དོན་ཚན་སོ་བརྒྱད་པ། རྒྱལ་ཁབ་ཀྱི་ལས་བྱེད་མི་སྣར་འཆར་ལྡན་བུ་སྐྱེའི་བྱ་བ་སྒྲུབ་པའི་ཁྲོད་གཤམ་གྱི་བྱ་སྤྱོད་ནང་གི་གཅིག་ཡོད་ཅིང་ནག་ཉེས་བསགས་ཡོད་ན། ཁྲིམས་ལྟར་སྲིད་འཛིན་གྱི་ཆད་པ་གཅོད་དགོས།ནག་ཉེས་བསགས་མེད་ན།ཁྲིམས་ལྟར་སྲིད་འཛིན་གྱི་ཆད་པ་གཅོད་དགོས། ཁྲིམས་འགལ་ཐོབ་ཆ་ཡོད་ན་གཞུང་བསྡུ་བྱེད་དགོས་པ་སྟེ།

（གཅིག）སྤྱི་དམངས་ཀྱི་མི་ལུས་དབང་ཆ་དང་རྒྱུ་ནོར་དབང་ཆ། དེ་མིན་ཁྲིམས་མཐུན་ཁེ་ཕན་གཞན་པར་གནོད་འཚེ་བཏང་བ།

（གཉིས）རང་འདོད་དུ་དབང་ཆ་བཀོལ་བ་དང་ལས་འགན་སྣང་མེད་དུ་འཇོག་པ།ཉེར་ཕྱོགས་གཡོ་ཟོལ་བཅས།

（གསུམ）ལྐོག་རྔན་སློང་བ་དང་བླངས་པ།

（བཞི）འཆར་ལྡན་བུ་སྐྱེའི་གྲོན་དངུལ་དང་ཡང་ན་སྤྱི་ཚོགས་གསོ་སྐྱོང་གྲོན་དངུལ་བཀག་ཉར་དང་འཕྲི་འཐེན།གཞན་སྤྱོད།ལྐོག་བཟའ་བཅས་བྱས་པ།

（ལྔ）མི་གྲངས་དང་འཆར་ལྡན་བུ་སྐྱེའི་སྡོམ་རྩིས་གཞི་གྲངས་རྫུན་ཞུ་དང་གསང་ཞུ། རྫུན་བཟོས།གཡོ་བཅོས་དང་ཡང་ན་ཡར་ཞུ་མི་བྱེད་པ།

དོན་ཚན་སོ་དགུ་པ། སྲོལ་ཡིག་འདིའི་གཏན་འཁེལ་དང་འགལ་ཏེ་འཆར་ལྡན་བུ་སྐྱེའི་དོ་དམ་འོས་འགན་དང་ལེན་མི་བྱེད་ན།གནས་དེའི་མི་དམངས་སྲིད་གཞུང་གིས་ཡོ་བསྲང་བྱེད་དུ་འཇུག་ཅིང་། བརྡ་ཁྱབ་བཏང་ནས་སྐྱོན་བརྗོད་བྱེད་དགོས།ཐད་ཀར་འགན་ཁུར་པའི་ལས