ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི“ཞིང་གསུམ”ཁྱབ་ཁོངས་ཀྱི་གཙོ་གནད་བྱ་བ་ལེགས་འཛིན་བྱས་ཏེ། དུས་ལྟར་ཁྱོན་ཡོངས་ནས་འབྱོར་འབྲིང་མངོན་འགྱུར་འབྱུང་བར་ཁག་ཐེག་ནན་མོ་བྱེད་དགོས་པའི་སྐོར་གྱི་བསམ་འཆར།
2020.03.11 ཁུངས། རང་རེའི་ལས་ཁུངས། ཀློག་གྲངས། 0

ཏང་གི་ཚོགས་ཆེན་ཐེངས་བཅུ་དགུ་པའི་ཚུན་དུ།  ཏང་ཀྲུང་དབྱང་གིས་དབུལ་ཐར་མཁྲེགས་གཏོར་ཐད་རྒྱལ་ཁ་ལེན་པ་དང་ཞིང་སྡེ་དར་སྤེལ་གྱི་འཐབ་ཇུས་ལག་བསྟར་བྱེད་པར་དམིགས་ནས་བཀོད་སྒྲིག་གལ་ཆེན་རབ་དང་རིམ་པ་བྱས་ཤིང་།   སྲིད་ཇུས་དང་བྱེད་ཐབས་རབ་དང་རིམ་པ་བཏོན།   ཞིང་ལས་དང་ཞིང་སྡེ་བཅོས་བསྒྱུར་འཕེལ་རྒྱས་སུ་གཏོང་བའི་ལག་ལེན་ལས།  ཏང་ཀྲུང་དབྱང་གིས་གཏན་འབེབས་བྱས་པའི་བྱེད་ཕྱོགས་སྲིད་ཇུས་ནི་རྦད་དེ་ཡང་དག་ཡིན་པས།   རྗེས་ཕྱོགས་ཀྱི་དུས་རིམ་ཞིག་གི་ནང་མུ་མཐུད་དུ་ལག་ལེན་མཐར་ཕྱིན་བྱེད་དགོས་པ་ར་ སྤྲོད་བྱས་ཡོད།

2020ལོ་ནི་ཁྱོན་ཡོངས་ནས་འབྱོར་འབྲིང་སྤྱི་ཚོགས་འཛུགས་སྐྲུན་གྱི་དམིགས་འབེན་ མངོན་འགྱུར་འབྱུང་བའི་ལོ་ཡིན་ལ།  ཁྱོན་ཡོངས་ནས་དབུལ་ཐར་མཁྲེགས་གཏོར་ཐད་རྒྱལ་ཁ་ལེན་པ་མཇུག་བསྡུ་བའི་ལོའང་ཡིན་པས།   ཏང་ཀྲུང་དབྱང་གིས་གོང་དུ་གླེང་བའི་དམིགས་འབེན་ལས་འགན་ཆེན་པོ་འདི་གཉིས་ལེགས་འགྲུབ་འབྱུང་དགོས་ན།  དབུལ་ཐར་མཁྲེགས་གཏོར་གྱི་ཆེས་མཐའ་མའི་བཙན་རྫོང་ངེས་པར་དུ་གཏོར་དགོས་པ་དང་།  ཁྱོན་ཡོངས་ནས་འབྱོར་འབྲིང་སྤྱི་ཚོགས་སྐྲུན་པའི “ཞིང་གསུམ”ཁྱབ་ཁོངས་ཀྱི་ཞན་ཆ་ངེས་པར་དུ་ཁ་གསབ་བྱེད་དགོས་པར་འདོད་ཀྱིན་ཡོད།   འབྱོར་འབྲིང་ཡིན་མིན་དེ་གཙོ་བོ་ཡུལ་མི་ཚོར་བལྟ་དགོས་པ་དང་།  དབུལ་ཐར་མཁྲེགས་གཏོར་གྱི་སྤུས་ཚད་ཅི་འདྲ་ཡིན་པ་དང་འབྱོར་འབྲིང་བྱུང་ཚུལ་ཅི་འདྲ་ཡིན་པ་དེ་གཙོ་བོ“ཞིང་གསུམ”བྱ་བའི་ཕན་འབྲས་ལ་བལྟ་དགོས།   ཏང་ཡོངས་ཀྱིས་ངེས་པར་དུ2020ལོའི“ཞིང་གསུམ”བྱ་བ་ལེགས་སྒྲུབ་བྱེད་པའི་དམིགས་བསལ་གྱི་གལ་ཆེན་རང་བཞིན་ལ་ངོས་ཟིན་གཏིང་ཟབ་བྱེད་པ་དང་།   ལྷོད་གཡེང་སྤུ་ཙམ་ཡང་མི་བྱེད་པར་མུ་མཐུད་དུ་ཤུགས་བསྣན་ནས།   བརྒྱ་ལོ་དང་པོའི་འབད་འཐབ་དམིགས་འབེན་མངོན་འགྱུར་འབྱུང་བར་རྒྱལ་ཁ་ཕུ་ཐག་ཆོད་པ་ལེན་པར་བརྩོན་ལེན་བྱེད་དགོས།

2020ལོའི“ཞིང་གསུམ”བྱ་བ་ལེགས་པོར་སྒྲུབ་པའི་སྤྱིའི་བླང་བྱ་ནི།   ཞི་ཅིན་ཕིང་གི་ དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་འཛིན་པ་རྒྱུན་འཁྱོངས་དང་།   ཏང་གི་ཚོགས་ཆེན་ཐེངས་བཅུ་དགུ་པ་དང་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པ།  བཞི་པ་བཅས་ཀྱི་དགོངས་དོན་ཁྱོན་ཡོངས་ནས་ལག་ལེན་མཐར་ཕྱིན་བྱེད་པ།  ཀྲུང་དབྱང་གི་དཔལ་འབྱོར་བྱ་བའི་གྲོས་ཚོགས་ཀྱི་དགོངས་དོན་ལག་ལེན་དངོས་འབེབས་བྱེད་པ་དང་།  ཁྱོན་ཡོངས་ནས་འབྱོར་འབྲིང་སྤྱི་ཚོགས་སྐྲུན་པའི་དམིགས་འབེན་ལ་ཞིབ་ཏུ་བསྡུར་བ་བཅས་བྱས་ཏེ།   བྱེད་ཐབས་ཤུགས་དྲག་དང་དངོས་འབེབས་ནན་འཛིན་བྱེད་པ་དང་།  སྟོབས་ཤུགས་གཅིག་བསྡུས་ཀྱིས་དབུལ་ཐར་མཁྲེགས་གཏོར་ཐད་རྒྱལ་ཁ་ལེན་པ།  ཁྱོན་ཡོངས་ནས་འབྱོར་འབྲིང་སྤྱི་ཚོགས་སྐྲུན་པའི“ཞིང་གསུམ”ཁྱབ་ཁོངས་ཀྱི་མི་འདང་ས་དང་ཞན་ཆ་ཁ་གསབ་བྱེད་པའི་གཙོ་གནད་ལས་འགན་ཆེན་པོ་གཉིས་འགྲུབ་པ་བཅས་བྱེད་དགོས་ཤིང་།   ཞིང་ལས་ཀྱི་ཐོན་བརྟན་མཁོ་སྲུང་དང་ཞིང་པའི་ཡོང་སྒོ་འཕར་བ་རྒྱུན་མཐུད་ནས་ལེགས་འཛིན་བྱས་ཏེ།   ཞིང་ལས་སྤུས་ཚད་མཐོན་པོའི་ངང་འཕེལ་རྒྱས་འགྲོ་བར་སྐུལ་འདེད་བྱེད་པ་དང་།   ཞིང་སྡེའི་སྤྱི་ཚོགས་འཆམ་མཐུན་བརྟན་བརླིང་ཡོང་བ་རྒྱུན་སྲུང་བྱས་ནས།   ཞིང་པ་མང་ཚོགས་ཀྱི་ཐོབ་སྣང་དང་སྐྱིད་སྣང་། བདེ་སྣང་བཅས་མཐོ་རུ་འདེགས་དགོས།   དབུལ་ཐར་མཁྲེགས་གཏོར་རྒྱལ་ཁའི་ངང་མཇུག་བསྡུ་བར་ཁག་ཐེག་ནན་མོ་བྱེད་པ་དང་།  ཞིང་སྡེ་ལ་དུས་མཉམ་དུ་ཁྱོན་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པར་ཁག་ཐེག་ནན་མོ་བྱེད་རྒྱུ་བཅས་རེད།

དང་པོ།   དབུལ་ཐར་མཁྲེགས་གཏོར་ཐད་མཐའ་གཅིག་ཏུ་རྒྱལ་ཁ་ལེན་དགོས།

(གཅིག)ཁྱོན་ཡོངས་ནས་དབུལ་ཐར་ལས་འགན་ལེགས་འགྲུབ་བྱེད་དགོས།   དབུལ་ ཐར་མཁྲེགས་གཏོར་ཐད་ཐག་གཅོད་རང་བཞིན་གྱི་གྲུབ་འབྲས་བླངས་ཟིན་པ་དང་།  དབུལ་ཕོངས་མི་གྲངས་མང་ཆེ་ཤོས་དབུལ་ཕོངས་ལས་ཐར་ཟིན་པས།   ད་ལྟ་མཁར་ལེན་ཡུལ་འཕྲོག་དང་ཕྱོགས་ཡོངས་ནས་མཇུག་བསྡུ་བའི་དུས་རིམ་དུ་ཐོན་ཡོད།   གནད་འཁེལ་དབུལ་སྐྱོར་རྒྱུན་འཁྱོངས་བྱེད་དགོས་ན།   སྔར་བས་ནུས་ལྡན་གྱི་བྱེད་ཐབས་དང་སྔར་བས་ཞིབ་ཕྲ་ཡིན་པའི་བྱ་བར་བརྟེན་ནས“སེམས་ཁྲལ་བྱེད་མི་དགོས་པ་གཉིས”ཡོངས་ཁྱབ་ཏུ་མངོན་འགྱུར་བྱས་པའི་རྨང་གཞིའི་སྟེང་།  “འགན་སྲུང་གསུམ”དང་འཐུང་ཆུའི་བདེ་འཇགས་གནད་དོན་ཕྱོགས་ཡོངས་ནས་ཐག་གཅོད་བྱས་ཏེ།  འཕྲོ་མའི་དབུལ་ཕོངས་མི་གྲངས་དུས་བཅད་ལྟར་དབུལ་ཐར་བྱེད་པར་ཁག་ཐེག་ནན་མོ་བྱེད་དགོས།  “ལྗོངས་གསུམ་ཁུལ་གསུམ”སོགས་ཀྱི་དབུལ་ཕོངས་དབུལ་ནག་ས་ཁུལ་ལ་སྔར་ལས་དམ་པོར་དམིགས་ཏེ།  འབུར་ཐོན་གནད་དོན་དང་ཤུགས་ཞན་ས་ནས་གཅིག་བསྡུས་ཀྱིས་ཤུགས་འདོན་པ་དང་།  སྲིད་ཇུས་དངོས་འབེབས་དང་དོན་འཁྱོལ་ནན་འཛིན་བྱེད་དགོས།  དབུལ་ཕོངས་དབུལ་ནག་ས་ཁུལ་གྱི་དབུལ་ཕོངས་མི་གྲངས་མང་བ་དང་དབུལ་ཕོངས་འབྱུང་ཚད་མཐོ་བ།  དབུལ་ཐར་དཀའ་ཁག་ཆེ་བའི་རྫོང་དང་སྲིད་འཛིན་སྡེ་བ་ལ།   རྣོ་ངར་གྱི་སྟོབས་ཤུགས་རྩ་འཛུགས་བྱས་ནས་ཤུགས་ཆེན་པོས་རོགས་སྐྱོར་བྱེད་པ་དང་སྒོ་བྱང་བཀལ་ནས་གཡུལ་འགྱེད་ལྟ་སྐུལ་བྱེད་དགོས།  དམིགས་བསལ་གྱི་དབུལ་ཕོངས་ཚོགས་སྤྱི་ལ།  མ་མཐའི་འཚོ་བའི་འགན་སྲུང་དང་སྨན་བཅོས་འགན་སྲུང་།  རྒན་གསོ་འགན་བཅོལ།  ཁྱད་དབུལ་མི་སྣར་རོགས་སྐྱོབ་བསྙེན་བཀུར་བྱེད་པ་དང་སྐབས་འཕྲལ་རོགས་སྐྱོབ་བྱེད་པ་སོགས་ཕྱོགས་བསྡུས་སྤྱི་ཚོགས་འགན་སྲུང་སྲིད་ཇུས་དངོས་འབེབས་དོན་འཁྱོལ་བྱས་ཏེ།  འགན་སྲུང་བྱེད་དགོས་པ་ཐམས་ཅད་ལ་འགན་སྲུང་མངོན་འགྱུར་བྱེད་དགོས།  རིམ་པ་སོ་སོའི་ནོར་སྲིད་ཀྱིས་ ཆེད་དམིགས་དབུལ་སྐྱོར་མ་དངུལ་མུ་མཐུད་དུ་འཕར་སྣོན་བཏང་ནས།  ཀྲུང་དབྱང་ནོར་སྲིད་ཀྱིས་གསར་སྣོན་བྱས་པའི་ཁག་དེ་གཙོ་བོ“ལྗོངས་གསུམ་ཁུལ་གསུམ”ལ་སོགས་པའི་དབུལ་ཕོངས་དབུལ་ནག་ས་ཁུལ་ལ་བཀོལ་དགོས།   མཁར་གྲོང་འཛུགས་སྐྲུན་ཐད་སྤྱོད་དགོས་པའི་ས་ཞིང་སྣོན་འཕྲི་བྱེད་པ་དང་མཉམ་དུ་སྦྲེལ་བ།  དབུལ་སྐྱོར་གྱི་གྲངས་ཀ་ཉུང་བའི་ཡིད་རྟོན་དངུལ་བུན་གཏོང་བ་སོགས་ཀྱི་རོགས་སྐྱོར་སྲིད་ཇུས་ལེགས་བསྒྱུར་བྱེད་དགོས་ཤིང་།  ཏང་གི་འཛུགས་སྐྲུན་གཏིང་ཟབ་སྒོས་ལག་བསྟར་བྱས་ནས་དབུལ་ཐར་མཁྲེགས་གཏོར་ལ་ཡར་སྐུལ་གཏིང་ཟབ་བྱེད་དགོས།

(གཉིས)དབུལ་ཐར་གྱི་གྲུབ་འབྲས་སྲ་བརྟན་དུ་བཏང་ནས་ཡང་བསྐྱར་དབུལ་ཕོངས་ སུ་འགྱུར་བ་སྔོན་འགོག་བྱེད་དགོས།   ས་གནས་སོ་སོས་དབུལ་ཐར་བྱས་ཟིན་པའི་མི་གངས་ལ་ ཕྱོགས་ཡོངས་ནས་རིམ་བཤེར་བྱས་ཏེ།  ནན་ཏན་གྱིས་ཆད་ཟགས་སྟོང་གསུམ་ཞིབ་འཚོལ་བྱེད་པ་དང་།  དོན་ཚན་རེ་རེ་བཞིན་དག་ཐེར་གཙང་སེལ་བྱས་ཏེ།  ཁྱིམ་ཚང་རེ་རེ་བཞིན་རྩིས་ཐོ་ལས་བསུབ་དགོས།  ས་གནས་སོ་སོའི་ཉམས་མྱོང་དང་བྱེད་ཐབས་ཕྱོགས་སྡོམ་དང་ཁྱབ་སྤེལ་བཏང་ནས།  ལྟ་ཞིབ་ཚད་ལེན་གྱི་སྔོན་བརྡའི་ནང་རྐྱེན་འཐུས་ཚང་དུ་གཏོང་བ་དང་།  བརྟན་འཇགས་མིན་པའི་དབུལ་ཐར་ཁྱིམ་ཚང་དང་མཐའ་མཚམས་ཁྱིམ་ཚང་གི་འགུལ་རྣམ་ལྟ་ཞིབ་ཚད་ལེན་ལ་ཤུགས་སྣོན་བྱས་ཏེ།  ཡང་བསྐྱར་དབུལ་ཕོངས་སུ་གྱུར་པའི་མི་གྲངས་དང་གསར་དུ་བྱུང་བའི་དབུལ་ཕོངས་མི་གྲངས་དག་དུས་ཐོག་ཏུ་རོགས་སྐྱོར་བྱེད་པའི་གྲས་སུ་འཇོག་དགོས་ལ།  དབུལ་ཐར་གྱི་གྲུབ་འབྲས་སྲ་བརྟན་དུ་གཏོང་བའི་ཆེད་དུ་ལམ་ལུགས་ཀྱི་འགན་སྲུང་འདོན་སྤྲོད་བྱེད་དགོས།   ཐོན་ལས་དབུལ་སྐྱོར་དང་ལས་ཞུགས་དབུལ་སྐྱོར་ཤུགས་ཆེར་བཏང་ནས།  འཛད་སྤྱོད་ཀྱི་དབུལ་སྐྱོར་གཏིང་ཟབ་ཏུ་སྤེལ་བ་དང་།  ས་གནས་གཞན་ལ་གནས་སྤོ་བའི་དབུལ་སྐྱོར་གྱི་རྗེས་མཐུད་དབུལ་སྐྱོར་ཤུགས་ཚད་ཇེ་ཆེར་གཏོང་དགོས།   དབུལ་ཕོངས་ས་ཁུལ་གྱི་རྨོ་བསྐྱུར་ནགས་སྐྲུན་རྩྭ་འདེབས་ཀྱི་གཞི་ཁྱོན་རྒྱ་བསྐྱེད་དགོས།   བློ་དང་ཤེས་རབ་ལ་རོགས་སྐྱོར་བྱེད་ཚད་ཆེ་རུ་བཏང་ནས།   དབུལ་ཕོངས་མི་གྲངས་ཀྱི་ནང་གནས་སྒུལ་ཤུགས་བསླང་དགོས།

