དེང་སྐབས་སྨན་ཁང་དུ་ཞག་སྡོད་བྱེད་པའི་ནད་པ་མང་བ་དང་བསྟུན་ནས་ནད་པར་གཉོར་སྐྱོང་བྱེད་མཁན་གྱི་ཁྱིམ་མིའང་ཇེ་མང་དུ་གྱུར་ཏེ། སྨན་ཁང་ནི་མི་ཚོགས་འདུ་འཛི་བྱེད་སའི་གནས་ཤིག་ཏུ་གྱུར་ཡོད་པས། བདེ་ཐང་དང་བདེ་འཇགས་ཀྱི་གནད་དོན་མི་ཉུང་བ་ཞིག་བྱུང་དང་འབྱུང་བཞིན་ཡོད། ལྷག་པར་དུ་ནད་ཁང་དུ་ཉལ་ཁྲིས་མ་འདང་བར་ཉལ་ཁང་གི་ཕྱིའི་སྲང་བར་དུ་ཉལ་ཁྲི་ཁ་སྣོན་བྱས་ནས་བསྡད་ཡོད་པའི་ནད་པས་རང་ཉིད་ཀྱི་བདེ་འཇགས་དང་བདེ་ཐང་ལ་དོ་སྣང་བྱེད་དགོས།
ནད་ཁང་གི་ནད་པ་དང་ནད་པར་གཉོར་སྐྱོང་བྱེད་མཁན་གྱི་མིས་ཕར་འགྲོ་ཚུར་འོང་མང་བ་དང་ཁོར་ཡུག་ཏུ་དུག་སེལ་བཟང་པོ་བྱེད་མ་ཐུབ་ན། ཕན་ཚུན་ལ་ནད་བགོ་སྲིད་པར་མ་ཟད། རྒྱུ་ནོར་རྐུན་ལ་ཤོར་བའི་གནས་ཚུལ་ཡང་རྒྱུན་པར་འབྱུང་བཞིན་ཡོད།
ཁ་སྣོན་བྱས་པའི་ཉལ་ཁྲིའི་གཡས་གཡོན་གང་རུང་དུ་སྤོ་སྒུལ་བྱས་ཆོག་པའི་གསོ་བཅོས་ཡོ་བྱད་བཞག་ཡོད་པས། སེམས་ཆུང་མ་བྱས་ན་དེར་ཐོགས་ནས་རྨས་སྐྱོན་བཟོ་བའི་གནས་ཚུལ་ཡང་འབྱུང་སྲིད། ད་དུང་སྲང་བར་དུ་མི་ཚོགས་འགྲོ་འོང་བྱེད་མཁན་མང་བ་དང་། མཚན་མོར་ཡང་ལྷིང་འཇགས་མིན་པས་གཉིད་གཅོག་པ་དང་ངལ་གསོ་བར་བར་ཆད་བཟོ་སྲིད།
ལོ་ཙཱ་བ། འབྲུག་མོ།
