དང་པོ། རྩེ་ཁོག་རྫོང་གིས་མཛེས་སྡུག་ཡུལ་ལྗོངས་ལ་བརྟེན་ནས་རྩྭ་ཐང་སྡེ་གསར་བསྐྲུན་པ།
མཛེས་སྡུག་ལྡན་པའི་དམེ་ཤུལ་ནགས་ཚལ་ལ་བརྟེན་ཞིང་རྩྭ་ཐང་གི་སྡེ་གསར་བསྐྲུན་པ་སྟེ། ད་ལོར། མཚོ་སྔོན་ལྷོ་ཕྱོགས་རྩྭ་ཐང་དུ་ཡོད་པའི་རྩེ་ཁོག་རྫོང་དམེ་ཤུལ་གྲོང་རྡལ་ལུང་བཟང་སྡེ་བས་མཉམ་སྐྲུན་བྱ་འགུལ་སྤེལ་ཏེ་སྡེ་བའི་རྣམ་པ་ཇེ་ལེགས་སུ་གཏོང་མགོ་བརྩམས།
ད་ལོར་ཏང་སྲིད་དམག་ཁེ་བཞི་ཡིས་དཔེ་སྟོན་སྡེ་བ་མཉམ་སྐྲུན་བྱ་འགུལ་ཁྲོད་དུ། རྩེ་ཁོག་རྫོང་གིས་མཛེས་སྡུག་ལྡན་པའི་དམེ་ཤུལ་ནགས་ར་རུ་ཆགས་ཡོད་པའི་ལུང་བཟང་སྡེ་བ་དང་སྙན་པའི་གྲགས་པ་འབར་བའི་བཀའ་འགྱུར་རྡོ་བརྩིགས་ཡོད་པའི་ཧོར་སྡེ་བ་གཉིས་མཉམ་སྐྲུན་སྡེ་བར་བདམས། ལུང་བཟང་སྡེ་བར་ཁྱིམ་ཚང་ལྔ་བརྒྱ་གོ་ལྔ་ཡོད་ལ། ཐེན་ཅིན་གྲོང་ཁྱེར་དང་ཞིང་ཆེན་དབང་བོ་སྐྱོན་ཅན་མཉམ་འབྲེལ་ལྷན་ཚོགས་གཉིས་ཀྱིས་མཉམ་སྐྲུན་བྱེད་པའི་རོགས་ཟླ་བསྒྲིགས། ཧོར་སྡེ་བར་ཁྱིམ་ཚང་ཉིས་བརྒྱ་སུམ་ཅུ་ཡོད་ལ་རྨ་ལྷོ་བོད་རིགས་རང་སྐྱོང་ཁུལ་ཞིང་ཕྱུགས་ཅུས་དང་འགྲིམ་འགྲུལ་ཅུས་གཉིས་ཀྱིས་མཉམ་སྐྲུན་བྱེད་པའི་རོགས་ཟླ་བསྒྲིགས། མཉམ་སྐྲུན་བྱ་འགུལ་མགོ་བརྩམས་པ་ནས་བཟུང་། རྩེ་ཁོག་རྫོང་ནོར་སྲིད་ཀྱིས་སྡེ་བ་རེར་སྒོར་ས་ཡ་གཅིག་ལས་མི་ཉུང་བའི་ཚད