(གསུམ)དཔྱད་ཞིབ་ཚད་ལེན་དང་དྲིལ་སྒྲོག་བྱ་བ་ལེགས་སྒྲུབ་བྱེད་དགོས།   དབུལ་ ཕོངས་ལས་འབུད་པའི་འགག་སྒོ་ནན་སྲུང་བྱས་ཏེ།  དབུལ་ཕོངས་ལས་འབུད་པའི་ཚད་གཞི་དང་བརྒྱུད་རིམ་གཟབ་ནན་གྱིས་ལག་བསྟར་བྱེད་དགོས་པ་དང་།  གྲངས་ཀའི་དབུལ་ཐར་དང་རྫུན་ཟོབ་དབུལ་ཐར་བློ་ཐག་རྦད་ཆོད་ཀྱིས་གཏན་འགོག་བྱས་ཏེ།  དབུལ་ཐར་གྲུབ་འབྲས་ཀྱིས་ལོ་རྒྱུས་ཀྱི་ཉམས་སད་ཐེག་ཐུབ་པར་འགན་ལེན་ཏན་ཏིག་བྱེད་དགོས།  རྒྱུན་རྣམ་ཅན་གྱི་ལྟ་སྐུལ་མཛུབ་སྟོན་ལ་ཤུགས་བསྣན་ནས།  གནད་དོན་དུས་ཐོག་ཏུ་རྙེད་པ་དང་དག་ཐེར་ལ་ལྟ་སྐུལ་བྱེད་དགོས།   དབུལ་ཐར་མཁྲེགས་གཏོར་གྱི་ཁྱབ་བཤེར་བྱ་བ་སྤེལ་དགོས།  དབུལ་ཐར་མཁྲེགས་གཏོར་གྱི་དྲིལ་སྒྲོག་བྱ་བ་ཏན་ཏིག་གིས་ལེགས་སྒྲུབ་བྱས་ཏེ།   དུས་རབས་གསར་པའི་དབུལ་སྐྱོར་དབུལ་ཐར་གྱི་ལག་ལེན་བཟང་པོ་ཕྱོགས་ཡོངས་ནས་མངོན་པར་མཚོན་དགོས་པ་དང་།   དབུལ་སྐྱོར་བྱ་གཞག་གི་ལོ་རྒྱུས་རང་བཞིན་གྱི་གྲུབ་འབྲས་ཕྱོགས་ཡོངས་ནས་དྲིལ་སྒྲོག་བྱེད་ཅིང་།   དབུལ་ཐར་མཁྲེགས་གཏོར་གྱི་རླབས་ཆེན་གྲུབ་འབྲས་རྒྱབ་ཀྱི་ལམ་ལུགས་ཀྱི་ལེགས་ཆ་གཏིང་ཟབ་སྒོས་གསལ་སྟོན་བྱས་ཏེ།  ཀྲུང་གོའི་དབུལ་ཕོངས་ཉུང་འཕྲི་བྱེད་པའི་གསོན་ཉམས་ལྡན་པའི་གཏམ་རྒྱུད་ལེགས་པོ་འཛམ་བུ་གླིང་ལ་བསྒྲགས་དགོས།

(བཞི)དབུལ་ཐར་མཁྲེགས་གཏོར་སྲིད་ཇུས་ཀྱི་སྤྱི་ཁོག་བརྟན་བརླིང་ཡོང་བ་རྒྱུན་སྲུང་ བྱེད་དགོས།  དབུལ་ཕོངས་རྫོང་གིས་དབུལ་ཕོངས་ཀྱི་ཞྭ་མོ་ཕུད་ནའང་འགན་འཁྲི་མི་འདོར་བ་དང་སྲིད་ཇུས་མི་འདོར་བ།   རོགས་སྐྱོར་མི་འདོར་བ།   ལྟ་སྐུལ་དོ་དམ་མི་འདོར་བ་རྒྱུན་འཁྱོངས་བྱེད་དགོས།  དབུལ་ཐར་མཁྲེགས་གཏོར་གྱི་འགན་འཁྲི་དངོས་འབེབས་བྱེད་ཤུགས་ཇེ་དྲག་ཏུ་བཏང་ནས།   དབུལ་ཕོངས་རྫོང་གི་རོགས་སྐྱོར་སྲིད་ཇུས་གཙོ་བོ་དག་མུ་མཐུད་དུ་ལག་བསྟར་བྱེད་དགོས་པ་དང་།   ཤར་ནུབ་རྒྱུད་ཀྱི་དབུལ་སྐྱོར་མཉམ་ལས་དང་ཁ་གཏད་རོགས་སྐྱོར།  གནས་གཏན་དབུལ་སྐྱོར།  སྤྱི་ཚོགས་དབུལ་སྐྱོར་བཅས་ཀྱི་ཤུགས་ཚད་སྔར་ལས་ཆེ་རུ་བཏང་ནས།  དབུལ་སྐྱོར་གྱི་དཔུང་ཁག་བརྟན་པོ་བྱེད་པ་དང་།  གཞི་རིམ་ལ་རོགས་སྐྱོར་བྱེད་པའི་སྟོབས་ཤུགས་ཇེ་དྲག་ཏུ་གཏོང་དགོས།  དབུལ་ཕོངས་ཁྱབ་ཁོངས་ཀྱི་རུལ་སུངས་དང་སྤྱོད་ཚུལ་གནད་དོན་གྱི་ཆེད་དམིགས་བཅོས་སྐྱོང་མུ་མཐུད་དུ་སྤེལ་དགོས།   བརྟན་འཇགས་དབུལ་ཐར་མངོན་འགྱུར་བྱས་ཟིན་པའི་རྫོང་ལ།   ཞིང་ཆེན(རང་སྐྱོང་ལྗོངས་དང་ཐད་གཏོགས་གྲོང་ཁྱེར)སོ་སོས་དོན་དངོས་ ཀྱི་གནས་ཚུལ་གཞིར་བཟུང་ནས།  གཅིག་གྱུར་འཆར་འགོད་ཀྱིས་ཆེད་དམིགས་དབུལ་སྐྱོར་མ་དངུལ་བཀོད་སྒྲིག་བྱེད་དགོས་ཤིང་།  དབུལ་ཕོངས་མ་ཡིན་པའི་རྫོང་དང་དབུལ་ཕོངས་མ་ཡིན་པའི་སྡེ་བའི་དབུལ་ཕོངས་མི་གྲངས་དབུལ་ཕོངས་ལས་ཐར་རོགས་བྱེད་དགོས།

(ལྔ)དབུལ་ཕོངས་ཉུང་འཕྲི་བྱེད་པའི་བྱ་བར་མུ་མཐུད་དུ་སྐུལ་འདེད་གཏོང་བར་ཞིབ་ འཇུག་བྱེད་དགོས།   དབུལ་ཐར་མཁྲེགས་གཏོར་གྱི་ལས་འགན་ལེགས་འགྲུབ་བྱས་རྗེས།  རང་རྒྱལ་གྱི་དབུལ་ཕོངས་གནས་ཚུལ་ལ་འགྱུར་ལྡོག་ཆེན་པོ་འབྱུང་སྲིད་པས།  དབུལ་སྐྱོར་བྱ་བའི་གཙོ་གནད་དེ་བལྟོས་བཅས་ཀྱི་དབུལ་ཕོངས་ཐག་གཅོད་བྱེད་པའི་ཕྱོགས་སུ་བསྒྱུར་དགོས་པ་དང་།  དབུལ་སྐྱོར་བྱ་བའི་བྱེད་སྟངས་ནི་གཅིག་བསྡུས་ཀྱི་དམག་འཐབ་ནས་རྒྱུན་རྣམ་སྐུལ་འདེད་བྱེད་པའི་ཕྱོགས་སུ་ལེགས་སྒྲིག་བྱེད་དགོས།  བལྟོས་བཅས་ཀྱི་དབུལ་ཕོངས་ཐག་གཅོད་པའི་ཡུན་ཕན་ནང་རྐྱེན་འཛུགས་པར་ཞིབ་འཇུག་བྱས་ནས།  དབུལ་ཕོངས་ཉུང་འཕྲི་བྱེད་པའི་འཐབ་ཇུས་དང་བྱ་བའི་མ་ལག་བརྟན་ཆགས་ངང་རིགས་བསྒྱུར་བར་སྐུལ་འདེད་གཏོང་དགོས།  བལྟོས་བཅས་ཀྱི་དབུལ་ཕོངས་གནད་དོན་ཐག་གཅོད་པའི་རྩེ་རིམ་ཇུས་འགོད་ལ་ཤུགས་བསྣན་ཏེ།   ཞིང་སྡེ་དར་སྤེལ་གྱི་འཐབ་ཇུས་ལག་བསྟར་བྱེད་པའི་གཅིག་གྱུར་འཆར་འགོད་ཀྱི་བཀོད་སྒྲིག་ནང་འཇོག་དགོས་ལ།  དབུལ་ཐར་མཁྲེགས་གཏོར་དང་ཞིང་སྡེ་དར་སྤེལ་གྱི་འཐབ་ཇུས་ལག་བསྟར་དམ་ཚགས་ཀྱིས་སྦྲེལ་མཐུད་བྱེད་པའི་བསམ་འཆར་མྱུར་དུ་ཞིབ་འཇུག་དང་གཏན་འབེབས་བྱེད་དགོས།

གཉིས་པ།   འབྱོར་འབྲིང་སྤྱི་ཚོགས་ཁྱོན་ཡོངས་ནས་བསྐྲུན་པ་དེ་ཚད་གཞིར་བཟུང་ནས་ཞིང་སྡེའི་རྨང་གཞིའི་སྒྲིག་བཀོད་དང་སྤྱི་པའི་ཞབས་ཞུའི་ཞན་ཆ་དང་མི་འདང་ས་གང་མགྱོགས་ཀྱིས་ཁ་གསབ་བྱེད་དགོས།

(དྲུག)ཞིང་སྡེའི་སྤྱི་པའི་རྨང་གཞིའི་སྒྲིག་བཀོད་འཛུགས་སྐྲུན་གྱི་ཤུགས་ཚད་ཆེ་རུ་ གཏོང་དགོས།   “ཞིང་སྡེའི་ལམ་གྱི་བཟང་ཆ་བཞི”ཡི་དཔེ་སྟོན་གསར་འཛུགས་སྤུས་འདེགས་རྒྱ་བསྐྱེད་ལ་སྐུལ་འདེད་བྱས་ཏེ།  ཞིང་ཆེན་ཁོངས་གཏོགས་དང་གྲོང་ཁྱེར་ཁོངས་གཏོགས་ཀྱི་ཁྱབ་ ཁོངས་སུ་དཔེ་སྟོན་གསར་འཛུགས་སྤེལ་མགོ་ཚུགས་དགོས།   ཆ་རྐྱེན་འཛོམས་པའི་སྲིད་འཛིན་སྡེ་བའི་གཞུང་ལམ་སྲ་བསྒྱུར་དང་འགྲུལ་སྐྱེལ་རླངས་འཁོར་ཤར་གཏོང་བྱེད་པའི་ལས་འགན་གྲུབ་ཡོད་པའི་རྨང་གཞིའི་ཐོག མི་གྲངས་མང་པོའི་རང་བྱུང་སྡེ་བ(ཚན་ཆུང)སོགས་ཀྱི་གཞུང་ལམ་སྲ་བསྒྱུར་འཛུགས་སྐྲུན་གོ་རིམ་ལྡན་པའི་ངང་སྤེལ་དགོས།   སྡེ་བའི་གཞུང་ལམ་འཛུགས་སྐྲུན་དང་ཞིག་གསོ་བསྒྱུར་བཀོད་བྱེད་པར་རྒྱབ་སྐྱོར་བྱེད་དགོས།   སྣུམ་ཁྲལ་བཅོས་བསྒྱུར་གྱི་སྤོ་བསྒྱུར་གཏོང་སྤྲོད་ཀྱིས་ཞིང་སྡེའི་གཞུང་ལམ་སྲུང་སྐྱོབ་ལ་རྒྱབ་སྐྱོར་བྱེད་ཤུགས་ཆེ་རུ་གཏོང་དགོས།   ཞིང་སྡེའི་གཞུང་ལམ་སྲོལ་ཡིག་གི་ཁྲིམས་སྲོལ་འཛུགས་པའི་འཕེལ་རིམ་ཇེ་མགྱོགས་སུ་གཏོང་དགོས།   ཞིང་སྡེའི་གཞུང་ལམ་གྱི་འགྲིམ་འགྲུལ་བདེ་འཇགས་དོ་དམ་ལ་ཤུགས་སྣོན་དགོས།   “ལྗོངས་གསུམ་ཁུལ་གསུམ”དང་ཉེ་འཁོར་སྡེ་བའི་གློག་དྲ་རིམ་སྤར་བསྒྱུར་བཀོད་ཀྱི་འགག་སྒྲོལ་འཆར་གཞི་ལེགས་འགྲུབ་བྱེད་དགོས།   སྲིད་འཛིན་སྡེ་བའི་འོད་སྐུད་དྲ་རྒྱ་དང་རབས་བཞི་པའི་སྤོ་སྒུལ་འཕྲིན་གཏོང་དྲ་རྒྱའི་ཁེབས་ཚད་རྒྱ་ཁྱབ་ཏུ་འགྲོ་བ་ཕལ་ཆེར་མངོན་འགྱུར་འབྱུང་དགོས།   ཞིང་སྡེའི་སྤྱི་པའི་རྨང་གཞིའི་སྒྲིག་བཀོད་དོ་དམ་གྱི་འགན་འཁྲི་དངོས་འབེབས་དོན་འཁྱོལ་བྱས་ནས།  སྲིད་གཞུང་གིས་འགན་ལེན་འོས་པའི་འགྲོ་སོང་ཚང་མ་སྲིད་གཞུང་གི་སྔོན་རྩིས་འགྲོ་སོང་ནང་དུ་བཞག་སྟེ།   སྡེ་བའི་འཆར་འགོད་བྱ་བ་ལེགས་སྒྲུབ་བྱེད་དགོས།

(བདུན)ཞིང་སྡེའི་ཆུ་མཁོ་འདོན་ལ་འགན་སྲུང་བྱེད་པའི་ཆུ་ཚད་མཐོ་རུ་འདེགས་ དགོས།   ཞིང་སྡེའི་འཐུང་ཆུའི་བདེ་འཇགས་སྲ་བརྟན་དང་མཐོར་འདེགས་གཏོང་བའི་བཟོ་འགོད་ལས་འགན་ཕྱོགས་ཡོངས་ནས་འགྲུབ་པར་བྱེད་དགོས།   ཞིང་སྡེའི་འཐུང་ཆུའི་རྨང་གཞི་སྒྲིག་བཀོད་འཛུགས་སྐྲུན་གཅིག་གྱུར་བཀོད་སྒྲིག་བྱས་ཏེ།   བལྟོས་བཅས་ཀྱིས་མི་གྲངས་གཅིག་འདུས་ཡིན་པའི་ས་ཁུལ་ནས་གཞི་ཁྱོན་ཅན་གྱི་ཆུ་མཁོ་འདོན་བཟོ་འགོད་འཛུགས་སྐྲུན་བྱེད་དགོས།   ཆ་རྐྱེན་ཡོད་པའི་ས་ཁུལ་དུ་གྲོང་ཁྱེར་དོ་དམ་དྲ་རྒྱ་ཞིང་སྡེར་བསྲིངས་ནས།  གྲོང་ཁྱེར་དང་ཞིང་སྡེའི་ཆུ་མཁོ་འདོན་གཞི་གཅིག་ཅན་དུ་བཏང་ཆོག ཀྲུང་དབྱང་ནོར་སྲིད་ཀྱིས་རྒྱབ་སྐྱོར་བྱེད་པའི་ཤུགས་ཚད་ཆེ་རུ་བཏང་སྟེ་དབུས་ནུབ་རྒྱུད་ས་ཁུལ་དང་།   སྔར་གྱི་ཀྲུང་དབྱང་སུའུ་ཁུལ་གྱི་ཞིང་སྡེའི་འཐུང་ཆུའི་བདེ་འཇགས་བཟོ་འགོད་ཞིག་གསོ་དང་སྲུང་སྐྱོང་བྱེད་པར་ཁ་གསབ་བྱེད་དགོས།   ཞིང་སྡེའི་འཐུང་ཆུའི་མགོ་ཁུངས་ལ་སྲུང་སྐྱོབ་བྱེད་པར་ཤུགས་བསྣན་ནས།  ཆུའི་སྤུས་ཀར་ལྟ་ཞིབ་ཚད་ལེན་བྱེད་པའི་བྱ་བ་ལེགས་པོར་སྒྲུབ་དགོས།

(བརྒྱད)ཞིང་སྡེའི་སྡོད་གནས་ཁོར་ཡུག་བཅོས་སྐྱོང་བྱེད་པའི་བྱ་བ་ལེགས་པོར་སྒྲུབ་དགོས།   ཞིང་སྡེའི་སྤྱོད་ཁང་གསར་བརྗེ་ལ་རིགས་དགར་སྐུལ་འདེད་བྱེད་དགོས་ལ།   ཤར་རྒྱུད་ས་ཁུལ་དང་དབུས་ནུབ་རྒྱུད་ཀྱི་གྲོང་ཁྱེར་དང་དེའི་ཉེ་འདབས་ཀྱི་སྡེ་བ་སོགས་ཀྱི་རྨང་གཞི་དང་ཆ་རྐྱེན་ཡོད་པའི་ས་ཁུལ་དུ་ཞིང་སྡེའི་ཁྱིམ་ཚང་གི་གནོད་མེད་སྤྱོད་ཁང་བསྒྱུར་བཀོད་ཕལ་ཆེར་འགྲུབ་པར་བྱེད་དགོས་པ་དང་།   ས་ཁུལ་གཞན་དག་ནས་ཀྱང་དངོས་ཐོག་བདེན་འཚོལ་གྱིས་དམིགས་འབེན་ལས་འགན་གཏན་འཁེལ་བྱེད་དགོས།   ས་གནས་སོ་སོས་འོས་འཚམ་གྱི་ལག་རྩལ་དང་སྤྱོད་ཁང་ལེགས་བསྒྱུར་གྱི་དཔེ་དབྱིབས་རྣམ་པ་བདམས་ཏེ།   སྔོན་ལ་ཚོད་ལྟ་དང་དེ་ནས་དངོས་སུ་བཀོལ་སྤྱོད་ཆོག་ན་སྔ་གཞུག་ཡོད་པའི་སྒོ་ནས་སྤེལ་དགོས།   ཞིང་སྡེའི་འཚོ་བའི་གད་སྙིགས་བཅོས་སྐྱོང་བྱེད་པར་ཕྱོགས་ཡོངས་ནས་སྐུལ་འདེད་བྱས་ཏེ།  རང་ས་ནས་རིགས་དགར་བ་དང་མགོ་ཁུངས་ནས་ཉུང་དུ་གཏོང་བའི་ཚོད་ལྟ་བྱེད་དགོས།   ཞིང་སྡེའི་འཚོ་བའི་བཙོག་ཆུ་བཅོས་སྐྱོང་བྱེད་པའི་བྱ་བ་སྐས་རིམ་བཞིན་སྤེལ་ཏེ།  ཞང་གྲོང་ཡོད་ས་དང་དཀྱིལ་སྙིང་སྡེ་བའི་འཚོ་བའི་བཙོག་ཆུའི་གནད་དོན་དམིགས་སུ་བཟུང་ནས་སྔོན་ལ་ཐག་གཅོད་བྱེད་དགོས།   ཞིང་སྡེའི་ཆུ་རུལ་མི་གཙང་བ་དག་ཐེར་བཅོས་སྐྱོང་བྱེད་དགོས།   ཞིང་པ་མང་ཚོགས་ཀྱིས་ཞིང་སྡེའི་གཙང་སྦྲ་དང་ལྗང་བསྒྱུར་བྱ་སྤྱོད་ལ་རྒྱབ་སྐྱོར་བྱས་ནས“མཛེས་སྡུག་གི་ཁྱིམ་གཞིས”སྐྲུན་པར་སྐུལ་འདེད་བྱེད་དགོས་ཤིང་།   ཆ་རྐྱེན་ཡོད་པའི་ས་ཆ་ནས་ཞིང་སྡེའི་སྡོད་གནས་ཁོར་ཡུག་གི་སྤྱི་པའི་སྒྲིག་བཀོད་ཞིག་གསོ་བདག་སྐྱོང་ལ་ཁ་གསབ་བྱེད་པར་སྐུལ་མ་གཏོང་དགོས།

