བཤད་རྒྱུན་དུ་ཆུ་ནི་ཚེ་སྲོག་གི་འབྱུང་ཁུངས་ཡིན་ཟེར། དེང་སྐབས་ཚགས་པར་དང་དུས་དེབ་བཅས་ཚང་མའི་སྟེང་དུ། བདེ་ཐང་གི་ཆེད་དུ་ཉིན་རྒྱུན་ཆེས་ཉུང་ནའང་ཆུ་ཕོར་བ་བརྒྱད་ཙམ་འཐུང་དགོས་ཟེར། དེས་ན་ཆུ་འཐུང་ཚད་ཇི་ལྟར་མང་ན་ལུས་ཕུང་བདེ་ཐང་ལ་དེ་ལྟར་ཕན་པ་ཡིན་ནམ་ཞེ་ན། དོན་དངོས་སུ་དེ་འདྲ་ཞིག་མིན་ཏེ།
ཆུ་འཐུང་ཚད་མང་ན་ཆུ་དུག་ཕོག་སྲིད།
ཆུ་འཐུང་ཚད་མང་ན་ལུས་ཕུང་ལ་མཁོ་བའི་ཆུ་བསྡུ་ལེན་བྱས་པ་ཕུད། ལྷག་མ་རྣམས་དྲི་ཆུ་དང་རྔུལ་ཆུ་ལས་དུས་ཚོད་ཐུང་ངུའི་ནང་ཕྱིར་ཕུད་དགོས། ཡིན་ནའང་ཆུ་ཕྱིར་ཕུད་པ་བསྟུན་ནས་ལུས་སྟེང་གི་ནཱ་གཙོ་བྱས་པའི་གློག་འབྱེད་རྫས་ཇེ་ཉུང་དུ་འགྱུར་ཞིང་། ཁྲག་རྒྱུན་ནང་གི་ཚྭ་ཚད་ཀྱང་ཇེ་ཉུང་ནས་ཇེ་ཉུང་དུ་འགྲོ་བ་དང་། ལུས་ཕུང་གི་ཆུ་བསྡུ་ལེན་བྱེད་ཚད་དེ་དང་བསྟུན་ནས་ཇེ་དམར་འགྲོ་ལ། ད་དུང་ཆུ་ཁ་ཤས་དེ་མ་ཐག་ཕུང་གྲུབ་ཕྲ་ཕུང་ནང་དུ་བསྡུ་ལེན་བྱས་ནས་ཕྲ་ཕུང་ཆུ་སྐྲངས་ཆགས་སྲིད། ཆུ་དུག་ཕོག་ན་མགོ་ཡུ་འཁོར་ཞིང་མིག་རབ་རིབ་ཏུ་འགྱུར་བ། ལུས་ཤུགས་མེད་པ། སྙིང་གི་ལྡིང་ཚད་ཇེ་མགྱོགས་སུ་འགྲོ་བ་སོགས་རྟགས་མང་པོ་འབྱུང་། ཚབས་ཆེ་དུས་རྩ་འཁུམ་འབྱུང་བ་དང་དྲན་ཤེས་ཉམས་པ་སོགས་བྱེད་སྲིད།
ཆུའི་འཐུང་ཚད་ཀྱང་བྱེ་བྲག་གིས་ཐག་གཅོད་དགོས།
མི་རེ་
