བ་དང་། དེ་ནས་ཆང་བཅུད་འདུས་པའི་ཁ་བཤལ་ཆུས་གཙང་བཤལ་བྱ་བ་དང་། དེར་མཐུད་དེ་སྐྲ་སྲུང་རྩི་བསྐུས་པས་ཆོག
གསུམ། ཚྭ།
མགོ་ལྤགས་སྟེང་དུ་ཚྭ་ཉུང་ཙམ་གཏོར་ལ། དེ་ནས་མགོ་བོར་བསྐུ་མཉེ་ཡང་མོར་བྱ། དེ་ལྟར་བྱས་ན་སྐམ་ཞིང་འབུར་བའི་གློག་ཤུ་དག་མཉེད་འཕུར་བྱས་པ་བརྒྱུད་དེ་མགོ་ལྤགས་དང་འབྲལ་བར་བྱེད།