(དགུ)ཞིང་སྡེའི་སློབ་གསོའི་སྤུས་ཚད་མཐོར་འདེགས་གཏོང་དགོས།  ཞང་གྲོང་གི་ཞག་སྡོད་ལམ་ལུགས་ཀྱི་སློབ་གྲྭ་འཛུགས་པར་ཤུགས་སྣོན་པ་དང་།  ཞིང་སྡེའི་གཞི་ཁྱོན་ཆུང་བའི་སློབ་གྲྭའི་ཁྱབ་སྟངས་གཅིག་གྱུར་འཆར་འགོད་བྱས་ཏེ།  སློབ་སྒྲུབ་ཆ་རྐྱེན་ཇེ་བཟང་ དང་།  སློབ་ཁྲིད་རྒྱུ་སྤུས་མཐོར་འདེགས་གཏོང་དགོས།  ཞིང་སྡེའི་དགེ་རྒན་གྱི་དཔུང་སྡེ་ འཛུགས་སྐྲུན་བྱེད་པར་ཤུགས་བསྣན་ནས།  འོས་འགན་སློབ་གསོའི་དུས་རིམ་གྱི་དགེ་རྒན་ལ་རྫོང་གིས་དོ་དམ་དང་སློབ་གྲྭས་གདན་ཞུ་བྱེད་པ་ཁྱབ་སྤེལ་བཏང་སྟེ།   འཆར་གཞི་ཡོད་པའི་སྒོ་ནས་རྫོང་མཁར་གྱི་སློབ་གྲྭའི་དགེ་རྒན་རྣམས་ཞིང་སྡེ་རུ་ཡོང་ནས་རོགས་ཁྲིད་བྱེད་པར་བཀོད་སྒྲིག་བྱེད་དགོས།   སློབ་གྲྭ་ཆུང་འབྲིང་གི་དགེ་རྒན་གྱི་ཆ་སྙོམས་གླ་ཕོགས་ཡོང་སྒོའི་ཆུ་ཚད་ནི་ས་གནས་ཀྱི་གཞུང་ཞབས་པའི་ཆ་སྙོམས་གླ་ཕོགས་ཡོང་སྒོའི་ཆུ་ཚད་ལས་མི་དམའ་བའམ་ཡང་ན་དེ་ལས་མཐོ་བའི་སྲིད་ཇུས་དངོས་འབེབས་བྱེད་པ་དང་།   དགེ་རྒན་གྱི་གོ་མིང་གདན་ཞུ་བྱེད་ཚད་ཞིང་སྡེའི་སློབ་གྲྭའི་དགེ་རྒན་ལ་ཕྱོགས་ཞེན་བྱེད་དགོས།   ཆ་རྐྱེན་དང་མཐུན་པའི་ཞིང་སྡེའི་སློབ་གྲྭའི་དགེ་རྒན་ནི་ས་དེ་གའི་སྲིད་གཞུང་གི་སྡོད་ཁང་འགན་སྲུང་མ་ལག་ནང་དུ་འཇོག་དགོས།   ཞིང་སྡེའི་འོས་འགན་སློབ་གསོའི་སློབ་གྲྭ་ནས་མི་འབུད་པར་སློབ་གྲྭར་ཞུགས་པར་འགན་སྲུང་བྱེད་པའི་ཆེད་དམིགས་བྱ་འགུལ་ལ་མུ་མཐུད་དུ་སྐུལ་འདེད་གཏོང་བ་དང་།   འོས་འགན་སློབ་གསོ་ཁྱབ་གདལ་དུ་བཏང་བའི་གྲུབ་འབྲས་སྲ་བརྟན་དུ་གཏོང་དགོས།   བསླབ་གནས་འདོན་སྤྲོད་ཇེ་མང་དུ་བཏང་སྟེ།   ཞིང་པ་ཞོར་ལས་པའི་རྗེས་ཁྲིད་བུ་ཕྲུག་སློབ་གྲྭར་འགྲོ་བའི་གནད་དོན་ཐག་གཅོད་ལེགས་པོ་བྱེད་དགོས།  ཞིང་སྡེའི་སློབ་སྔོན་སློབ་གསོར་མཐོང་ཆེན་བྱེད་པ་དང་།  ཐབས་ལམ་མང་པོ་སྤྱད་དེ་ཀུན་ཕན་རང་བཞིན་གྱི་སློབ་སྔོན་སློབ་གསོའི་ཐོན་ཁུངས་འདོན་སྤྲོད་བྱེད་ཚད་ཇེ་མང་དུ་གཏོང་དགོས།   ཞིང་སྡེའི་དམིགས་བསལ་སློབ་གསོར་ཤུགས་སྣོན་དགོས།   དབུས་ནུབ་རྒྱུད་ས་ཁུལ་གྱི་ཞིང་སྡེའི་དགེ་རྒན་གྱི་རྒྱལ་ཁབ་སྤྱི་སྤྱོད་སྐད་ཡིག་གི་ནུས་པ་ཤུགས་ཆེན་པོས་མཐོར་འདེགས་གཏོང་བ་དང་།   དབུལ་ཕོངས་ས་ཁུལ་གྱི་སློབ་ལོ་མ་རན་པའི་བྱིས་པའི་སྤྱི་སྐད་སློབ་གསོར་ཤུགས་སྣོན་དགོས།   ལས་རིགས་སློབ་གསོའི་སློབ་གྲྭས་ཞིང་སྡེ་རུ་སློབ་མ་བསྡུ་བའི་གཞི་ཁྱོན་ཆེ་རུ་གཏོང་བ་དང་།   ལས་རིགས་སློབ་གསོའི་སྤུས་ཚད་ཇེ་མཐོར་གཏོང་དགོས།

(བཅུ་བ།)ཞིང་སྡེའི་གཞི་རིམ་གྱི་སྨན་བཅོས་འཕྲོད་བསྟེན་ཞབས་ཞུ་ལ་ཤུགས་སྣོན་དགོས།   རྫོང་རིམ་པའི་སྨན་ཁང་ལེགས་གཉེར་དང་།   ཚད་ལྡན་ཅན་གྱི་ཞང་གྲོང་འཕྲོད་བསྟེན་ཁང་འཛུགས་པར་སྐུལ་འདེད་གཏོང་བ།   སྡེ་བའི་འཕྲོད་བསྟེན་ཁང་བསྒྱུར་བཀོད་རིམ་སྤར་བྱེད་པ།   སྨན་བཅོས་ཞབས་ཞུའི་སྟོང་ཆ་མེད་པར་བཟོ་བ་བཅས་བྱེད་དགོས།   ཚགས་དམ་པའི་རྫོང་མཁར་སྨན་བཅོས་འཕྲོད་བསྟེན་གྱི་ཐུན་མོང་ཚོགས་པ་འཛུགས་སྐྲུན་བྱེད་པར་སྐུལ་འདེད་ཏན་ཏིག་གཏོང་དགོས།   ཞིང་སྡེའི་སྨན་པའི་དཔུང་སྡེ་འཛུགས་སྐྲུན་བྱེད་པར་ཤུགས་བསྣན་ནས།  དངོས་གཞིའི་ཚན་ཁག་དང་དེའི་ཡན་གྱི་སློབ་གཉེར་བརྒྱུད་རིམ་ལྡན་པའི་གསོ་རིག་སློབ་ཐོན་སློབ་མའམ་ཡང་ན་སྨན་ཁང་དུ་སྡོད་པའི་སྨན་པ་དཀའ་བཅུ་པར་ཚད་ལྡན་ཅན་གྱི་གསོ་སྦྱོང་བྱས་ནས་ཚད་ལྡན་གྱི་ཀུན་ཐུབ་སྨན་པ་བསྡུ་བའི་གོ་རིམ་འོས་འཚམ་སྒོས་སྟབས་བདེ་བཟོ་དགོས།   དབུས་ནུབ་རྒྱུད་ས་ཁུལ་དང་དཀའ་ཁག་ཆེ་བའི་མཐའ་འཁོབ་ས་ཁུལ་གྱི་ཞིང་སྡེ་རུ་བྱ་བ་སྒྲུབ་པར་གདན་ཞུ་བྱས་པའི་མཐོ་རིམ་གསོ་རིག་སློབ་ཐོན་སློབ་མར་སློབ་ཆེན་སྐབས་ཀྱི་སློབ་ཡོན་ཁ་གསབ་དང་རྒྱལ་ཁབ་ཀྱི་སློབ་སྐྱོར་དངུལ་བུན་ཚབ་འཇལ་བྱེད་དགོས།  ས་གནས་སོ་སོས་གཞི་རིམ་འཕྲོད་བསྟེན་སྒྲིག་གཞིའི་ད་ཡོད་སྒྲིག་ཁོངས་ཀྱི་ཐོན་ཁུངས་གང་འགབ་ཅི་སྤྱོད་དང་བེད་སྤྱོད་ཡག་པོ་བྱེད་དགོས་ལ།  གྲོང་རྡལ་འཕྲོད་བསྟེན་ཁང་གིས་ཆ་རྐྱེན་འཛོམས་པའི་ཞིང་སྡེའི་སྨན་པ་དམིགས་བསལ་གྱིས་གདན་ཞུ་བྱེད་ཆོག གཞི་རིམ་གྱི་རིམས་ནད་སྔོན་འགོག་ཚོད་འཛིན་བྱེད་པའི་དཔུང་སྡེ་འཛུགས་སྐྲུན་ལ་ཤུགས་བསྣན་ནས།  ནད་གཞི་ཚབས་ཆེན་དང་འགོས་ནད་སྔོན་འགོག་ཚོད་འཛིན་བྱེད་པའི་བྱ་བ་ལེགས་སྒྲུབ་བྱེད་དགོས།  ཞིང་སྡེའི་ལོ་ན་རན་པའི་བུད་མེད་ཀྱི་མངལ་སྐེའི་འབྲས་སྐྲན་དང་ནུ་མའི་འབྲས་སྐྲན་ཞིབ་བཤེར་བྱ་རྒྱུ་དེ་གཞི་རྩའི་སྤྱི་པའི་འཕྲོད་བསྟེན་ཞབས་ཞུའི་ ཁྱབ་ཁོངས་སུ་འཇོག་དགོས།

(བཅུ་གཅིག)ཞིང་སྡེའི་སྤྱི་ཚོགས་འགན་སྲུང་ལ་ཤུགས་སྣོན་དགོས།  གྲོང་ཁྱེར་དང་ཞིང་སྡེའི་སྡོད་དམངས་ཀྱི་གཞི་རྩའི་སྨན་བཅོས་འགན་སྲུང་ལ་ནོར་སྲིད་ཀྱིས་ཁ་གསབ་དང་མི་སྒེར་གྱིས་གྲོན་དངུལ་སྤྲོད་པའི་ཚད་གཞི་འོས་འཚམ་གྱིས་ཇེ་མཐོར་གཏོང་དགོས།   གྲོང་ཁྱེར་དང་ཞིང་སྡེ་སྡོད་དམངས་ཀྱི་གཞི་རྩའི་སྨན་བཅོས་འགན་སྲུང་དང་།   ནད་ལྕི་མོ་འགན་བཅོལ་བྱེད་པ།   སྨན་བཅོས་རོགས་སྐྱོབ་བྱེད་པ་བཅས་སྒྲུབ་གཉེར་ཞབས་ཞུའི་ཆུ་ཚད་ཇེ་མཐོར་བཏང་སྟེ།   ས་གནས་རིམ་པ་དང་གྲོང་ཁྱེར་ཁྱབ་ཁོངས་སུ“ས་ཚིགས་གཅིག་ནས་ཞབས་ཞུ་བྱེད་པ་དང་།   སྒེའུ་ཁུང་གཅིག་ནས་འགྲོ་ལུགས་སྒྲུབ་པ།   ཤོག་བྱང་གཅིག་གིས་མཇུག་རྩིས་རྒྱག་པ”བཅས་མངོན་འགྱུར་བྱེད་དགོས།   ཞིང་སྡེའི་མ་མཐའི་འཚོ་བའི་འགན་སྲུང་བྱ་ཡུལ་གྱི་འགུལ་རྣམ་ཡང་དག་གནད་ཁེལ་སྒོས་དོ་དམ་བྱེད་པར་ཤུགས་བསྣན་ནས།  མ་མཐའི་འཚོ་བའི་འགན་སྲུང་སོགས་ཀྱི་སྤྱི་ཚོགས་རོགས་སྐྱོབ་ཆུ་ཚད་ལུགས་མཐུན་ངང་ཇེ་མཐོར་གཏོང་དགོས།   ཞིང་སྡེའི་གཞིས་སྲུང་བྱིས་པ་དང་བུད་མེད།   རྒན་རྒོན་བཅས་ལ་གཅེས་སྐྱོང་བྱེད་པའི་ཞབས་ཞུའི་མ་ལག་འཐུས་ཚང་དུ་གཏོང་དགོས།  ཞིང་སྡེའི་རོགས་རེས་རྣམ་པའི་རྒན་གསོ་འཕེལ་རྒྱས་གཏོང་བ་དང་།   རྣམ་པ་སྣ་མང་སྤྱད་དེ་ཉིན་མོའི་ལྟ་རྟོག་ལྟེ་གནས་འཛུགས་དགོས།   རང་ཉིད་ལ་བདག་བྱེད་མི་ཐུབ་པའི་ལོ་ལོན་དང་དབང་པོ་སྐྱོན་ཅན་ཚབས་ཆེན་ཅན་ལ་བདག་སྐྱོང་བྱེད་པའི་ཞབས་ཞུ་ཇེ་ལེགས་སུ་གཏོང་དགོས།

(བཅུ་གཉིས) ཞིང་སྡེའི་སྤྱི་པའི་རིག་གནས་ཞབས་ཞུ་ལེགས་བཅོས་བྱེད་དགོས།   གཞི་ རྩའི་སྤྱི་པའི་རིག་གནས་ཞབས་ཞུ་ཞིང་སྡེ་རུ་བསྲིང་བར་སྐུལ་འདེད་བཏང་སྟེ།   ཞིང་སྡེའི་རིག་གནས་དམངས་ཕན་བཟོ་འགོད་ཀྱི་ཁེབས་རྒྱ་ཆེ་རུ་གཏོང་དགོས།   གྲོང་ཁྱེར་གྱི་རིག་རྩལ་ཚོགས་པ་དང་རིག་རྩལ་ལས་གཉེར་པས་དུས་ལྟར་རིག་གནས་ཞིང་སྡེ་རུ་སྐྱེལ་བར་སྐུལ་མ་གཏོང་དགོས།   ཞིང་སྡེའི་རིག་གནས་འཇོན་མི་སྐྱེད་སྲིང་བྱེད་པའི་བཟོ་འགོད་ལག་བསྟར་བྱས་ཏེ།  རང་སའི་རིག་རྩལ་ཚན་ཆུང་འཕེལ་རྒྱས་གཏོང་བར་རྒྱབ་སྐྱོར་བྱེད་པ་དང་།  ཞིང་སྡེའི་མངོན་མིན་རིག་གནས་ཤུལ་བཞག་གི་རྒྱུན་འཛིན་པ་དང་དམངས་ཁྲོད་ཀྱི་སྒྱུ་རྩལ་པས་དགེ་ཕྲུག་བསྡུ་ལེན་དང་སྒྱུ་རྩལ་བརྒྱུད་སྤེལ་བྱེད་པར་རོགས་སྐྱོར་བྱེད་དགོས།   ཕུལ་བྱུང་གི་ཟློས་གར་དང་གཞས་མ་གཏམ།   གྲངས་ཉུང་མི་རིགས་ཀྱི་རིག་གནས་དང་དམངས་ཁྲོད་རིག་གནས་བཅས་འཕེལ་རྒྱས་གཏོང་དགོས།   ལོ་རྒྱུས་རིག་གནས་ལྡན་པའི་གྲོང་རྡལ(སྡེ་བ)གྲགས་ཅན་དང་སྲོལ་རྒྱུན་སྡེ་བ།   མི་རིགས་སྡེ་བ།   སྲོལ་རྒྱུན་ཨར་ལས།   ཞིང་ལས་རིག་གནས་ཀྱི་ཤུལ་བཞག གནའ་བོའི་ཤིང་སྡོང་དང་ཤིང་སྡོང་མིང་གྲགས་ཅན་སོགས་སྲུང་སྐྱོབ་ལེགས་པོ་བྱེད་དགོས།  “ལོ་ལེགས་བྱུང་བར་རྟེན་འབྲེལ་ཞུ་བ་དང་འབྱོར་འབྲིང་བསུ་བ”བརྗོད་གཞི་ཡིན་པའི་ཀྲུང་གོའི་ཞིང་པའི་ལོ་ལེགས་དུས་ཆེན་ལེགས་སྒྲུབ་བྱེད་དགོས།

