1.མཚོ་ཤར་གྱིས་གནས་སྐོར་གྱི་སྤྱིའི་ཡོང་སྒོ་སྒོར་དུང་ཕྱུར་བཅུ་དྲུག་མངོན་དུ་གྱུར་བ།
2013ལོར་མཚོ་ཤར་གྲོང་ཁྱེར་གྱིས་ཐུན་མོང་མ་ཡིན་པའི་ནམ་ཟླའི་ཆ་རྐྱེན་གྱི་ལེགས་ཆར་དམ་པོར་དམིགས་པ་དང་། རང་བྱུང་སྐྱེ་ཁམས་དང་ལོ་རྒྱུས་རིག་གནས། དམངས་སྲོལ་རིག་གནས་བཅས་གཞི་གཅིག་ཏུ་གྱུར་པའི་སྣ་མང་རིག་གནས་ཀྱི་གནས་སྐོར་ཐོན་ཁུངས་བེད་སྤྱོད་གང་ལེགས་བྱས་ཏེ། རྒྱུན་ཆད་མེད་པར་གནས་སྐོར་ཐོན་རྫས་ཇེ་ལེགས་སུ་བཏང་བ་དང་། གནས་སྐོར་གྱི་སྙན་གྲགས་བསྐྲུན་ཏེ། རྨ་ཆུ་དང་ཙོང་ཆུའི་རྒྱུད་ཀྱི་གནས་སྐོར་སྟོབས་ལྡན་གྲོང་ཁྱེར་གྱི་འཛུགས་སྐྲུན་ལ་ཏན་ཏིག་གིས་སྐུལ་འདེད་བྱས་པས། གྲོང་ཁྱེར་ཡོངས་ཀྱི་གནས་སྐོར་བྱ་བར་གྲུབ་འབྲས་མངོན་གསལ་བླངས། སྔོན་དཔག་བྱས་པ་ལྟར་ན། ལོ་གཅིག་གི་རིང་ལ་གནས་སྐོར་པ་མི་གྲངས་ས་ཡ་དྲུག་དང་འབུམ་ལྔ་སྣེ་ལེན་བྱས་པས། དུས་མཉམ་དང་བསྡུར་ན་བརྒྱ་ཆའི་བཅོ་ལྔ་འཕར། གནས་སྐོར་གྱི་ཡོང་སྒོ་སྒོར་དུང་ཕྱུར་བཅུ་དྲུག་མངོན་དུ་གྱུར་བ་དང་། དུས་མཉམ་དང་བསྡུར་ན་བརྒྱ་ཆའི་སུམ་ཅུ་ཡན་འཕར།

གནས་སྐོར་གྱི་ལས་གཞི་ལ་ཤུགས་ཆེན་པོས་སྐུལ་འདེད་བཏང་བ་སྟེ། ལོ་ཧྲིལ་བོར་བསྡོམས་པས་གནས་སྐོར་ལས་གཞི་ཞེ་བརྒྱད་རྩ་འཛུགས་དང་ལག་ཏུ་བསྟར་ནས། མ་དངུལ་སྒོར་དུང་ཕྱུར་བཅ