སྨན་པ་དགེ་འདུན་ལེགས་ཚོགས།
སྨན་པ་དགེ་འདུན་ལེགས་ཚོགས་ནི་རེབ་གོང་རིག་པ་འབྱུང་བའི་གྲོང་ཁྱེར་གྱི་ཆར་གཏོགས་པའི་སྨད་པ་རུ་སྐྱེས། ཆུང་དུས་སུ་རང་ཡུལ་གྱི་སྨད་པ་སློབ་ཆུང་འགྲིམས་ཤིང་རང་ལོ་བཅུ་གསུམ་གྱི་སྟེང་དུ་དགེ་བའི་བཤེས་གཉེན་ཆེན་མོ་རྗེ་དགེ་འདུན་བསྟན་འཛིན་ལས་རབ་ཏུ་བྱུང་ཞིང་རོང་བོ་དགོན་ཆེན་ཐོས་བསམ་གླིང་གི་ཚོགས་གྲལ་དུ་ཞུགས་ཏེ་སློབ་དཔོན་ཆེན་མོ་འཇིགས་མེད་ཕུན་ཚོགས་མཆོག་དགེ་རྒན་གྱི་ཐོག་མར་བསྟེན། བསེ་ཚང་བློ་བཟང་དཔལ་ལྡན་དང་དགེ་བའི་བཤེས་གཉེན་ལྷ་སྡེ་ཨ་ཁུ་ཚང་རྗེ་དགེ་འདུན་བསྟན་འཛིན་སོགས་བླ་མ་དགེ་བའི་བཤེས་གཉེན་བཅུ་ཕྲག་ལྷག་གི་མདུན་ནས་ལོ་ངོ་སུམ་ཅུ་ཙམ་ལ་ཐུན་མོང་རིག་གནས་སྤྱི་དང་ཐུན་མོང་མ་ཡིན་པ་གཞུང་བཀའ་པོད་ལྔའི་མཚོན་པའི་ནང་བསྟན་གཞུང་ལུགས་ལ་སྦྱངས་བརྩོན་བྱས། ཉིས་སྟོང་གཅིག་ལོ་ནས་ལོ་ངོ་ཁ་ཤས་ཀྱི་རིང་ལ་རོང་བོ་དགོན་ཆེན་གསོ་རིག་ཀུན་ཕན་གླིང་དུ་གཙོ་འགན་སྨན་པའི་བྱ་བ་གཉེར། ཞོར་དུ་སློབ་དཔོན་ཆེན་མ
