གསར་འགོད་པས་ཉེ་ལམ་མཚོ་སྔོན་ཞིང་ཆེན་འཕྲོད་བསྟེན་དང་འཆར་ལྡན་བུ་སྐྱེ་བྱ་བའི་ཨུ་ཡོན་ལྷན་ཁང་ནས་རྒྱུས་ལོན་བྱུང་བ་ལྟར་ན། ཉིས་སྟོང་བཅུ་དྲུག་ལོར་མཚོ་སྔོན་ཞིང་ཆེན་འཕྲོད་བསྟེན་དང་འཆར་ལྡན་བུ་སྐྱེ་བྱ་བའི་ཨུ་ཡོན་ལྷན་ཁང་གིས་མུ་མཐུད་དུ“གཞི་རྩ་སྲུང་འཛིན་དང་། གཞི་རིམ་དར་རྒྱས་སུ་གཏོང་བ། ལམ་ལུགས་འཛུགས་པ”སོགས་ཀྱི་རེ་བ་ལྟར། སྔར་ལས་རྐྱེན་སྲོལ་གསར་སྐྲུན་ལ་དོ་སྣང་བྱེད་པ་། མཁོ་འདོན་མ་ལག་གི་གྲུབ་ཚུལ་རང་བཞིན་གྱི་བཅོས་སྒྱུར་བྱེད་པ་ནས་མགོ་བཟུང་སྟེ། ཤུགས་ཆེན་པོས་སྨན་བཅོས་ཕྱོགས་བསྡུས་ཚོད་ལྟའི་བྱ་བར་སྐུལ་འདེད་གཏོང་བར་རྒལ་གཏོར་རང་བཞིན་གྱི་འཕེལ་རིམ་འབྱུང་བར་བྱས་ནས། ལས་འགན་སྣ་ཚོགས་ཡོངས་འགྲུབ་བྱེད་ཚད་བརྒྱ་ཆའི་བརྒྱར་སླེབས་པར་བརྩོན་ལེན་བྱེད་རྒྱུ་རེད།
སྨན་བཅོས་ཕྱོགས་བསྡུས་ཚོད་ལྟའི་བྱ་བར་སྐུལ་འདེད་གཏོང་བའི་ཁྲོད་དུ། ཞིང་ཆེན་འཕྲོད་བསྟེན་དང་འཆར་ལྡན་བུ་སྐྱེ་བྱ་བའི་ཨུ་ཡོན་ལྷན་ཁང་གིས་ཞིང་ཆེན་རིམ་པའི་གཞུང་འཛུགས་སྨན་ཁང་གི་ཕྱོགས་བསྡུས་བཅོས་སྒྱུར་བྱ་བ་ཁྱོན་ཡོངས་ནས་སྤེལ་ཏེ། རྫོང་རིམ་པའི་གཞུང་འཛུགས་སྨན་ཁང་གིས་ཁ་གཏད་རོགས་སྐྱོར་དང་། ཤེས་ལྡན་མི་སྣ་ནང་འདྲེན། རྐང་འཛིན་ལས་བྱེད་པ་གསོ་སྐྱོང་བྱེད་པའི་ཐད་ལ་སྲིད་ཇུས་ཀྱིས་གཞོག