(བཅུ་གསུམ)ཞིང་སྡེའི་སྐྱེ་ཁམས་ཁོར་ཡུག་གི་འབུར་ཐོན་གནད་དོན་བཅོས་སྐྱོང་བྱེད་ དགོས།   སྒོ་ཕྱུགས་དང་ཁྱིམ་བྱའི་བྲུན་ལུད་ཐོན་ཁུངས་ཅན་དུ་བེད་སྤྱོད་བྱེད་པར་ཤུགས་ཆེན་པོས་སྐུལ་འདེད་བཏང་སྟེ།  གསོ་སྤེལ་ར་བ་ཆེ་གྲས་ཀྱི་བྲུན་ལུད་བཅོས་སྐྱོང་སྒྲིག་བཀོད་འཛུགས་སྐྲུན་ཕལ་ཆེར་ལེགས་འགྲུབ་བྱེད་དགོས།   ཞིང་སྨན་དང་ལུད་རྫས་ཉུང་འཕྲི་བྱེད་པའི་བྱེད་སྒོ་གཏིང་ཟབ་ཏུ་སྤེལ་ཏེ།   ཞིང་སྤྱོད་འགྱིག་ཤོག་གི་སྦགས་བཙོག་བཅོས་སྐྱོང་བྱེད་ཤུགས་ཆེ་རུ་གཏོང་དགོས།   སོག་མ་ཕྱོགས་བསྡུས་བེད་སྤྱོད་བྱེད་པར་སྐུལ་འདེད་གཏོང་དགོས།   འབྲི་ཆུའི་འབབ་རྒྱུད་ཀྱི་ཆུ་ཁོངས་གལ་ཆེན་དུ་རྒྱུན་པར་ཉ་འཛིན་པ་བཀག་འགོག་བྱེད་པ་དང་།   ཉ་པས་ཉ་འཛིན་པའི་བྱ་བ་ལེགས་སྒྲུབ་བྱེད་དགོས།   ས་ནག་སྲུང་སྐྱོང་བྱེད་པར་བཅོས་སྐྱོང་ནུས་ལྡན་བྱེད་སྟངས་ཁྱབ་གདལ་དུ་གཏོང་བ་དང་།   ཡུར་བུ་ཤུར་བཅོས་བྱེད་པར་སྐུལ་འདེད་གཏོང་བ།   ཤར་བྱང་ས་ཁུལ་གྱི་ས་ནག་ལ་སྲུང་སྐྱོང་རང་བཞིན་གྱི་རྨོ་འདེབས་བྱེད་པའི་འཆར་གཞི་ལག་བསྟར་བྱེད་མགོ་རྩོམ་དགོས།   ཞིང་སྤྱོད་ས་ཞིང་གི་ས་རྒྱུའི་སྦགས་བཙོག་ལ་དོ་དམ་ཚོད་འཛིན་དང་ཉམས་གསོ་བེད་སྤྱོད་བྱེད་པར་སྐུལ་འདེད་གཏོང་དགོས།   ཧྭ་པེ་ས་ཁུལ་གྱི་ས་འོག་གི་ཆུ་ཚད་ལས་བརྒལ་ནས་སྔོག་འདོན་བྱེད་པར་མུ་མཐུད་དུ་ཕྱོགས་བསྡུས་བཅོས་སྐྱོང་བྱེད་དགོས།   ཞིང་སྡེའི་ཆུ་རྒྱུད་ལ་ཕྱོགས་བསྡུས་བཅོས་སྐྱོང་གི་ཚོད་ལྟ་བྱེད་མགོ་རྩོམ་དགོས།

གསུམ་པ།   ཞིང་ལས་ཐོན་རྫས་གལ་ཆེན་ནུས་ལྡན་སྒོས་མཁོ་སྤྲོད་ཐུབ་པ་དང་ཞིང་པའི་ཡོང་འབབ་རྒྱུན་མཐུད་ངང་ཇེ་མང་དུ་འགྲོ་བར་འགན་སྲུང་བྱེད་དགོས།

(བཅུ་བཞི)འབྲུ་རིགས་ཐོན་སྐྱེད་བརྟན་བརླིང་ཡོང་བར་བྱེད་དགོས།   འབྲུ་རིགས་བདེ་ འཇགས་ལ་ཁག་ཐེག་ནན་ཏན་བྱེད་པ་ནི་ནམ་ཡང་རྒྱལ་སྐྱོང་སྲིད་གཉེར་གྱི་དོན་ཆེན་ནང་གི་འགངས་ཆེན་ཡིན།   འབྲུ་རིགས་ཐོན་སྐྱེད་བྱེད་སྐབས་ནམ་ཡང་བརྟན་བརླིང་གཙོ་བོར་འཛིན་དགོས་པ་སྟེ།  སྲིད་ཇུས་བརྟན་བརླིང་དང་།   རྒྱ་ཁྱོན་བརྟན་བརླིང་།   ཐོན་ཚད་བརྟན་བརླིང་བཅས་ཡོང་དགོས།   འབྲུ་རིགས་བདེ་འཇགས་ཐད་ཧྲིན་ཀྲང་གིས་འགན་ཁུར་པའི་ལམ་ལུགས་དཔྱད་ཞིབ་བྱེད་ཤུགས་ཆེ་རུ་བཏང་ནས།  ཞིང་ཆེན(རང་སྐྱོང་ལྗོངས་དང་ཐད་གཏོགས་གྲོང་ཁྱེར)ཁག་གི2020ལོར་འབྲུ་རིགས་ཀྱི་འདེབས་ཁྱོན་དང་ཐོན་ཚད་ཕལ་ཆེར་བརྟན་འཇགས་ཡོང་བ་རྒྱུན་འཁྱོངས་བྱེད་དགོས།   ཞིང་ལས་ཀྱི་ཁ་གསབ་སྲིད་ཇུས་སྔར་ལས་འཐུས་ཚང་དུ་གཏོང་དགོས།   འབྲས་དང་གྲོའི་ཆེས་དམའ་བའི་ཉོ་སྒྲུབ་རིན་གོང་ལེགས་སྒྲིག་བྱེད་པའི་སྲིད་ཇུས་འཐུས་ཚང་དུ་བཏང་སྟེ།   ཞིང་བའི་གཞི་རྩའི་ཡོང་འབབ་བརྟན་བརླིང་ཡོང་བར་བྱེད་དགོས།   འབྲས་དང་གྲོ།   མ་རྨོས་ལོ་ཏོག་བཅས་ཀྱི་མ་རྩ་ཆ་ཚང་འགན་བཅོལ་དང་ཡོང་འབབ་འགན་བཅོལ་ཚོད་ལྟ་བྱེད་པར་སྐུལ་འདེད་གཏོང་དགོས།   ཐོན་ཚད་མཐོ་བའི་སྲན་ཆེན་གྱི་རིགས་དང་།   མ་རྨོས་ལོ་ཏོག་དང་སྲན་ཆེན་སྤེལ་འདེབས་ཀྱི་ཞིང་ལས་ལག་རྩལ་གསར་པ་ཁྱབ་གདལ་དུ་གཏོང་བར་རྒྱབ་སྐྱོར་བྱེད་ཤུགས་ཆེ་རུ་གཏོང་དགོས།   རྩྭ་སའི་སྟེང་གི་མཚན་མོའི་འབུ་མེ་ལྕེབས་སོགས་ནད་འབུའི་གནོད་འཚེ་ཚབས་ཆེན་སྔོན་འགོག་ཚོད་འཛིན་བྱེད་པར་དམ་འཛིན་ཡག་པོ་བྱེད་པ་དང་།   གཅིག་གྱུར་འགོག་བཅོས་དང་།   ཚབ་རྨོ་ཚབ་འདེབས།   ས་ཞིང་ཚབ་གཉེར་སོགས་ཀྱི་ཞབས་ཞུའི་རྣམ་པ་ཁྱབ་གདལ་དུ་གཏོང་དགོས།   འབྲུ་རིགས་ཐོན་འབབ་མང་བའི་རྫོང་ལ་བྱ་དགའ་སྤྲོད་ཚད་ཆེ་རུ་བཏང་ནས་ཞིང་ལས་ཐོན་རྫས་ལས་སྣོན་བྱེད་པའི་སྤྱོད་ས་དམིགས་བསལ་གྱིས་བཀོད་སྒྲིག་བྱེད་ དགོས།   འབྲུ་རིགས་ཐོན་འབབ་མང་བའི་རྫོང་གིས་ཚད་གཞི་མཐོ་བའི་ཞིང་ས་འཛུགས་སྐྲུན་བྱེད་པ་དང་གསར་སྣོན་རྨོ་ཞིང་གི་དམིགས་ཚད་ཞིང་ཆེན་ལས་བརྒལ་ཏེ་སྙོམ་སྒྲིག་བེད་སྤྱོད་བྱེད་པར་རྒྱབ་སྐྱོར་བྱས་ཏེ།  སྙོམ་སྒྲིག་ཡོང་འབབ་དག་གཏན་འཁེལ་ལྟར་ཚད་གཞི་མཐོ་བའི་ཞིང་ས་འཛུགས་སྐྲུན་བྱེད་པར་སྤྱོད་དགོས།   འབྲུ་རིགས་སྤུས་ལེགས་བཟོ་འགོད་ལག་བསྟར་གཏིང་ཟབ་བྱེད་དགོས།  བྱང་ཕྱོགས་ཀྱི་རོང་འབྲོག་སྣོལ་འདྲེས་ས་རྒྱུད་གཙོ་གནད་དུ་བཟུང་ནས་འབྲུ་རིགས་གཟན་ཆས་སུ་བསྒྱུར་བའི་གཞི་ཁྱོན་ཆེ་རུ་བཏང་སྟེ།  འདེབས་གསོ་ཟུང་འབྲེལ་བྱེད་སྟངས་ཁྱབ་སྤེལ་གཏོང་དགོས།   ཞིན་ཅང་གི་སྲིང་བལ་གྱི་དམིགས་ཚད་རིན་གོང་སྲིད་ཇུས་འཐུས་ཚང་དུ་གཏོང་དགོས།   སྣ་མང་ཅན་གྱི་ནང་འདྲེན་ཐབས་ལམ་རྒྱ་བསྐྱེད་པ་དང་།   རྒྱལ་ནང་གི་དགོས་མཁོ་དང་འཚམ་པའི་ཞིང་ལས་ཐོན་རྫས་ནང་འདྲེན་བྱེད་པའི་གྲངས་ཀ་མང་དུ་གཏོང་དགོས།   དགེ་མཚན་ལྡན་པའི་ཞིང་ལས་ཐོན་རྫས་ཕྱིར་གཏོང་བྱེད་རྒྱ་ཆེ་རུ་གཏོང་བ་དང་།   ཞིང་ལས་ཐོན་རྫས་ལྐོག་འདྲེན་ལ་ངོ་རྒོལ་བྱེད་པའི་ཕྱོགས་བསྡུས་བཅོས་སྐྱོང་གི་ཆེད་དོན་བྱ་འགུལ་གཏིང་ཟབ་ཏུ་སྤེལ་དགོས།

(བཅོ་ལྔ)ཕག་ཐོན་སྐྱེད་བྱེད་ཚད་གང་མགྱོགས་ཀྱིས་སླར་གསོ་བྱེད་དགོས།   ཕག་གི་ཐོན་འབབ་བརྟན་པོ་ཡོང་བ་དང་མཁོ་སྤྲོད་ལ་འགན་ལེན་བྱ་རྒྱུ་ནི་མིག་སྔའི་དཔལ་འབྱོར་ལས་དོན་གྱི་དོན་ཆེན་ཞིག་ཡིན་པས།  ཕྱོགས་བསྡུས་རང་བཞིན་གྱི་བྱེད་ཐབས་སྤྱད་དེ2020ལོའི་ལོ་མཇུག་བར་ཕག་གི་ཐོན་ནུས་གཞི་རྩའི་སྟེང་ལོ་འཁོར་མོའི་རྒྱུན་ལྡན་ཆུ་ཚད་དུ་བསླེབ་ཐུབ་པར་འགན་ལེན་བྱེད་དགོས།   “ཞིང་ཆེན་གྱིས་སྤྱིའི་འགན་འཁུར་བ”དོན་འཁྱོལ་དང་།   “ཚོད་སླེ”ལ་ཧྲི་ཀྲང་གིས་འགན་འཁུར་བའི་ལམ་ལུགས་ནན་འཛིན།  རྫོང་རིམ་པས་དངོས་འབེབས་དམ་འཛིན་བྱེད་པའི་འགན་འཁྲི་ཇེ་དྲག་ཏུ་གཏོང་བ་བཅས་བྱས་ཏེ།  ཕག་ཤ་མཁོ་སྤྲོད་བྱེད་པར་འགན་སྲུང་བྱེད་དགོས།   ཕག་གསོ་ར་བ་ཁ་སྣོན་བྱས་ཏེ་ཕག་ཕྲུག་གསོ་ཚད་ཇེ་མང་དུ་གཏོང་བ་དང་རིམས་ནད་འགོག་བཅོས་ཚོད་འཛིན་བྱེད་པ་གཉིས་ཟུང་འབྲེལ་སྒོས་རྒྱུན་འཁྱོངས་བྱས་ཏེ།  ཚད་ལྡན་ཅན་གྱི་ཕག་གསོ་གཞི་ཁྱོན་ཇེ་ཆེར་གཏོང་བར་སྐུལ་འདེད་གཏོང་དགོས།   ཕག་ཐ་ཐོར་དུ་གསོ་བའི་ཁྱིམ་ཚང་ཆུང་འབྲིང་གི་རིམས་འགོག་ཞབས་ཞུར་ཤུགས་བསྣན་ནས།  གཟན་ཆས་ཐོན་སྐྱེད་ལ་འགན་སྲུང་བྱེད་པའི་བྱ་བ་ལེགས་སྒྲུབ་བྱེད་དགོས།   ཕག་ཐོན་སྐྱེད་བྱེད་པའི་རོགས་སྐྱོར་སྲིད་ཇུས་དང་ བྱེད་ཐབས་སོ་སོ་ནན་ཏན་སྒོས་དངོས་འབེབས་བྱས་ཏེ།  ཁོར་ཡུག་དཔྱད་དཔག་དང་བཀོལ་སྤྱོད་ས་ཞིང་།   ཡིད་རྟོན་དངུལ་བུན་སོགས་ཀྱི་བཀག་རྒྱ་མེད་པར་བཟོ་དགོས།   ཕག་གསོ་བར་ཚོད་འཛིན་དང་ཕག་གསོ་རུ་མི་འཇུག་པའི་ས་ཁུལ་གང་འདོད་ཀྱིས་རྒྱ་བསྐྱེད་དེ།  “ཕག་མེད་གྲོང་ཁྱེར”དང“ཕག་མེད་རྫོང”སྐྲུན་པའི་གནད་དོན་ཡོ་བསྲང་བྱེད་དགོས།  ཧྥེ་གླིང་གི་ཕག་ནད་གནས་ཚུལ་གྱི་སྙན་ཞུའི་ལམ་ལུགས་དང་སྔོན་འགོག་ཚོད་འཛིན་བྱེད་ཐབས་ལག་བསྟར་ནན་མོ་བྱས་ཏེ་རིམས་འགོག་སྨན་ཁབ་ཞིབ་འཇུག་གསར་སྤེལ་བྱེད་པའི་འཕེལ་རིམ་ཇེ་མགྱོགས་སུ་གཏོང་དགོས།   སྲོག་ཆགས་ཀྱི་རིམས་འགོག་མ་ལག་འཛུགས་སྐྲུན་བྱེད་ཤུགས་ཆེ་རུ་གཏོང་བ་དང་།   རིམས་འགོག་མི་སྣ་དང་འགྲོ་གྲོན་འགན་སྲུང་དངོས་འབེབས་བྱེད་པ།   ཕག་གསོ་རྫོང་ཆེ་གྲས་ཀྱི་ཞང་གྲོང་ལ་སྲོག་ཆགས་ཀྱི་རིམས་འགོག་ཆེད་དམིགས་གདན་ཞུའི་འཆར་གཞི་ལག་བསྟར་བྱེད་དགོས།   ཕག་བཤའ་ས་དང་ལས་སྣོན་བྱེད་ས་དེ་གསོ་སྤེལ་གཅིག་སྡུད་ཁུལ་དུ་གནས་སྤོ་བྱ་རྒྱུར་ཁྲིད་སྟོན་བྱས་ཏེ།   ས་ཐག་རིང་པོར་ཕག་སྐྱེལ་འདྲེན་བྱེད་པ་རིམ་གྱིས་ཇེ་ཉུང་དུ་བཏང་ནས“ཕག་སྐྱེལ་བ”ནས“ཤ་སྐྱེལ་བ”ཡི་ཕྱོགས་སུ་བསྒྱུར་བར་སྐུལ་འདེད་གཏོང་དགོས།   ཚོང་རའི་ལྟ་ཞིབ་ཚད་ལེན་དང་སྙོམས་སྒྲིག་བྱེད་ཤུགས་ཆེ་རུ་གཏོང་བ་དང་།   ཕག་ཤའི་མཁོ་སྤྲོད་འགན་ལེན་དང་རིན་གོང་བརྟན་པོ་ཡོང་བའི་བྱ་བ་ལེགས་པོར་སྒྲུབ་པ།   ཚོང་རར་གཏོར་བརླག་གཏོང་བའི་བྱ་སྤྱོད་ལ་རྡུང་རྡེག་གཏོང་བ།   སྤྱི་ཚོགས་རོགས་སྐྱོབ་དང་འགན་སྲུང་ཚད་གཞི་དེ་དངོས་པོའི་རིན་གོང་འཕར་བ་དང་སྦྲེལ་བའི་མཉམ་འགུལ་ནང་རྐྱེན་དུས་ཐོག་ཏུ་སྤྱོད་པ་བཅས་བྱེད་དགོས།   འོ་མའི་ལས་རིགས་དང་བྱ་རིགས།   ནོར་ལུག་སོགས་ཀྱི་ཐོན་སྐྱེད་ལ་རྒྱབ་སྐྱོར་དང་།   ཤ་རིགས་འཛད་སྤྱོད་གྲུབ་ཚུལ་ཇེ་ལེགས་སུ་གཏོང་བར་ཁྲིད་སྟོན་བྱེད་དགོས།  ཆུ་ཐོན་དངོས་རྫས་ལྗང་མདོག་སྐྱོན་བྲལ་ངང་གསོ་སྤེལ་བྱེད་པར་སྐུལ་འདེད་གཏོང་བ་དང་།  ཉ་ལས་གྲུ་ཁ་འཛུགས་སྐྲུན་དང་དོ་དམ་བཅོས་སྒྱུར་བྱེད་པར་ཤུགས་སྣོན་དགོས།

