ལོ་སར་གྱི་སྐབས་ནི་ཁྱིམ་མི་ལྷན་འཛོམས་དང་སྤྲོ་སྐྱིད་ལྷོད་གཡེང་གི་དུས་སྐབས་ཆེས་བཟང་པོ་ཞིག་ཡིན། ཕ་མ་བུ་ཕྲུག་དང་ལྷན་དུ་ཁ་བརྡ་བྱེད་པ་དང་། སློབ་གྲོགས་མང་པོ་མཉམ་འཛོམས་བྱེད་པ། གླུ་གར་རྩེད་འཇོར་རོལ་ནས་མཚན་བསྐྱལ་བ་སོགས་གང་དགའ་གང་སྐྱིད་བྱེད་བཞིན་ཡོད། ད་དུང་ས་ཆ་ལ་ལ་ན་གནམ་གང་གི་དགོང་མོར་མཚན་བསྐྱལ་ནས་མི་གཉིད་པའི་སྲོལ་ཡང་ཡོད་པ་རེད། འོན་ཀྱང་གཉིད་ཆག་ན་ལུས་ཕུང་དང་ངོ་གདོང་གི་སྐྱི་པགས་ལ་ཤིན་ཏུ་གནོད་པས་གཉིད་ཀྱིས་འདང་དགོས་པ་ནི་གལ་ཆེན་པོ་ཞིག་ཡིན། དེ་བས་གཤམ་དུ་ལོ་སར་སྐབས་སུ་གཉིད་ཆག་ན་ཇི་ལྟར་བདེ་སྲུང་བྱེད་དགོས་པའི་སྐོར་ངོ་སྤྲོད་ཅིག་བྱེད།
དགོང་མོར་རྩེད་འཇོར་གཡེང་ནས་གཉིད་གཅོག་རྩིས་ཡོད་པའི་སྐབས་སུ། དགོང་ཟས་དེ་འདྲའི་སྣུམ་ཞགས་ཆེ་བའི་རིགས་མི་བསྟེན་པར་སྐྱ་ཟས་སྐྱ་ཆུའི་རིགས་བསྟེན་པ་དང་སྔོ་ཚོད་མང་དུ་ཟ་དགོས། ངོ་གདོང་གི་སྐག་སོགས་གཙང་མར་བཀྲུ་དགོས་ཤིང་། འཚོ་རྒྱུ B རིགས་བསྟེན་ན་ངལ་དུབ་སེལ་ཅིང་ལུས་སྟོབས་རྒྱས་ཐུབ། ད་དུང་ཇ་ལྗང་དང་འཕང་འབྲས། ལུག་མིག་མེ་ཏོག་གི་ཇ་སོགས་འཐུང་ནའང་ངལ་དུབ་སེལ་ཅིང་མིག་མདངས་རྒྱས། དགོང་མོར་སིལ་ཏོག་ཟ་བ་ལས་ཚ་ཚད་མཐོ་བའི་ཟས་རིགས་སམ་སྣུམ་བཙོས་ཟས་རིགས་དང་སྟབས་བདེ་ཐུག་པ་སོགས་མི་བསྟེན་པ། ཚྭ་མང་བའི་ཟས་རིག
