མཚོ་སྔོན་ཞིང་ཆེན་གྱི་ཞིང་སྡེའི་གནས་སྐོར་ཐོན་ཁུངས་ནི་ཁྱད་ཆོས་ལྡན་པའི་སྡེ་བ་དང་གནའ་བོའི་གྲོང་རྡལ། ཞིང་སྡེའི་རང་བྱུང་སྐྱེ་ཁམས། ཞིང་སྡེའི་མི་རིགས་རིག་གནས་ཐོན་ཁུངས། མཐོ་སྒང་གི་ཞིང་ཕྱུགས་ལས་ཀྱི་རིག་གནས་བཅས་རིགས་ཆེན་པོ་བཞི་ལས་གྲུབ་པ་ཡིན་པས། དེས་གནས་སྐོར་ཐོན་རྫས་གསར་གཏོད་བྱེད་པའི་ཐད་ཐོན་ཁུངས་ཀྱི་རྨང་གཞི་བརྟན་པོ་བཏིང་།
རང་ཞིང་གི་ཞིང་སྡེའི་གནས་སྐོར་མགྱོགས་མྱུར་ངང་འཕེལ་རྒྱས་སུ་སོང་ཡང་། ཚན་རིག་དང་མཐུན་པའི་སྒོ་ནས་འཆར་གཞི་བཀོད་པ་མི་འདང་བ་དང་ཚད་ལྡན་གྱིས་དོ་དམ་བྱས་པ་མི་འདང་བས། མིག་སྔར་རང་ཞིང་གི་ཞིང་སྡེའི་གནས་སྐོར་གསར་སྤེལ་བྱེད་པའི་ཐད་མ་དངུལ་བཏང་བ་ཉུང་ཞིང་། ཚོང་གཉེར་གྱི་གཞི་ཁྱོན་ཆུང་བ། ཁྱབ་སྟངས་ཐར་ཐོར་དང་རྩ་འཛུགས་བྱེད་སྟངས་ཐར་ཐོར། ལས་གཞིའི་ཆུ་ཚད་དམའ་ཞིང་བསྐྱར་དུ་བསྐྲུན་པ་མང་བ། ཚོང་རའི་འགྲན་རྩོད་ཞན་པ་བཅས་ཀྱི་གནས་ཚུལ་ཡོད་ལ། འབྲེལ་ཡོད་སྡེ་ཁག་དང་ལས་རིགས་ཀྱི་དོ་དམ་མཛུབ་སྟོན་གྱི་ནུས་པའང་དུས་ལྟར་དམིགས་སར་འབྱོར་མེད་པའི་གནད་དོན་གང་མང་ཞིག་གནས་ཡོད་པས། ཞིང་པའི་སྤྲོ་སྐྱིད་ཁང་དང་འབྲོག་པའི་སྤྲོ་སྐྱིད་ཁང་མང་ཆེ་བ་འཕེལ་རྒྱས་སུ་འགྲོ་ཐུབ་མེད་ལ། ཁྱད་ཆོས་མངོན་གསལ་ཅན་ཡང་མེད་པས། གནས་སྐོར་དུ་ཡོང་བའི་མི་གྲངས་ཧ་ཅང་ཉུང