(བཅུ་དྲུག)དེང་རབས་ཞིང་ལས་ཀྱི་སྒྲིག་བཀོད་འཛུགས་སྐྲུན་ལ་ཤུགས་སྣོན་དགོས།   དེང་རབས་ཞིང་ལས་དངུལ་གཏོང་གི་རྣམ་གྲངས་གལ་ཆེན་སྐོར་ཞིག་སྔ་མོ་ནས་འཆར་འགོད་དང་ལག་བསྟར་བྱས་ཏེ།   ལས་གཞི་སྔ་མོ་ནས་དངོས་འབེབས་བྱེད་པར་རྒྱབ་སྐྱོར་དང་ཞིང་ལས་ཐད་མ་དངུལ་གཏོང་ཚད་ཆེ་རུ་གཏོང་དགོས།   འབྲུ་རིགས་ཐོན་སྐྱེད་བྱེད་ནུས་ཁུལ་དང་ཞིང་ལས་ཐོན་རྫས་གལ་ཆེན་ཐོན་སྐྱེད་སྲུང་སྐྱོབ་ཁུལ་གཙོ་རུ་བཟུང་སྟེ་ཚད་མཐོའི་ཞིང་ས་འཛུགས་སྐྲུན་བྱེད་ཚད་ཇེ་མགྱོགས་སུ་གཏོང་དགོས།   འཛུགས་སྐྲུན་གྱི་འཆར་འགོད་བཟོ་བ་དང་།   ལུགས་མཐུན་ངང་མ་དངུལ་འཇོག་པའི་ཚད་གཞི་གཏན་འཁེལ་བྱེད་པ།   བཟོ་འགོད་འཛུགས་སྐྲུན་དང་།   ཞིབ་བཤེར་རྩིས་ལེན།   ལྟ་སྐུལ་ཞིབ་བཤེར་བཅས་ཀྱི་ནང་རྐྱེན་འཐུས་ཚང་དུ་གཏོང་བ་བཅས་བྱས་ཏེ།  འཛུགས་སྐྲུན་རེ་རེ་ལེགས་འགྲུབ་འབྱུང་བར་ཁག་ཐེག་ནན་ཏན་བྱེད་དགོས།  ཞིང་ཆུ་གཏོང་ཁུལ་ཆེ་འབྲིང་གི་མཐུད་སྐྲུན་ཆ་ཚང་སྒྲིག་ཆས་དང་ཆུ་གྲོན་ཆུང་གི་བསྒྱུར་བཀོད་བྱེད་ཚད་དུས་ལྟར་ལེགས་འགྲུབ་བྱེད་པ་དང་།   ཞོད་ཟོན་ཐན་འགོག་གི་ནུས་པ་ཆེ་རུ་གཏོང་བ།   ཞིང་ལས་ཀྱི་ཆུ་གྲོན་ཆུང་བྱེད་ཤུགས་ཆེ་རུ་གཏོང་བ་བཅས་བྱེད་དགོས།   ཆུ་བེད་བཟོ་འགོད་གལ་ཆེན་དང་ཆ་སྡེབ་སྒྲིག་བཀོད་ཁག་ཅིག་འཛུགས་སྐྲུན་བྱེད་མགོ་རྩོམ་པར་དམ་འཛིན་བྱས་ཏེ།   ལྷོ་ཆུ་བྱང་འདྲེན་གྱི་རྗེས་མཐུད་བཟོ་འགོད་ཀྱི་དུས་མགོའི་བྱ་བ་གང་མགྱོགས་ཀྱིས་སྤེལ་དགོས།   བཟོ་འགོད་འཛུགས་སྐྲུན་བྱེད་པར་དུས་ཐོག་ཏུ་སྐུལ་འདེད་གཏོང་དགོས།   ཞིང་ལས་ཐོན་རྫས་མཛོད་ཁང་དུ་འཁྱག་གསོས་ཉར་ཚགས་དང་དངོས་ཟོག་སྐྱེལ་འདྲེན་སྒྲིག་བཀོད་འཛུགས་སྐྲུན་གྱི་བཟོ་འགོད་མགོ་རྩོམ་དགོས།   ཞིང་ལས་ཐོན་རྫས་འཁྱག་གསོས་ཉར་ཚགས་དང་དངོས་ཟོག་སྐྱེལ་འདྲེན་བྱེད་པར་གཅིག་གྱུར་འཆར་འགོད་དང་།   རིམ་བགོས་བཀོད་སྒྲིག་ཚད་གཞི་གཏན་འབེབས་བྱེད་པར་ཤུགས་སྣོན་དགོས།   ཀྲུང་དབྱང་གི་སྔོན་རྩིས་ནང་དུ་དངུལ་གཏོང་བཀོད་སྒྲིག་བྱས་ཏེ།   རྐང་འཛིན་འཁྱག་གསོས་ཉར་ཚགས་དང་དངོས་ཟོག་སྐྱེལ་འདྲེན་རྟེན་གཞི་ཁག་ཅིག་བསྐྲུན་པར་རྒྱབ་སྐྱོར་བྱེད་དགོས།   ཁྱིམ་ཚང་གི་ཞིང་ར་དང་།   ཞིང་པའི་མཉམ་ལས་ཁང་།   མཁོ་འཚོང་མཉམ་ལས་ཁང་།   སྦྲག་སྲིད་མྱུར་སྐྱེལ་ཁེ་ལས།   ཐོན་ལས་ཅན་གྱི་སྣེ་འདྲེན་ཁེ་ལས་བཅས་ཀྱིས་ཐོན་ཡུལ་དབྱེ་འབྱེད་ཐུམ་སྒྲིལ་དང་།   གང་ཉར་སོས་ཉར།   བཀར་འཇུག་སྐྱེལ་འདྲེན།   ཐོག་མའི་ལས་སྣོན་སོགས་ཀྱི་སྒྲིག་བཀོད་འཛུགས་སྐྲུན་བྱེད་པར་རྒྱལ་ཁབ་ཀྱིས་རྒྱབ་སྐྱོར་བྱེད་པ་དང་།   དེས་ཞིང་སྡེ་རུ་སྐྲུན་པའི་འཁྱག་གསོས་ཉར་ཚགས་སྒྲིག་བཀོད་འཛུགས་སྐྲུན་ཐད་སྤྱད་པའི་གློག་རིན་ནི་ཞིང་ལས་ཐོན་སྐྱེད་གློག་རིན་ལྟར་བསྡུ་དགོས།   ད་ཡོད་ཀྱི་ཐོན་ཁུངས་ལ་བརྟེན་ནས་ཞིང་ལས་དང་ཞིང་སྡེའི་གཞི་གྲངས་ཆེན་མོའི་ལྟེ་གནས་འཛུགས་སྐྲུན་བྱེད་པ་དང་།   ཟོག་སྦྲེལ་དྲ་བ་དང་།   གཞི་གྲངས་ཆེན་མོ།   ས་ཁུལ་འབྲེལ་མཐུད།   མིས་བཟོས་རིག་ནུས།   སྤོ་སྒུལ་འཕྲིན་གཏོང་དྲ་རྒྱ་རབས་ལྔ་པ།   རིག་ལྡན་གནམ་གཤིས་སོགས་ཀྱི་དེང་རབས་ཆ་འཕྲིན་ལག་རྩལ་དག་ཞིང་ལས་ཁྱབ་ཁོངས་སུ་བེད་སྤྱོད་བྱེད་ཚད་ཇེ་མགྱོགས་སུ་གཏོང་དགོས།   རྒྱལ་ཁབ་ཨང་གྲངས་ཞིང་སྡེའི་ཚོད་ལྟའི་ཁུལ་འཛུགས་དགོས།

(བཅུ་བདུན)དམངས་ཕྱུག་ཞིང་སྡེའི་ཐོན་ལས་འཕེལ་རྒྱས་གཏོང་དགོས།   ས་གནས་སོ་སོས་ཐོན་ཁུངས་ཀྱི་ཁྱད་སྟོབས་ལ་རྐང་བཙུགས་ནས་སོ་སོའི་ཁྱད་ཆོས་འཛོམས་པའི་ཞིང་ལས་ཡོངས་རྫོགས་ཐོན་ལས་མུ་སྦྲེལ་ཅན་དུ་བསྐྲུན་པར་རྒྱབ་སྐྱོར་བྱེད་པ་དང་།   ཞིང་པས་ཐོན་ལས་མུ་སྦྲེལ་ཅན་གྱི་རིན་འཕར་ཁེ་ཕན་ལོངས་སྤྱོད་པའི་སྒྲིག་སྲོལ་འཐུས་ཚང་དུ་བཏང་སྟེ།   འགན་རྩོད་ནུས་པ་ཡོད་པའི་ཐོན་ལས་ཁྱུ་ཚོགས་འགྲུབ་པར་བྱེད་པ་དང་།   ཞིང་སྡེའི་ཐོན་ལས་དང་པོ་དང་གཉིས་པ་གསུམ་པ་མཉམ་འདྲེས་འཕེལ་རྒྱས་ཡོང་བར་སྐུལ་འདེད་གཏོང་དགོས།   མགྱོགས་མྱུར་ངང་རྒྱལ་ཁབ་དང་།  ཞིང་ཆེན།   གྲོང་ཁྱེར།   རྫོང་བཅས་ཀྱི་དེང་རབས་ཞིང་ལས་ཐོན་ལས་གླིང་འཛུགས་པ་དང་།   ཞིང་སྡེའི་ཐོན་ལས་མཉམ་འདྲེས་འཕེལ་རྒྱས་ཀྱི་དཔེ་སྟོན་གླིང་འཛུགས་པར་རྒྱབ་སྐྱོར་བྱེད་པ།   ཞིང་སྡེའི“གསར་གཏོད་གཉིས”ཀྱི་རྟེན་གཞི་ལེགས་པར་སྒྲུབ་པ་བཅས་བྱེད་དགོས།   ཁྱིམ་ཚང་ཞིང་ར་དང་།   ཞིང་པའི་མཉམ་ལས་ཁང་སོགས་གསར་དར་ཞིང་ལས་བདག་གཉེར་གཙོ་གཞི་གཙོ་གནད་དུ་བཟུང་ནས་འཛུགས་སྐྲུན་བྱེད་པ་དང་།   ཞིང་ལས་ཐོན་ལས་ཅན་གྱི་མཉམ་འབྲེལ་ལྷན་གཞི་འཛུགས་སྐྱོང་བྱེད་པ།   མངགས་ཉོའི་ཞིང་ལས་དང་།   མ་རྐང་དུ་ཞུགས་ནས་ཁེ་སྤོགས་བགོ་བ།   ཚབ་གཉེར་ཞབས་ཞུ་སོགས་ཀྱི་བྱེད་ཐབས་སྤྱད་དེ།   ཞིང་ཁྱིམ་ཆུང་བ་ཞིང་ལས་ཐོན་ལས་མུ་སྦྲེལ་ཅན་དུ་འདྲེས་སུ་འཇུག་དགོས།   མུ་མཐུད་དུ་ཞིང་ལས་ཀྱི་གྲུབ་ཚུལ་སྙོམ་སྒྲིག་ལེགས་བསྒྱུར་བྱེད་དགོས་ལ།   ལྗང་མདོག་ཟས་རིགས་དང་།   སྐྱེ་ལྡན་ཞིང་ལས་ཐོན་རྫས།   ས་ཁམས་རྟགས་མཚན་ཡོད་པའི་ཞིང་ལས་ཐོན་རྫས་ཀྱི་བདེན་དཔང་དང་དོ་དམ་ལ་ཤུགས་བསྣན་ནས།   ས་གནས་ཀྱི་མིང་གྲགས་ལྡན་པའི་ཞིང་ལས་ཐོན་རྫས་ཀྱི་ཟོང་རྟགས་གྲགས་ཅན་བསྐྲུན་པ།   སྤུས་ལེགས་ལྗང་མདོག་ཞིང་ལས་ཐོན་རྫས་ཀྱི་མཁོ་འདོན་ཇེ་མང་དུ་གཏོང་དགོས།  ཞིང་སྡེའི་ཚོང་རའི་སྒོ་འབྱེད་ནུས་ལྡན་བྱེད་པ་དང་།   གློག་རྡུལ་ཚོང་ལས་ཞིང་སྡེར་བསྐྱོད་པའི་ཁེབས་རྒྱ་བསྐྱེད་པ།   མཁོ་ཚོང་མཉམ་ལས་ཁང་དང་།  སྦྲག་སྲིད་མྱུར་སྐྱེལ་དང་ཁེ་ལས་སོགས་ཞིང་སྡེའི་དངོས་དབོར་ཞབས་ཞུ་དྲ་རྒྱའི་ཐོག་རྒྱ་བསྐྱེད་པར་རྒྱབ་སྐྱོར་བྱེད་པ།   སྡེ་བ་རིམ་པའི་གློག་རྡུལ་ཚོང་དོན་ཞབས་ཞུ་ས་ཚིགས་འཛུགས་སྐྲུན་ལ་ཤུགས་སྣོན་པ།   ཞིང་ལས་ཐོན་རྫས་གྲོང་ཁྱེར་དུ་བསྐྱོད་པ་དང་།   བཟོ་ལས་ཐོན་རྫས་ཞིང་སྡེ་རུ་བསྐྱོད་པའི་ཕྱོགས་གཉིས་འཁོར་རྒྱུག་ལ་སྐུལ་འདེད་གཏོང་དགོས།   ཞིང་ལས་ཐོན་རྫས་ཀྱི་སྤུས་ཀའི་བདེ་འཇགས་དང་ཟས་རིགས་བདེ་འཇགས་ལ་ལྟ་སྐུལ་དོ་དམ་བྱེད་པའི་གོ་རིམ་ཧྲིལ་པོར་ཤུགས་བསྣན་ནས།   ཁུངས་འདེད་མ་ལག་འཐུས་ཚང་བསྐྲུན་པ་དང་།   མི་དམངས་མང་ཚོགས་ཀྱི“ལྕེ་རྩེའི་བདེ་ འཇགས”ལ་ཁག་ཐེག་ནན་མོ་བྱེད་དགོས།  བཟོ་ཚོང་མ་རྩ་ཞིང་སྡེ་རུ་བསྐྱོད་པར་ཁྲིད་སྟོན་དང་སྐུལ་མ་བྱེད་དགོས་ལ།   ཁེ་ལས་པའི་ཁྲིམས་མཐུན་ཁེ་དབང་དངོས་གནས་སྲུང་སྐྱོབ་བྱེད་དགོས།   ཞིང་ལས་དང་འབྲེལ་ཡོད་ཐོན་ལས་ཀྱི་སྡོམ་རྩིས་རིགས་དབྱེ་གཏན་འཁེལ་བྱེད་དགོས་པར་མ་ཟད་སྡོམ་རྩིས་ཞིབ་བཤེར་ལ་ཤུགས་སྣོན་པ་དང་།   ཞིང་ལས་ཐོན་སྐྱེད་དང་།   ལས་སྣོན།   སྐྱེལ་འདྲེན་ཚོང་གཉེར།   ཞབས་ཞུ་སོགས་ཐོན་ལས་སྦྲེལ་ཐག་ཡོངས་ཀྱི་རིན་ཐང་ཁྱོན་ཡོངས་ནས་ལེགས་པར་མཚོན་དགོས།

(བཅོ་བརྒྱད) ཞིང་པ་ཞོར་ལས་པའི་ལས་ཞུགས་བརྟན་འཇགས་སུ་གཏོང་དགོས།   ཁེ་ལས་དང་འབྲེལ་བའི་ཁྲལ་གཅོག་རིན་ཕབ་སོགས་རྒྱབ་སྐྱོར་སྲིད་ཇུས་དངོས་འབེབས་དོན་ འཁྱོལ་བྱེད་དགོས་ལ།   ཁེ་སྐྱོར་ལས་བརྟན་བྱ་བའི་སྒྲུབ་ཤུགས་ཇེ་དྲག་ཏུ་གཏོང་བ།   ལས་ཤོར་འགན་སྲུང་དང་ལས་བརྟན་ཕྱིར་སློག་རེ་ཞུའི་ཆ་རྐྱེན་ལྷོད་ཡངས་སུ་གཏོང་བ།   ཞིང་པ་ཞོར་ལས་པའི་རྩལ་ནུས་མཐོར་འདེགས་ཀྱི་ཁ་གསབ་ཚད་གཞི་ཇེ་མཐོར་གཏོང་དགོས།   ཞིང་པ་ཞོར་ལས་པས་ལས་ཀ་ཤོར་རྗེས།   རྒྱུན་སྡོད་ས་གནས་སུ་ལས་ཤོར་ཐོ་འགོད་བྱེད་ཆོག་པ་དང་།   འདྲ་མཉམ་ཅན་གྱི་སྤྱི་པའི་ལས་ཞུགས་ཞབས་ཞུ་ལོངས་སུ་སྤྱད་ཆོག ཞིང་པ་ཞོར་ལས་པའི་ཟླ་ཕོགས་སྟེར་བའི་སྲོལ་ཡིག་འདོན་པ་དང་དོན་འཁྱོལ་བྱེད་དགོས།   སྲིད་གཞུང་གི་དངུལ་གཏོང་ལས་གཞི་དང་བཟོ་འགོད་འཛུགས་སྐྲུན་ཁྱབ་ཁོངས་གཙོ་གནད་དུ་བཟུང་ནས།   ཞིང་པ་ཞོར་ལས་པའི་ཟླ་ཕོགས་སྤྲད་པའི་གནས་ཚུལ་ལ་ཞིབ་བཤེར་དག་ཐེར་གྱི་བྱ་འགུལ་སྤེལ་བ་དང་།   ཞིང་པ་ཞོར་ལས་པའི་ཟླ་ཕོགས་འགོར་འགངས་བྱས་པའི“མིང་ཐོ་ནག་པོ”ཡི་ལམ་ལུགས་ལག་བསྟར་བྱེད་དགོས་པ་དང་།   ཟླ་ཕོགས་ཆད་པ་རྩ་བ་ནས་བཅོས་པའི་བྱེད་ཐབས་སྣ་ཚོགས་དངོས་འབེབས་དོན་འཁྱོལ་བྱེད་དགོས།   ཁྱིམ་སྲིད་ཞབས་ཞུ་དང་རྒན་གསོ་བདག་སྐྱོང་།   སྨན་ཁང་ལྟ་སྐྱོང་།   བཟའ་བཏུང་གཡོས་སྦྱོར།   གློག་རྡུལ་ཚོང་ལས་སོགས་ཀྱི་རྩལ་ནུས་གསོ་སྦྱོང་ལག་བསྟར་བྱས་ཏེ།  ས་ཁོངས་རང་བཞིན་གྱི་ངལ་རྩོལ་ཟོང་རྟགས་བསྐྲུན་དགོས།   ས་གནས་ནས་ཞིང་སྡེ་ཀྱི་གད་དར་པ་དང་།   ཆུའི་དོ་དམ་པ།   ལམ་སྲུང་སྐྱོང་པ།   སྐྱེ་ཁམས་ནགས་སྲུང་པ་སོགས་སྤྱི་ཕན་རང་བཞིན་གྱི་ལས་གནས་འཛུགས་པར་སྐུལ་འདེད་གཏོང་དགོས།   ལས་རྣམ་གསར་པའི་ལས་གཉེར་མི་སྣའི་ལས་རིགས་གནོད་འཚེའི་འགན་སྲུང་ཚོད་ལྟ་བྱེད་ཡུལ་བསྒྲུབ་དགོས།   ཞིང་སྡེའི་གསར་གཏོད་ལས་སྐྲུན་གྱི་སྣེ་ཁྲིད་མི་སྣ་སྐྱེད་སྲིང་འགུལ་སྐྱོད་ལག་བསྟར་གཏིང་ཟབ་བྱེད་དགོས་ཤིང་།   ཆ་རྐྱེན་དང་མཐུན་པའི་ཕྱིར་ཕ་ཡུལ་དུ་ལོག་པའི་ལས་སྐྲུན་ཞིང་པ་ཞོར་ལས་པ་རྣམས་ཐེངས་གཅིག་རང་བཞིན་གྱི་ལས་སྐྲུན་ཁ་གསབ་སྤྲོད་པའི་ཁྱབ་ཁོངས་སུ་འཇོག་དགོས།

