མངལ་ཆགས་རྗེས་མངལ་གནས་ཀྱི་ལུས་ཀྱི་འགྱུར་བ་དང་བསྟུན་ནས་མའི་ལུས་ཁམས་ལའང་འགྱུར་བ་སྣ་ཚོགས་འབྱུང་། དེ་ཡང་མ་བུ་གཉིས་བདེ་ཐང་ངང་གནས་པའི་ཕྱིར་དུ་སྦྲུམ་མར་གཙང་སྦྲའི་སློབ་སྟོན་བྱེད་པ་ཤིན་ཏུ་གལ་ཆེ། བཟའ་བཏུང་དང་འཚོ་བཅུད་ཀྱི་སློབ་སྟོན། མངལ་གནས་ཀྱི་ལུས་ལ་འཚོ་བཅུད་འདང་བ་དང་བདེ་ཐང་ངང་འཚར་སྐྱེས་བྱེད་ཐུབ་པའི་ཆེད་དུ་ཚུལ་མཐུན་གྱི་འཚོ་བཅུད་བསྟེན་དགོས་ཏེ།དེ་ལྟར་བྱས་ན་བང་ནང་དུ་འོ་མ་བསྣུན་པའི་སྐབས་སུའང་སྤྱིར་བཏང་བྱིས་པ་གསོ་བར་འདང་བ་ཡིན།
༡.ཚ་ཚད། སྦྲུམ་དུས་སུ་སྦྲུམ་བུ་དང་ཤ་མ། མའི་ལུས་ཁམས་འཕེལ་སྐྱེ། སྤྲི་དཀར་དང་ཚིལ་རིགས་ལུས་ལ་གསོག་པ། བརྗེ་ཚབ་འཕེལ་བའི་དགོས་མཁོ་དང་བསྟུན་ཆེད། སྦྲུམ་མར་ཚ་ཚད་ཀྱི་མཁོ་ཚད་ཀྱང་ཇེ་མཐོར་འགྲོ། ལྷག་པར་དུ་སྦྲུམ་བར་སྨད་དུ་ཤུགས་ཆེ། ཚ་ནུས་ནི་ཟས་ལས་སྤྲི་དཀར་དང་ཚིལ་རིགས། ཐཱན་ཆུ་འདྲེས་སྦྱོར་དངོས་པོ་ལས་ཐོན་པས་དེའི་རིགས་ཁ་སྣོན་བྱས་ཏེ་ལུས་ཁམས་ཀྱི་ཚ་ནུས་ཆ་སྙོམས་བྱེད་དགོས།
༢.སྤྲི་དཀར། ལུས་ཁམས་ལ་མཁོ་བའི་འཚོ་བཅུད་རྫས་གཙོ་བོ་ཞིག་ཡིན། ཕུང་གྲུབ་དང་ཕྲ་ཕུང་གི་གྲུབ་ཆ་ཡིན་པར་མ་ཟད། ཚ་ནུས་མཁོ་འདོན་བྱེད་པར་ཡང་མེད་དུ་མི་རུང་། ལྷག་པར་སྦྲུམ་མར་སྤྲི་དཀར་མཁོ་ཚད་ཇེ་མཐོར་འགྲོ། ཟས་ལས་སྤྲི་དཀར་ནི་སྲན་རིགས་ད
