སྲོག་རླུང་གི་ནད་ཅེས་པ་ནི་ལུས་ལ་གནས་པའི་རྩ་བའི་རླུང་ལྔའི་ནང་གསེས་སྲོག་འཛིན་རླུང་འཕེལ་ཟད་འཁྲུགས་གསུམ་དུ་གྱུར་པའམ་རྒྱུ་ལམ་ལོག་ནས་སྲོག་རྩ་དཀར་པོའི་ཆ་ཤས་ལ་གནོད་དེ་ཡུལ་ལྔའི་རྣམ་ཤེས་ལ་གནོད་དེ་ཤེས་པ་འཕྱོས་པ། འཁྲུལ་སྣང་སོགས་འབྱུང་བའི་ནད་ཅིག་སྟེ། འདིར་སྲོག་རླུང་ནད་ཀྱི་རྒྱུ་རྐྱེན་དང་ནད་རྟགས། བཅོས་ཐབས། ཟས་སྤྱོད་སྤང་བླངས་སོགས་གོ་བདེ་བར་བཤད་པར་བྱ་བ་ལ། ནད་འདིའི་རྒྱུ་ནི་དུས་རྒྱུན་དུ་མྱ་ངན་དང་སེམས་ལས་ཆེ་བ་དང་། ཁ་བཏོན་སོགས་ཁ་ཡི་ལས་བྱས་དྲགས་པ། དུས་ཡུན་རིང་པོར་གཉིད་ཆག་པ། མི་འདོད་པའི་གཏམ་དང་འཇིགས་སྐྲག་སྐྱེས་པ། ཁྱད་པར་དུ་ཟས་ཁམ་གང་ཡང་མི་བཏུང་བར་སྨྱུང་བ། ཡང་ན་རྩུབ་པའི་ཟས་རྒྱུན་དུ་བསྟེན་པ་དང་ལྟོ་སྟོང་དུ་ལུས་ངག་གི་ལས་དྲག་ཤུལ་བྱས་པ། བཤང་གཅིན་སོགས་བཀག་པའམ་ཤུགས་ཀྱིས་བཙིར་བ་སོགས་ཀྱིས་སློང་གིན་ཡོད་པས་གོང་རྒྱུ་རྐྱེན་དེ་དག་ལ་སྔོན་འགོག་བྱེད་རྒྱུ་ཤིན་ཏུ་གལ་ཆེ་བ་ཡིན། ནད་རྟགས་སུ་གཙོ་བོ་མགོ་ན་ཞིང་མགོ་ཡུ་འཁོར་བ། དབུགས་ནང་དུ་སྡུད་དཀའ་ཞིང་མིད་མི་ཐུབ་པ། ཡིད་མི་བདེ་ཞིང་འཇིགས་སྐྲག་སྐྱེས་པ་དང་རྨི་ལམ་ཟ་ཟི་མང་བ། གཉིད་ཡེར་བ། ལུས་འདར་ལ་རྔུལ་ཆུ་མང་བ། བྲང་གཞུང་དཀར་ནག་མཚམས་དང་རླུང་གསང་སོགས་མནན་ན་གཟེར་བ།
སྨན་པས་རྩ་ལ་བརྟགས་ཚེ་འ