བཞི་པ།   ཞིང་སྡེའི་གཞི་རིམ་བཅོས་སྐྱོང་ལ་ཤུགས་སྣོན་དགོས།

(བཅུ་དགུ)ཏང་རྩ་འཛུགས་ཀྱི་མགོ་ཁྲིད་བྱེད་ནུས་འདོན་སྤེལ་གང་ལེགས་བྱེད་དགོས།   ཞིང་སྡེའི་གཞི་རིམ་ཏང་རྩ་འཛུགས་ནི་ཏང་གིས་ཞིང་སྡེའི་བྱ་བ་ཡོངས་རྫོགས་དང་འཐབ་འཛིང་ནུས་ཤུགས་ཀྱི་རྨང་གཞི་ཡིན།   《ཀྲུང་གོ་གུང་ཁྲན་ཏང་གི་ཞིང་སྡེའི་གཞི་རིམ་རྩ་འཛུགས་བྱ་བའི་སྲོལ་ཡིག》ནན་ཏན་གྱིས་དངོས་འབེབས་བྱེད་དགོས་པ་དང་།   མང་ཚོགས་རྩ་འཛུགས་བྱས་ཏེ་ཞིང་སྡེའི་ཐོན་ལས་འཕེལ་རྒྱས་གཏོང་བ།   ཐུན་མོང་དཔལ་འབྱོར་གྱི་དངོས་ཤུགས་ཇེ་དྲག་ཏུ་གཏོང་བ།   མང་ཚོགས་ཀྱི་སྣེ་ཁྲིད་དེ་མཉམ་དུ་ཕྱུག་བསྒྱུར་བྱེད་དགོས།   མང་ཚོགས་ལ་སྐུལ་སློང་བྱས་ཏེ་ཞིང་སྡེ་བཅོས་སྐྱོང་ལ་ཞུགས་པ།   བདག་པོའི་འདུ་ཤེས་ཇེ་དྲག་ཏུ་གཏོང་བ།   ཞིང་སྡེའི་འཆམ་མཐུན་བརྟན་འཇགས་སྲུང་སྐྱོང་བྱེད་པ།   མང་ཚོགས་ལ་སློབ་གསོ་དང་ཁྲིད་སྟོན་བྱས་ཏེ་སྲོལ་རྙིང་སྲོལ་ངན་མེད་པར་གཏོང་བ།   སྤྱི་པའི་སྒྲིག་རིམ་གྱི་སྲོལ་བཟང་དར་སྤེལ་གཏོང་བ།   དཔལ་ཡོན་ཡུལ་སྲོལ་སྐྱེད་སྲིང་བྱེད་པ།   མང་ཚོགས་ལ་འབྲེལ་བ་དམ་ཟབ་བྱེད་པ།   མང་ཚོགས་ལ་ཞབས་ཞུ་བྱེད་པའི་ནུས་པ་ཇེ་མཐོར་གཏོང་བ།   མང་ཚོགས་ལ་ཏང་གི་ཉེ་འཁོར་དུ་མཐུན་སྒྲིལ་དམ་པོ་བྱེད་དུ་འཇུག་པ།   ཏང་གི་ཞིང་སྡེ་ཡི་སྲིད་འཛིན་རྨང་གཞི་བརྟན་པོར་གཏོང་དགོས།   ཁྱོན་ཡོངས་ནས་སྡེ་བའི་ཏང་རྩ་འཛུགས་ཀྱི་ཧྲུའུ་ཅིར་རྫོང་རིམ་པའི་ཏང་ཨུས་ཐོ་འགོད་དོ་དམ་བྱེད་པའི་ལམ་ལུགས་དངོས་འབེབས་དོན་འཁྱོལ་བྱེད་དགོས་པ་དང་།  སྡེ་བའི“ཨུ་ཡོན་ལྷན་ཁང་གཉིས”ཀྱི་ཁོངས་མིར་རྫོང་རིམ་པའི་མཉམ་བཤེར་རྒྱུན་རྣམ་ཅན་གྱི་ནང་རྐྱེན་འཛུགས་པ་དང་།   མུ་མཐུད་དུ་གཉོམ་ཞན་ཁ་འཐོར་གྱི་སྡེ་བའི་ཏང་རྩ་འཛུགས་དག་ཐེར་བྱས་ཏེ།   ཏང་རྩ་འཛུགས་ཀྱི་ཞིང་སྡེའི་རྩ་འཛུགས་སྣ་ཚོགས་ཁྲོད་ཀྱི་མགོ་ཁྲིད་ནུས་པ་འདོན་སྤེལ་བྱེད་དགོས།   སྡེ་བའི་ཏང་རྩ་འཛུགས་ཀྱི་ཧྲུའུ་ཅི་ལ་ལྟ་སྐུལ་དོ་དམ་གཟབ་ནན་དུ་གཏོང་བ།   ཏང་ཨུའི་རྩ་འཛུགས་སྡེ་ཁག་གི་སྣེ་ཁྲིད་མཐུན་སྦྱོར་འཛུགས་པ་དང་འཐུས་ཚང་དུ་གཏོང་བ།   དམངས་སྲིད་དང་ཞིང་ལས་ཞིང་སྡེ་སོགས་སྡེ་ཁག་དག་མཉམ་དུ་ཞུགས་ཏེ།   མཛུབ་སྟོན་བྱེད་པའི་སྡེ་དོན་ལྟ་སྐུལ་ནང་རྐྱེན་ལ་ཤུགས་སྣོན་པ།   “གྲོས་བསྡུར་བཞི་དང་ཡོངས་བསྒྲགས་གཉིས”ཁྱོན་ཡོངས་ནས་ལག་བསྟར་བྱེད་དགོས་ལ།   ཞིང་སྡེའི་གཞི་རིམ་སྐོར་ཞིབ་ཀྱི་བྱ་བ་སྒྲུབ་པར་ཤུགས་སྣོན་དགོས།   གཞི་རིམ་སྒྲིག་བཤེར་ལྟ་ཞིབ་རྩ་འཛུགས་དང་སྡེ་དོན་ལྟ་སྐུལ་ཨུ་ཡོན་ལྷན་ཁང་གི་འབྲེལ་གཏུག་མཉམ་ལས་ལ་ཤུགས་སྣོན་དང་།   ནུས་ལྡན་སྦྲེལ་མཐུད་བྱེད་པ།   ལྟ་སྐུལ་མཉམ་ཤུགས་ཆགས་པར་བྱེད་དགོས།   ན་གཞོན་ཞིང་བའི་ཁྲོད་ནས་ཏང་ཡོན་འཕེལ་རྒྱས་གཏོང་བར་ཤུགས་སྣོན་དགོས།   མུ་མཐུད་དུ་དབུལ་ཕོངས་སྡེ་བ་དང་གཉོམ་ཞན་ཁ་ཐོར་གྱི་སྡེ་བ།   ཐུན་མོང་དཔལ་འབྱོར་ཞན་པའི་སྡེ་བ་བཅས་ལ་ཧྲུའུ་ཅི་དང་པོ་མངགས་ནས་སྡེ་སྡོད་བྱེད་དུ་འཇུག་དགོས།   སྡེ་བ་རིམ་པའི་རྩ་འཛུགས་འཁོར་རྒྱུག་གི་གྲོན་དངུལ་འགན་སྲུང་ལ་ཤུགས་སྣོན་དགོས།   སྡེ་བའི་ལས་བྱེད་པའི་ལས་སྒྲུབ་ལས་སྐྲུན་ལ་སྐུལ་ལྕག་བྱེད་པའི་ནང་རྐྱེན་འཐུས་ཚང་དུ་གཏོང་དགོས།   ཞང་དང་གྲོང་རྡལ་གྱི་མགོ་ཁྲིད་ཚན་ཁག་དང་སྒོས་སུ་ཞང་དང་གྲོང་རྡལ་གྱི་ཏང་ཨུའི་ཧྲུའུ་ཅི་ལེགས་འདེམ་བཀོད་སྒྲིག་བྱེད་དགོས།   ཞིང་སྡེ་རུ“ཏང་གི་གསུང་ལ་ཉན་པ་དང་།   ཏང་གི་དྲིན་ཚོར་བ།   ཏང་གི་རྗེས་སུ་འབྲང་བ”ཡི་སྒྲོག་འགྲེལ་བྱ་འགུལ་སྤེལ་དགོས།

(ཉི་ཤུ) ཞིང་སྡེ་བཅོས་སྐྱོང་གི་བྱ་བའི་མ་ལག་འཐུས་ཚང་དུ་གཏོང་དགོས།  རྫོང་དང་ཞང་། སྡེ་བ་གསུམ་མཉམ་འགུལ་རྒྱུན་འཁྱོངས་བྱས་ཏེ།  སྤྱི་ཚོགས་བཅོས་སྐྱོང་དང་ཞབས་ཞུའི་གཙོ་ཤུགས་གཞི་རིམ་དུ་སྤོ་བར་སྐུལ་འདེད་གཏོང་དགོས།   སྔར་ལས་མང་བའི་ཐོན་ཁུངས་ཞང་དང་གྲོང་རྡལ། སྡེ་བར་ཕྱོགས་ནས།   ཞིང་སྡེ་བཅོས་སྐྱོང་གི་ཕན་ནུས་ཇེ་མཐོར་གཏོང་དགོས།   རྫོང་རིམ་པ་ནི“འཐབ་ཕྱོགས་དང་པོའི་ཐོག་གི་བཀོད་འདོམས་པུའུ”ཡིན་ལ།   གཅིག་གྱུར་འཆར་འགོད་ལ་ཤུགས་སྣོན་དང་།   མགོ་ཁྲིད་འགན་འཁྲི་དོན་འཁྱོལ་བྱེད་པ།   གཞི་རིམ་ཤུགས་ཆེར་འཛིན་པའི་བྱ་བའི་ཁྲིད་ཕྱོགས་ཇེ་དྲག་ཏུ་གཏོང་བ་དང་།  མང་ཚོགས་ཀྱི་བྱ་བ་སྒྲུབ་པའི་ནུས་པ་ཇེ་དྲག་ཏུ་གཏོང་དགོས།   རྫོང་རིམ་པའི་མགོ་ཁྲིད་ལས་བྱེད་པ་དང་རྫོང་ཐད་གཏོགས་སྡེ་ཁག་གི་འགན་ཁུར་པ་གཙོ་བོས་སྡེ་བ་འགན་ལེན་གྱི་ལམ་ལུགས་འཛུགས་དགོས།   ཞང་དང་གྲོང་རྡལ་ནི་ཞིང་པར་ཞབས་ཞུ་སྒྲུབ་སའི་ལྟེ་གནས་ཡིན་ལ།   དོ་དམ་ཞབས་ཞུར་ཤུགས་སྣོན་དང་ཞིབ་བཤེར་ཆོག་མཆན།   ཞབས་ཞུ།   ཁྲིམས་བསྟར་སོགས་ཀྱི་ཕྱོགས་ནས་སྟོབས་ཤུགས་གཅིག་བསྡུས་བྱེད་པ་དང་།   གཅིག་གྱུར་དོ་དམ་གྱི་ཞབས་ཞུའི་སྟེགས་བུ་འཐུས་ཚང་བསྐྲུན་པ།   ས་ཚིགས་གཅིག་ནས་ལས་སྒྲུབ་བྱེད་པ་མངོན་འགྱུར་བྱེད་དགོས།   ཞིང་སྡེའི་སྡོད་གནས་ཁོར་ཡུག་བཅོས་སྐྱོང་དང་གཞིས་ས་དོ་དམ།   ཐུན་མོང་མ་རྩའི་དོ་དམ།   དམངས་འཚོ་འགན་སྲུང་།   སྤྱི་ཚོགས་ཞབས་ཞུ་སོགས་བྱ་བའི་སྟོབས་ཤུགས་འཛོམས་པོར་གཏོང་དགོས།   སྲིད་འཛིན་སྡེ་བ་ནི་གཞི་རྩའི་བཅོས་སྐྱོང་སྡེ་ཚན་ཡིན་ཞིང་།   རང་ཉིད་ལ་དོ་དམ་དང་རང་ཉིད་ལ་ཞབས་ཞུ།   རང་ཉིད་ལ་སློབ་གསོ།   རང་ཉིད་ལ་ལྟ་སྐུལ་བྱེད་པ་བཅས་ལ་ཤུགས་བསྣན་ཏེ།   གཞི་རིམ་གྱི་དམངས་གཙོའི་ལམ་ལུགས་འཐུས་ཚང་དུ་གཏོང་དགོས་ལ།   སྡེ་སྲོལ་དམངས་ཆིངས་ཁ་ཚང་དུ་གཏོང་བ་དང་།   སྡེ་དམངས་རང་སྐྱོང་དེ་ལམ་ལུགས་ཅན་དང་ཚད་ལྡན་ཅན།   གོ་རིམ་ཅན་དུ་འགྱུར་བར་སྐུལ་འདེད་བྱེད་དགོས།   ཏན་ཏན་ཏིག་ཏིག་སྒོས་རང་སྐྱོང་དང་   ཁྲིམས་སྐྱོང་།   སྤྱོད་སྐྱོང་བཅས་ཟུང་འབྲེལ་བྱེད་པའི་ཞིང་སྡེའི་བཅོས་སྐྱོང་མ་ལག་འཛུགས་སྐྲུན་གྱི་ཚོད་ལྟ་བྱེད་གནས་དཔེ་སྟོན་གྱི་བྱ་འགུལ་སྤེལ་ཏེ།   ཞིང་སྡེ་བཅོས་སྐྱོང་གི་གསར་གཏོད་རང་བཞིན་གྱི་དཔེ་མཚོན་དཔེ་གཞིའི་ཉམས་མྱོང་ཁྱབ་སྤེལ་གཏོང་དགོས།   ཁྱིམ་ཚང་དང་ཁྱིམ་ཚང་སློབ་གསོ།  ཁྱིམ་སྲོལ་བཅས་ཀྱིས་ཞིང་སྡེ་བཅོས་སྐྱོང་གི་ཁྲོད་བྱེད་ནུས་གལ་ཆེན་འདོན་པར་གཙིགས་འཛིན་བྱེད་དགོས།

(ཉེར་གཅིག)ཞིང་སྡེའི་འགལ་བ་དང་རྩོད་གླེང་འདུམ་འགྲིག་བྱེད་དགོས།   དུས་ རབས་གསར་པའི“ཧྥེང་ཆའོ་ཉམས་མྱོང”རྒྱུན་འཁྱོངས་དང་འཕེལ་རྒྱས་བཏང་སྟེ།   སྔར་ལས་ལྷག་པའི་སྒོ་ནས་མི་དམངས་འདུམ་སྒྲིག་བྱ་བར་ཤུགས་སྣོན་དགོས་ལ།   དོན་ཆུང་སྡེ་བ་ནས་ཐག་གཅོད་པ་དང་དོན་ཆེན་ཞང་ནས་ཐག་གཅོད་པ།   འགལ་བ་གོང་ལ་སྤྲོད་མི་དགོས་པ་ཞིག་བསྒྲུབ་ཐུབ་དགོས།   ཞིང་པ་མང་ཚོགས་ཀྱི་རེ་འདུན་བཤད་སའི་རྒྱུ་ལམ་ཤར་གཏོང་བྱེད་དགོས་ལ།   དུས་ཐོག་ཏུ་ཞིང་པ་མང་ཚོགས་ཀྱི་ལུགས་མཐུན་རེ་འདུན་ཐག་གཅོད་ཡག་པོ་བྱེད་དགོས།   མུ་མཐུད་དུ་ཞིང་པའི་ཁེ་ཕན་ལ་གནོད་པའི་བྱ་སྤྱོད་ལ་དག་ཐེར་ལེགས་བཅོས་བྱེད་དགོས་ཤིང་།   ས་ཞིང་འགན་གཙང་ལེན་དང་ཞིང་ས་སྡུད་ལེན་བཤིག་སྤོ།   ཞིང་པ་ཞོར་ལས་པའི་གླ་ཕོགས།   ཁོར་ཡུག་སྦགས་བཙོག་སོགས་ཀྱི་ཕྱོགས་སུ་གནས་པའི་འགལ་བ་འོས་འཚམ་སྒོས་ཞི་ལྷོད་དུ་གཏོང་དགོས།   མགོ་ཁྲིད་ལས་བྱེད་པ་དང་ཁྱད་པར་དུ་གྲོང་ཁྱེར་དང་རྫོང་གི་མགོ་ཁྲིད་ལས་བྱེད་པ་དུས་ལྟར་གཞི་རིམ་དུ་སོང་ནས་ངོ་གཏུག་དང་ལེན་གྱི་ལམ་ལུགས་སྐུལ་སྤེལ་བྱེད་དགོས་ལ།   འཕྲིན་བསྐུར་ངོ་གཏུག་གི་སྤུངས་གསོག་གྱོད་དོན་ཧུར་ཐག་སྒོས་འདུམ་པར་བྱེད་དགོས།   “སྡེ་བ་རེ་ལ་བཅའ་ཁྲིམས་བློ་འདོན་པ་རེ”ཡི་རྣམ་པ་མང་བའི་བཅའ་ཁྲིམས་ཞབས་ཞུ་རྩ་འཛུགས་ཡོད་པའི་སྒོ་ནས་སྤེལ་དགོས།  ཞིང་པའི་རྩ་བའི་ཁེ་ཕན་དང་ཐད་ཀར་འབྲེལ་བ་ཡོད་པ་དང་།   སྤྱི་ཚོགས་བརྟན་བརླིང་གི་ཉེན་ཁ་འབྱུང་སླ་བའི་གཙོ་གནད་ཇུས་ཆོད་དོན་ཚན་ལ་སྔོན་ནས་ཉེན་ཁའི་དཔྱད་དཔག་བྱེད་དགོས།

