གཙང་གསུམ་འབྱུང་ཡུལ་གྱི་སྐྱེ་ཁམས་སྲུང་སྐྱོབ་དང་འཛུགས་སྐྲུན་བཟོ་སྐྲུན་ནི་ཁྱབ་ཁོངས་ཆེ་ཞིང་ནང་དོན་རྙོག་འཛིང་གི་མ་ལག་བཟོ་སྐྲུན་ཞིག་ཡིན་པས། མཚོ་སྔོན་ཞིང་ཆེན་དང་ཐ་ན་རྒྱལ་ཡོངས་ལ་མཚོན་ནས་བཤད་ན། སྔ་ན་མེད་པའི་ཚོད་ལྟ་ཆེན་པོ་ཞིག་རེད། གཅིག་ནས་ཉམས་མྱོང་མེད་པ་དང་གཉིས་ནས་དཔེ་མཚོན་མེད་པའི་གནས་ཚུལ་འོག མཚོ་སྔོན་ཞིང་ཆེན་གྱི་རིམ་པ་སོ་སོའི་གཙང་གསུམ་འབྱུང་ཡུལ་བཟོ་སྐྲུན་གྱི་འབྲེལ་ཡོད་སྡེ་ཁག་གིས་མི་དམངས་དང་ལོ་རྒྱུས་ལ་འགན་འཁུར་བའི་འདུ་ཤེས་གཞིར་བཟུང་ཏེ། འཚོལ་ཞིབ་ཁྲོད་ནས་སྐུལ་འདེད་དང་སྐུལ་འདེད་ཁྲོད་ནས་སློབ་སྦྱོང་། སློབ་སྦྱོང་ཁྲོད་ནས་ཕྱོགས་སྡོམ་བཅས་བྱས་ཏེ། འབད་བརྩོན་ཆེན་པོས་གཙང་གསུམ་འབྱུང་ཡུལ་གྱི་བཟོ་སྐྲུན་དེ་རྒྱལ་ཁབ་ཀྱི་སེམས་བདེ་ཞིང་མི་དམངས་ཀྱི་ཡིད་ཚིམ་པའི་ལོ་རྒྱུས་ཀྱི་མཛད་རྗེས་ཆེན་པོའི་བཟོ་སྐྲུན་ཞིག་ཏུ་འགྱུར་བར་བྱས། གཙང་གསུམ་འབྱུང་ཡུལ་གྱི་སྐྱེ་ཁམས་སྲུང་སྐྱོབ་དང་འཛུགས་སྐྲུན་བཟོ་སྐྲུན་དེ་ཆེས་སྤྱིར་བཏང་མིན་པའི་ལོ་བརྒྱད་ཀྱི་ལོ་རྒྱུས་ལམ་ཚད་བརྒྱུད་མྱོང་ཞིང་། འཛུགས་སྐྲུན་གྱི་གྲུབ་འབྲས་གཡུར་དུ་ཟ་བ་དང་སྲུང་སྐྱོབ་ཀྱི་ཕན་འབྲས་མངོན་གསལ་བླངས། 

འདུ་ཤེས་གསར་བསྒྱུར་ནི་སྐྱེ་ཁམས་སྲུང་སྐྱོབ་ཀྱི་སྒུལ་ཤུགས་གཙོ་བོ་ཡིན།