(ཉེར་གཉིས)བདེ་འཇགས་ཞིང་སྡེ་འཛུགས་སྐྲུན་ལ་སྐུལ་འདེད་གཏིང་ཟབ་བྱེད་ དགོས།   ནག་འཇོམས་ངན་སེལ་ཆེད་དམིགས་འཐབ་རྩོད་གཏིང་ཟབ་ཏུ་སྤེལ་བར་སྐུལ་འདེད་བྱེད་དགོས།   ཁྲིམས་འགལ་སྒོས་ཞིང་སྡེའི་ཐུན་མོང་རྒྱུ་ནོར་དང་དབུལ་སྐྱོར་ཞིང་ཕན་མ་རྩ་བཙན་བཟུང།  ཞིང་སྡེའི་བུད་མེད་དང་བྱིས་པའི་མི་ལུས་ཁེ་དབང་སོགས་ལ་གནོད་འཚེ་གཏོང་བའི་ཁྲིམས་འགལ་ཉེས་སྤྱོད་ལ་རྡུང་རྡེག་ནན་མོ་གཏོང་དགོས་ལ།   རུལ་རྒོལ་འཐབ་རྩོད་དང་གཞི་རིམ་གྱི“སྦྲང་རྡུང”ལ་སྐུལ་འདེད་དང་།   “སྡེ་བའི་བཙན་བདག”ལ་སྔོན་འགོག་དང་དག་ཐེར་བྱེད་པའི་ཡུན་ཕན་ནང་རྐྱེན་འཛུགས་དགོས།   ཞིང་སྡེའི་ཆོས་ལུགས་ལས་དོན་ལ་ཁྲིམས་ལྟར་དོ་དམ་དང་ཁྲིམས་མཐུན་མིན་པའི་ཆོས་ལུགས་བྱ་འགུལ་བཀག་འགོག  ལོག་ཆོས་ཞིང་སྡེར་སིམ་འཛུལ་བྱེད་པར་འགོག་ཟོན་བྱས་ཏེ།   བཀས་བཀོད་རྒྱུད་འཛིན་གྱི་རྨོངས་དད་ཁྱབ་གདལ་དུ་འགྲོ་བ་བཀག་འགོག་བྱེད་དགོས།   ཞིང་སྡེའི་སྤྱི་ཚོགས་བདེ་འཇགས་བྱ་བར་ཤུགས་སྣོན་དང་དྲ་མིག་ཅན་གྱི་དོ་དམ་དང་ཞབས་ཞུ་ཁྱབ་སྤེལ་བྱེད་དགོས།   ཞིང་སྡེའི་ཟས་རིགས་རྫུན་མ་བཅོས་སྐྱོང་གི་བྱ་འགུལ་སྤེལ་དགོས།   ཞིང་ལས་རྒྱུ་ཆ་རྫུན་མ་སྐྲུན་བཟོའི་ཁྲིམས་འགལ་ལུགས་འགལ་བྱ་སྤྱོད་ལ་རྡུང་རྡེག་གཏོང་དགོས།   ཞིང་སྡེའི་གནོད་འགོག་དང་གནོད་འཚེ་ཇེ་ཉུང་དུ་གཏོང་བའི་ནུས་པའི་འཛུགས་སྐྲུན་ལ་ཤུགས་སྣོན་དགོས།   ཞིང་སྡེའི་རིགས་འདྲ་མིན་གྱི་བདེ་འཇགས་མངོན་མེད་རྐྱེན་ངན་ལ་ཁྱོན་ཡོངས་ནས་ཞིབ་བཤེར་དང་དག་ཐེར་ལེགས་བཅོས་བྱེད་དགོས།

ལྔ་པ།   ཞིང་སྡེའི་ཞན་ཆ་ཁ་གསབ་ཀྱི་འགན་སྲུང་བྱེད་ཐབས་ལ་ཤུགས་སྣོན་དགོས།

(ཉེར་གསུམ) “ཞིང་གསུམ”ལ་མ་དངུལ་གཏོང་བར་དམིགས་བསལ་དུ་སྔོན་ལ་འགན་ སྲུང་བྱེད་དགོས།   ཀྲུང་དབྱང་དང་ས་གནས་ནོར་སྲིད་ཀྱིས“ཞིང་གསུམ”ལ་མ་དངུལ་གཏོང་ཤུགས་ཇེ་ཆེར་གཏོང་དགོས་པ་དང་།   ཀྲུང་དབྱང་གི་སྔོན་རྩིས་ནང་མ་དངུལ་གཏོང་བ་མུ་མཐུད་དུ་ཞིང་ལས་དང་ཞིང་སྡེའི་ཕྱོགས་སུ་གཞོལ་ཏེ།   ནོར་སྲིད་ཀྱིས་མ་དངུལ་གཏོང་བ་དང་ཁྱོན་ཡོངས་འབྱོར་འབྲིང་གི“ཞིང་གསུམ”ཁྱབ་ཁོངས་ཀྱི་ཞན་ཆ་ཁ་གསབ་བྱེད་པ་ཕན་ཚུན་འཕྲོད་མཐུན་ཡོང་བར་ཁག་ཐེག་ནན་མོ་བྱེད་དགོས།   ས་གནས་སྲིད་གཞུང་གིས་སྤྱིར་བཏང་གི་བུན་འཛིན་འགྲོ་སྒོའི་ཁྲོད་ནས་ཁྱབ་ཁོངས་ངེས་ཅན་ཞིག་བཀོད་སྒྲིག་བྱས་ཏེ།  ཆ་རྐྱེན་ལ་ལོངས་པའི་དབུལ་སྐྱོར་གནས་སྤོར་དང་ཞིང་སྡེ་དར་སྤེལ་གྱི་ལས་གཞི་འཛུགས་སྐྲུན་ལ་རྒྱབ་སྐྱོར་བྱེད་དགོས།   ས་གནས་སོ་སོས་གོ་རིམ་ལྡན་པའི་ངང་ཞིང་སྡེ་དར་སྤེལ་ལ་རྒྱབ་སྐྱོར་བྱེད་པའི་ཕྱོགས་སུ་བཀོལ་བའི་ཆེད་དམིགས་བུན་འཛིན་འགྲེམ་སྤེལ་གྱི་རྒྱ་ཁྱོན་རྒྱ་བསྐྱེད་དགོས།   ཀྲུང་དབྱང་དང་ཞིང་ཆེན་རིམ་པའི་སྡེ་ཁག་སོ་སོས་ཞན་ཆ་ཁ་གསབ་ཀྱི་དགོས་མཁོ་གཞིར་བཟུང་ནས་ཞིང་འབྲེལ་མ་རྩའི་བཀོལ་སྤྱོད་སྒྲིག་གཞི་ཇེ་ལེགས་སུ་གཏོང་དགོས།   “ཞིང་ལས་ནས་བླངས་པ་གཙོ་བོ་ཞིང་ལས་ཀྱི་ཕྱོགས་སུ་བཀོལ་བ”ཡི་བླང་བྱ་ལྟར།   ཞིང་ས་བཤུག་སྤྲོད་གཞན་སྐོར་གྱི་ཡོང་སྒོ་བེད་སྤྱོད་ཁྱབ་ཁོངས་སྙོམ་སྒྲིག་དང་འཐུས་ཚང་དུ་བཏང་ནས།   སྔར་ལས་ལྷག་པའི་སྒོ་ནས་ཞིང་ལས་དང་ཞིང་སྡེར་མ་དངུལ་གཏོང་བའི་བར་ཁྱད་ཇེ་མཐོར་གཏོང་བའི་བསམ་འཆར་མྱུར་དུ་འདོན་དགོས།   ཞིང་ལས་འཕྲུལ་ཆས་ཉོ་སྒྲུབ་ཀྱི་ཁ་གསབ་ཁྱབ་ཁོངས་སྙོམ་སྒྲིག་དང་འཐུས་ཚང་དུ་བཏང་ནས།   ཞིང་ཆེན་རིམ་པར་སྔར་ལས་ཆེ་བའི་རང་བདག་དབང་ཆ་སྤྲོད་དགོས།   སྐོར་ཐེངས་འདིའི་རྩྭ་ཐང་སྐྱེ་ཁམས་སྲུང་སྐྱོབ་ཀྱི་ཁ་གསབ་བྱ་དགའི་སྲིད་ཇུས་དུས་ཚོད་ལོངས་རྗེས་ཀྱི་སྲིད་ཇུས་ལ་ཞིབ་འཇུག་བྱེད་དགོས།   “ཞིང་གསུམ”ཡིད་རྟོན་དངུལ་བུན་གྱི་དངུལ་ལོར་དང་ནོར་སྲིད་དཔྱ་ཁྲལ།   ལྟ་སྐུལ་དོ་དམ་སྲིད་ཇུས་ཀྱི་དྲང་ཕྱོགས་སྐུལ་ལྕག་བྱེད་ཤུགས་ཇེ་དྲག་ཏུ་བཏང་ནས།   འགྲུབ་ཡོན་དམའ་བའི་མ་དངུལ་གྱི་རྒྱབ་སྐྱོར་བྱེད་པ་དང་།   ཉེན་ཁའི་ཤོངས་ཚད་མཐོར་འདེགས་གཏོང་བ།   བྱ་དགའ་དང་ཁ་གསབ་བྱེད་ཐབས་ལེགས་བསྒྱུར་གནད་དུ་ཁེལ་བ་བྱེད་དགོས།   ལས་ཁུངས་ཀྱི་ཁྲིམས་མི་རྫོང་ཁོངས་སུ་ཡོད་པ་དང་།   ལས་སྒོའང་རྫོང་ཁོངས་སུ་ཡོད་པའི་དངུལ་རྩའི་ལས་ཁུངས་ལ་ཞིང་སྐྱོར་ཆུང་སྐྱོར་གྱི་ཡང་བསྐྱར་དངུལ་བུན་བསྐྱི་བའི་སྒོར་གྲངས་འོས་འཚམ་གྱིས་སྔར་ལས་ཆེ་རུ་གཏོང་དགོས།  ཞིང་སྡེའི་ཡིད་རྟོན་ཁང་བཅོས་བསྒྱུར་ཟབ་སྤེལ་བྱས་ཏེ།  རྫོང་ཁོངས་ཀྱི་ཁྲིམས་མིའི་གོ་གནས་རྒྱུན་སྲུང་བྱེད་དགོས།  དཔྱད་ཞིབ་ཁྲིད་སྟོན་ལ་ཤུགས་སྣོན་བྱས་ཏེ།  མ་དངུལ་ཕྱི་རོལ་ཏུ་ཤོར་བ་ཚབས་ཆེ་བའི་རྫོང་གི་བསགས་དངུལ་དང་དངུལ་བུན་བསྡུར་གྲངས་ལུགས་མཐུན་སྒོས་ཇེ་མཐོར་གཏོང་དགོས།  ཚོང་ལས་དངུལ་ཁང་གིས“ཞིང་གསུམ”དང་ཁེ་ལས་ཆུང་གྲས་སོགས་ཀྱི་ཆེད་དམིགས་དངུལ་རྩའི་བུན་འཛིན་གཏོང་བར་སྐུལ་མ་གཏོང་དགོས།  ཞིང་ཁྱིམ་གྱི་འབོར་ཉུང་དངུལ་བུན་ལ་ཁྲལ་བསྡུ་གཟིགས་སྐྱོང་སྲིད་ཇུས་དངོས་འབེབས་བྱེད་དགོས།  ཆ་རྐྱེན་དང་མཐུན་པའི་ཁྱིམ་ཚང་གི་ཞིང་ར་སོགས་རྣམ་པ་གསར་པའི་ཞིང་ལས་བདག་གཉེར་བྱེད་མཁན་གྱིས་གཏན་འཁེལ་ལྟར་ད་ཡོད་ཁེ་ལས་ཆུང་རིགས་ཀྱི་འབྲེལ་ཡོད་དངུལ་བུན་ཁྲལ་བསྡུ་གཟིགས་སྐྱོང་ལོངས་སྤྱོད་བྱེད་ཆོག ཞིང་ལས་དངུལ་བུན་གྱི་དུས་ཡུན་ལུགས་མཐུན་དུ་བཏང་ནས།  དེ་དང་ཞིང་ལས་ཐོན་སྐྱེད་ཀྱི་དུས་ཡུན་གཉིས་ཆ་མཐུན་ཡོང་བ་བྱེད་དགོས།  རྒྱལ་ཡོངས་ཀྱི་ཞིང་ལས་དངུལ་བུན་ཁག་ཐེག་མ་ལག་གི་ནུས་པ་འདོན་སྤེལ་བྱས་ཏེ།  རྣམ་པ་གསར་པའི་ཞིང་ལས་བདག་གཉེར་བྱེད་མཁན་གྱི་ཁག་ཐེག་བྱེད་སྒོ་ཆེ་རུ་སྤེལ་དགོས།  དྲོད་ཁང་སྤྱིལ་ཆེན་དང་ར་བའི་གསོ་སྤེལ།  ཞིང་ལས་འཕྲུལ་ཆས་ཆེ་རིགས།  ས་ཞིང་གི་བདག་གཉེར་དབང་ཆ་སོགས་ཁྲིམས་ལྟར་སྒྲིག་ལམ་དང་མཐུན་པའི་སྒོ་ནས་གཏའ་མར་བཞག་ནས་མ་དངུལ་བསྡུ་རུབ་བྱེད་པར་སྐུལ་འདེད་གཏོང་དགོས།  ཞིང་སྡེའི་སྤྱི་ཕན་དངུལ་རྩ་བཅོས་བསྒྱུར་ཚོད་ལྟ་བརྟན་བརླིང་གིས་རྒྱ་བསྐྱེད་དེ།  ས་གནས་སྲིད་གཞུང་གིས་རྫོང་ ཁོངས་ཀྱི་ཞིང་ཁྱིམ་དང་།  ཁེ་ལས་ཆུང་འབྲིང་གི་ཡིད་རྟོན་ལ་རིམ་བགོས་གདེང་འཇོག་བྱེད་པ་དང་།   དྲ་ཐོག་དང་དྲ་ཕྱི་མཉམ་འབྲེལ་ཡོང་བ་དང་།  “མ་དངུལ་ཁག་ཐེག”གི་ཉེན་ཁ་མཉམ་ཁུར་བྱེད་པའི་སྤྱི་ཕན་དངུལ་རྩའི་ཞབས་ཞུ་མ་ལག་མྱུར་དུ་བཙུགས་ནས།  གཏའ་མ་འཇོག་མི་དགོས་པ་དང་ཁག་ཐེག་བྱེད་མི་དགོས་པ།  སྐྱེད་ཀ་དམའ་བ།  རྒྱུན་སྲིང་འཕེལ་རྒྱས་ཡོང་བ་བཅས་ཀྱི་སྤྱི་ཕན་དངུལ་རྩའི་ཐོན་རྫས་སྔར་ལས་མང་པོ་འདོན་དགོས།  ཞིང་ལས་འགན་བཅོལ་དང་འགན་བཅོལ་གྲོན་དངུལ་ཁ་གསབ་སྲིད་ཇུས་དངོས་འབེབས་བྱེད་པ་ལེགས་པར་བཟུང་ནས།  འགན་བཅོལ་ལས་ཁུངས་ཀྱིས་དུས་ཐོག་ཏུ་སྐྱིན་ཚབ་འདང་ཚོད་སྤྲོད་པར་སྐུལ་འདེད་གཏོང་དགོས།  “ཉེན་ཁ་དང་དུས་བཅད་ཚོང་ཟོང”གི་ཚོད་ལྟའི་རྣམ་པ་ལེགས་བསྒྱུར་བྱས་ཏེ།  ཞིང་ལས་ཐོན་རྫས་ཀྱི་དུས་བཅད་ཚོང་ཟོང་དང་དུས་བཅད་དབང་ཆ་ཚོང་རར་འདོན་པར་མུ་མཐུད་དུ་སྐུལ་འདེད་ གཏོང་དགོས།

(ཉེར་བཞི)ཞིང་སྡེའི་འཕེལ་རྒྱས་ཐད་སྤྱོད་པའི་ས་ཞིང་གི་དཀའ་གནད་ཐག་གཅོད་བྱེད་དགོས།  རྨོ་ཞིང་དང་ཡུན་རིང་གི་གཞི་རྩའི་ཞིང་སར་སྲུང་སྐྱོབ་བྱེད་པའི་དམར་ཐིག་རྒྱུན་སྲུང་བྱེད་དགོས།  ཞིང་སྡེའི་ཐོན་ལས་འཕེལ་རྒྱས་ཐད་སྤྱོད་པའི་ས་ཞིང་གི་སྲིད་ཇུས་མ་ལག་འཐུས་ཚང་དུ་གཏོང་བ་དང་།  ས་ཞིང་བེད་སྤྱོད་བྱེད་སྟངས་དང་འདོན་སྤྲོད་བྱེད་སྟངས་གསལ་པོ་བྱས་ཏེ།   ཁག་བགོས་དོ་དམ་བྱེད་དགོས།  ཞིང་ལས་འདེབས་འཛུགས་གསོ་སྤེལ་དང་སྡེབ་སྒྲིག་བྱས་པའི་འཁྱག་གསོས་ཉར་སྲུང་དང་ཉི་མར་སྐམ་ནས་གསོག་འཇོག་བྱེད་པ།  ཞིང་ལས་འཕྲུལ་ཆས་ཀྱི་མཛོད་ཁང་།   ཁག་འབྱེད་ཐུམ་རྒྱག བེད་མེད་དངོས་པོ་ཐག་གཅོད།   ལྟ་སྐྱོང་ཁང་དོ་དམ་སོགས་རམ་འདེགས་སྒྲིག་ཆས་ཀྱི་སྤྱོད་ས་དེ་ཞིང་སའི་དོ་དམ་གྱི་ཁོངས་སུ་བཞག་ནས།  དོན་དངོས་ཀྱི་ཐོན་སྐྱེད་ལྟར་རམ་འདེགས་སྒྲིག་ཆས་ཀྱི་སྤྱོད་སའི་ཆེ་ཆུང་ཐག་གཅོད་བྱེད་དགོས།   ཞིང་ལས་སྒྲིག་ཆས་བཀོལ་སྤྱོད་བྱེད་ས་དེ་རྨོ་ཞིང་བྱེད་ཆོག ཞིང་ལས་སྒྲིག་བཀོད་ཀྱི་སྤྱོད་སར་ལྟ་སྐུལ་དོ་དམ་བྱེད་པར་ཤུགས་བསྣན་ནས།  ཞིང་ལས་སྒྲིག་ཆས་སྤྱོད་སའི་མིང་ཐོག་ནས་ཞིང་ལས་མ་ཡིན་པའི་འཛུགས་སྐྲུན་བྱེད་མི་ཆོག ཞིང་སྡེའི་ཁྱབ་ཁོངས་ཡོངས་སུ་ས་ཞིང་ཕྱོགས་བསྡུས་བཅོས་སྐྱོང་བྱེད་པའི་ཚོད་ལྟ་སྤེལ་ཏེ།   ཞིང་སྡེའི་ཐོན་སྐྱེད་དང་འཚོ་བ།  སྐྱེ་ཁམས་སོགས་བར་སྟོང་གི་ཁྱབ་ཚུལ་ལེགས་བསྒྱུར་བྱེད་དགོས།  རྒྱལ་ཁབ་མངའ་ཁོངས་ཀྱི་བར་སྟོང་འཆར་འགོད་དང་མཐུན་པའི་སྔོན་འགྲོའི་ཆ་རྐྱེན་འོག སྡེ་བ་དག་ཐེར་བཅོས་སྐྱོང་དང་ས་ཞིང་ལེགས་བཅོས་སོགས་ཀྱི་རྣམ་པ་བརྒྱུད་དེ་ཞིང་སྡེའི་ཐུན་མོང་འཛུགས་སྐྲུན་སྤྱོད་ས་ལྷག་མ་རྣམས་ཞིང་སྡེ་འཕེལ་རྒྱས་སུ་གཏོང་བའི་ཐོན་ལས་ལས་གཞིར་དམིགས་སུ་བཟུང་ནས་བཀོལ་དགོས།  གསར་དུ་བསྒྲིགས་པའི་རྫོང་དང་ཞང་རིམ་པའི་རྒྱལ་ཁབ་མངའ་ཁོངས་ཀྱི་བར་སྟོང་འཆར་འགོད་ལ10%ལས་མི་ཉུང་བའི་འཛུགས་སྐྲུན་བྱེད་སའི་ཚད་གཞི་བཀོད་སྒྲིག་བྱས་ཏེ།  གཙོ་བོ་ཞིང་སྡེའི་ཐོན་ལས་འཕེལ་རྒྱས་གཏོང་བའི་གནས་སུ་འགན་སྲུང་བྱེད་དགོས།  ཞིང་ཆེན་རིམ་པས་ས་ཞིང་བེད་སྤྱོད་ཐད་ཀྱི་ལོ་འཁོར་མོའི་འཆར་གཞི་བཟོ་སྐབས།  ཆེས་ཉུང་ནའང5%ཡི་འཛུགས་སྐྲུན་བྱེད་སའི་དམིགས་ཚད་གསར་སྣོན་བྱས་ཏེ།  ཞིང་སྡེའི་གཙོ་གནད་ཐོན་ལས་དང་ལས་གཞིའི་སྤྱོད་སར་འགན་སྲུང་བྱེད་དགོས།  ཞིང་སྡེའི་ཐུན་མོང་འཛུགས་སྐྲུན་བྱེད་ས་དེ་མ་རྐང་དུ་འཇོག་པ་དང་གཞན་ལ་གླ་བ་སོགས་ཀྱི་བྱེད་ཐབས་སྤྱད་དེ་ཐད་ཀར་ཞིང་སྡེའི་ཐོན་ལས་འཕེལ་རྒྱས་སུ་གཏོང་བའི་སྟེང་དུ་བཀོལ་ཆོག “གློད་སྡོམ་ཞབས་ཞུའི”ཀྱི་བཅོས་བསྒྱུར་བླང་བྱ་ལྟར།  ཞིང་སྡེའི་ཐུན་མོང་འཛུགས་སྐྲུན་བྱེད་སར་ཞིབ་བཤེར་ཆོག་མཆན་བཀོད་པའི་ཐད་ནས་ཁྱོན་ཡོངས་གསེད་གྲོལ་གཏོང་བ་དང་།  ཞིབ་བཤེར་ཆོག་མཆན་དང་ཞིབ་བཤེར་གཏན་འབེབས་ཀྱི་གོ་རིམ་སྟབས་བདེ་རུ་བཏང་ནས།  ཞིབ་བཤེར་ཆོག་མཆན་འགོད་པའི་དབང་ཆ་འོག་རིམ་དུ་སྤྲོད་དགོས།  ཞིང་སྡེ་འཛུགས་སྐྲུན་ལ་ཞིབ་བཤེར་ཆོག་མཆན་འགོད་པའི་ཐད་ཀྱི“ཞིབ་བཤེར་མང་པོ་གཅིག་སྒྲིལ་དང་ལག་ཁྱེར་མང་པོ་གཅིག་སྒྲིལ”བྱེད་པའི་བཅོས་བསྒྱུར་ལ་སྐུལ་འདེད་གཏོང་དགོས།  ཞིང་སྡེའི་ཐོན་ལས་དང་པོ་དང་གཉིས་པ། གསུམ་པ་བཅས་མཉམ་འདྲེས་འཕེལ་རྒྱས་གཏོང་བའི་ཐད་སྲིད་ཇུས་ཀྱི་བསམ་འཆར་འདོན་པར་རྒྱབ་སྐྱོར་བྱེད་དགོས།

(ཉེར་ལྔ)འཇོན་མི་གཞི་རིམ་དུ་སྐྱོད་པར་སྐུལ་འདེད་གཏོང་དགོས།  ཞིང་ལས་ཤེས་ཤིང་ཞིང་ལས་ལ་དགའ་བ་དང་།  ཞིང་སྡེ་རུ་རྐང་ཚུགས་པའི་འཇོན་མི་སྔར་ལས་མང་པོ་སྐྱེད་བསྲིང་བྱས་ཏེ།  ཚན་རྩལ་གྱི་གྲུབ་འབྲས་མང་པོ་ཞིང་ཁར་བཀོལ་བར་སྐུལ་འདེད་གཏོང་དགོས།   འཇོན་མི་སྣ་ཚོགས་གཞི་རིམ་དུ་སྐྱོད་པའི་བགྲོད་ལམ་ཐོགས་མེད་ཤར་གཏོང་ཐུབ་པ་བྱས་ཏེ།   སློབ་གྲྭ་ཆེན་མོ་བ་དང་དམག་ཁོངས་ནས་བུད་པའི་དམག་མི།  ཁེ་ལས་པ་སོགས་ཞིང་སྡེ་རུ་སོང་ནས་བྱ་བ་གཉེར་བ་དང་ལས་སྐྲུན་བྱེད་པར་རྒྱབ་སྐྱོར་བྱེད་དགོས།  ཞིང་ལས་རྒྱང་སྒྲོག་སློབ་གྲྭ་དང་ཞིང་ལས་ཚན་ཞིབ་སློབ་གླིང་།  ཞིང་འབྲེལ་སློབ་གླིང་།  ཞིང་ལས་སྣེ་ཁྲིད་ཁེ་ལས་སོགས་ཀྱི་ཐོན་ཁུངས་སྣ་ཚོགས་ལེགས་སྒྲིག་བེད་སྤྱོད་བྱས་ཏེ།  སྤུས་ཚད་མཐོ་བའི་ཞིང་པའི་སློབ་གསོ་གསོ་སྦྱོང་མ་ལག་མྱུར་དུ་འཛུགས་དགོས།   རྫོང་ཁོངས་ཀྱི་འཇོན་མི་གཅིག་གྱུར་བཀོད་འདོམས་སྒོས་སྐྱེད་བསྲིང་དང་བཀོལ་སྤྱོད་བྱེད་པའི་ལམ་ལུགས་དངོས་འབེབས་བྱེད་དགོས།  རྩ་འཛུགས་ཡོད་པའི་སྒོ་ནས་གྲོང་ཁྱེར་གྱི་ཚན་རིག་ཞིབ་འཇུག་མི་སྣ་དང་བཟོ་འགོད་པ།  འཆར་འགོད་པ།   ཨར་ལས་པ།   དགེ་རྒན།   སྨན་པ་བཅས་གཞི་རིམ་དུ་སོང་ནས་ཞབས་ཞུ་སྒྲུབ་པར་སྐུལ་སློང་བྱེད་དགོས།  གྲོང་ཁྱེར་གྱི་སློབ་གྲྭ་ཆུང་འབྲིང་གི་དགེ་རྒན་དང་སྨན་པ་རྣམས་ཀྱིས་མཐོ་རིམ་གོ་མིང་ལེན་པའི་སྐབས་སུ།  རྩ་དོན་སྟེང་ནས་བཤད་ན་ཞིང་སྡེ་དང་གཞི་རིམ་དུ་སོང་ནས་ལོ་གཅིག་ཡན་གྱི་བྱ་བ་བསྒྲུབས་པ་དང་ཞབས་ཞུ་བྱས་པའི་ཉམས་མྱོང་ཡོད་དགོས།   ཞིང་འབྲེལ་རིག་ཚན་གྱི་ཆེད་ལས་བཀོད་སྒྲིག་ཇེ་ལེགས་སུ་བཏང་སྟེ།  དགོས་མཁོ་ཆེ་ཞིང་དཀོན་པའི་ཞིང་འབྲེལ་ཆེད་ལས་སྔོན་ལ་བསྡུས་ནས།  ཞིང་སྡེའི་འཇོན་མི་དར་སྤེལ་གཏོང་བར་སྐུལ་འདེད་གཏོང་བའི་བསམ་འཆར་མྱུར་དུ་འདོན་དགོས།

(ཉེར་དྲུག)ཚན་རྩལ་འདེགས་སྐྱོར་གྱི་ནུས་པར་ཤུགས་སྣོན་དགོས།   ཞིང་ལས་ཀྱི་གཙོ་ གནད་སྲོག་ཤིང་ལྟ་བུའི་ལག་རྩལ་འགག་སྒོ་ཇེ་དམ་དུ་བཏང་ནས།  ཚན་རྩལ་ལས་གཞི་ཆེན་པོ་སྐོར་ཞིག་བཀོད་སྒྲིག་བྱེད་པ་དང་།  ཚན་རྩལ་གྱི་མཐོ་གནས་བརྩོན་ལེན་བྱེད་དགོས།   ཞིང་ལས་སྐྱེ་དངོས་ཀྱི་ཚན་རྩལ་ཞིབ་འཇུག་ལ་ཤུགས་སྣོན་པ་དང་།  འདེབས་འཛུགས་རང་བདག་གསར་སྐྲུན་བྱེད་པའི་བཟོ་འགོད་ཤུགས་ཆེན་པོས་ལག་བསྟར་བྱེད་པ།  རྒྱལ་ཁབ་ཀྱི་ཞིང་ལས་གཞི་རྒྱུའི་ཐོན་ཁུངས་སྲུང་སྐྱོབ་དང་བཀོལ་སྤྱོད་བྱེད་པའི་བཟོ་འགོད་ལག་བསྟར་བྱེད་པ་བཅས་ཀྱིས་ལྷོ་སྤེལ་ཚན་ཞིབ་སོན་གསོ་རྟེན་གཞི་འཛུགས་པར་སྐུལ་འདེད་གཏོང་དགོས།   རྣམ་པ་ཆེ་འབྲིང་དང་རིག་ནུས་ཅན།   མཉམ་འདུས་ཅན་གྱི་ཞིང་ལས་འཕྲུལ་ཆས་ཞིབ་འཇུག་གསར་སྤེལ་དང་བཀོལ་སྤྱོད་བྱེད་ཚད་ཇེ་མགྱོགས་སུ་བཏང་སྟེ།   རི་ཁུལ་གྱི་ཞིང་ས་འཕྲུལ་ཆས་ཅན་དུ་ལེགས་བསྒྱུར་བྱེད་པར་རྒྱབ་སྐྱོར་བྱེད་དགོས།   ཚན་རྩལ་ཆེད་མངགས་པའི་ལམ་ལུགས་ལག་ལེན་གཏིང་ཟབ་བྱས་ཏེ།   ཚན་རྩལ་ཆེད་མངགས་པའི་དཔུང་སྡེ་སྔར་ལས་འཕེལ་རྒྱས་དང་རྒྱ་སྐྱེད་དུ་གཏོང་དགོས།  ཡུན་རིང་བརྟན་འཇགས་ཀྱི་རྒྱབ་སྐྱོར་བྱེད་སྟངས་སྤྱད་དེ།  དེང་རབས་ཅན་གྱི་ཞིང་ལས་ཐོན་ལས་ལག་རྩལ་མ་ལག་འཛུགས་སྐྲུན་བྱེད་པར་ཤུགས་སྣོན་པ་དང་།   ཁྱད་ཆོས་དང་ལེགས་ཆ་ལྡན་པའི་ཞིང་ལས་ཐོན་རྫས་ཀྱི་ཁེབས་ཚད་ཁྱབ་ཁོངས་རྒྱ་བསྐྱེད་དེ།  ཞིང་ལས་ཐོན་ལས་སྦྲེལ་ཐག་ཡོངས་རྫོགས་ཀྱི་ཚན་རྩལ་ཐོན་ཁུངས་བཀོད་སྒྲིག་ལ་ཁ་ཕྱོགས་དགོས།   ཞིང་ལས་ཐོན་ལས་ཀྱི་ཚན་རྩལ་གསར་སྐྲུན་ལྟེ་གནས་སྐྲུན་པར་ཤུགས་སྣོན་དགོས།  རྒྱལ་ཁབ་ཀྱི་ཞིང་ལས་མཐོ་གསར་ལག་རྩལ་གྱི་ཐོན་ལས་དཔེ་སྟོན་ཁུལ་དང་རྒྱལ་ཁབ་ཀྱི་ཞིང་ལས་ཚན་རྩལ་གླིང་ཁུལ་སོགས་གསར་སྐྲུན་སྟེགས་བུའི་རྟེན་གཞི་སྐྲུན་པར་ཤུགས་སྣོན་དགོས།  དེང་རབས་གནམ་གཤིས་ཀྱིས་ཞིང་ལས་ལ་ཞབས་འདེགས་ཞུ་བའི་མ་ལག་མྱུར་དུ་འཛུགས་སྐྲུན་བྱེད་དགོས།

(ཉེར་བདུན) ཞིང་སྡེའི་བཅོས་བསྒྱུར་ལས་འགན་གལ་ཆེན་ལེགས་འཛིན་བྱེད་དགོས།  ཞིང་སྡེའི་གཞི་རྩའི་བདག་གཉེར་ལམ་ལུགས་འཐུས་ཚང་དུ་བཏང་སྟེ།  སྐོར་གཉིས་པའི་ས་ཞིང་འགན་གཙང་ལེན་གྱི་དུས་ཡུན་ལོངས་རྗེས་ཡང་བསྐྱར་ལོ30ཇེ་རིང་དུ་གཏོང་བའི་ཚོད་ལྟ་སྤེལ་བ་དང་།  ཚོད་ལྟའི་རྨང་གཞིའི་སྟེང་འགན་གཙང་ལེན་གྱི་ཡུན་བསྲིང་བའི་བྱེ་བྲག་གི་བྱེད་ཐབས་ཞིབ་འཇུག་སྒོས་བཟོ་དགོས།  རྣམ་པ་མང་ཞིང་ཚད་དང་རན་པའི་གཞི་ཁྱོན་གྱི་བདག་གཉེར་འཕེལ་རྒྱས་གཏོང་བར་སྐུལ་མ་བཏང་ནས།  ཞིང་ཁྱིམ་ཆུང་བར་ཁ་གཏད་པའི་ཞིང་ལས་སྤྱི་ཚོགས་ཅན་གྱི་ཞབས་ཞུའི་མ་ལག་འཛུགས་དགོས།  ཞིང་སྡེའི་ཐུན་མོང་བདག་གཉེར་རང་བཞིན་གྱི་འཛུགས་སྐྲུན་སྤྱོད་ས་ཚོང་རར་ཞུགས་པའི་ཆ་ཚང་ལམ་ལུགས་གཏན་འབེབས་བྱེད་དགོས།  ཞིང་སྡེའི་གཞིས་སར་དོ་དམ་གཟབ་ནན་བྱེད་པ་དང་།  ཞང་དང་གྲོང་རྡལ་གྱི་གཞིས་སར་ཆོག་མཆན་འགོད་པར་ལྟ་སྐུལ་དོ་དམ་བྱེད་པར་ཤུགས་བསྣན་ནས།  ས་ཞིང་བེད་སྤྱོད་བྱེད་པར་ཚོད་འཛིན་མི་ཐུབ་པ་གཏན་འགོག་བྱེད་དགོས།   གཞིས་སའི་བཀོལ་སྤྱོད་དབང་ཆ་གཏན་འཁེལ་གྱི་ཐོ་འགོད་དཔང་ཡིག་སྟེར་བར་ཏན་ཏིག་གིས་སྐུལ་འདེད་བྱེད་དགོས།  གཞིས་སའི་བདག་དབང་དང་ཐོབ་ཐང་དབང་ཆ།  བཀོལ་སྤྱོད་དབང་ཆ་བཅས་དབང་ཆ་གསུམ་བགོ་སྒྲིག་འཚོལ་ཞིབ་བྱེད་པ་གཙོ་གནད་དུ་བཟུང་ནས།  སྔར་ལས་ལྷག་པར་ཞིང་སྡེའི་གཞིས་སའི་ལམ་ལུགས་བཅོས་བསྒྱུར་ཚོད་ལྟ་གཏིང་ཟབ་ཏུ་སྤེལ་དགོས།   ཞིང་སྡེའི་ཐུན་མོང་ཐོན་དབང་ལམ་ལུགས་བཅོས་བསྒྱུར་བྱེད་པའི་ཚོད་ལྟ་ཁྱོན་ཡོངས་ནས་སྤེལ་ཏེ།  ཐུན་མོང་ཁོངས་མིའི་ཐོབ་ཐང་ངོས་འཛིན་དང་ཐུན་མོང་རྒྱུ་ནོར་མ་རྐང་ཕབ་གཅོག་གི་ཚད།  མ་རྐང་མཉམ་ལས་ལམ་ལུགས་བཅོས་བསྒྱུར།   ཐུན་མོང་དཔལ་འབྱོར་རྩ་འཛུགས་ཐོ་འགོད་དང་ཨང་སྟེར་སོགས་ཀྱི་བྱ་བ་གོ་རིམ་ཡོད་པའི་སྒོ་ནས་སྤེལ་དགོས།  ཞིང་སྡེའི་ཐུན་མོང་དཔལ་འབྱོར་འཕེལ་རྒྱས་གཏོང་བའི་ཐབས་ལམ་འཚོལ་ཞིབ་བྱེད་པ་དང་རྒྱ་བསྐྱེད་དེ།   ཐུན་མོང་གི་རྒྱུ་ནོར་དོ་དམ་བྱེད་པར་ཤུགས་སྣོན་དགོས།   མཁོ་འཚོང་མཉམ་ལས་ཁང་གི་ཕྱོགས་བསྡུས་བཅོས་བསྒྱུར་བྱེད་ཚད་མུ་མཐུད་དུ་གཏིང་ཟབ་ཏུ་བཏང་སྟེ།   ཞིང་ལས་ལ་ཞབས་ཞུ་སྒྲུབ་པའི་ནུས་པ་མཐོར་འདེགས་གཏོང་དགོས་ཤིང་།  ས་རྒོད་གསར་སྦོལ་དང་རྒྱལ་དབང་ནགས་ཁུལ་ནགས་ར།   ཐུན་མོང་གི་ནགས་དབང་ལམ་ལུགས།  རྩྭ་ཐང་འགན་གཙང་ལེན་བདག་གཉེར་ལམ་ལུགས།   ཞིང་ལས་ཆུ་རིན་སོགས་བཅོས་བསྒྱུར་བྱེད་པར་མྱུར་དུ་སྐུལ་འདེད་གཏོང་དགོས།  ཞིང་ལས་ཀྱི་ཕྱོགས་བསྡུས་སྲིད་འཛིན་ཁྲིམས་སྐྱོང་བཅོས་བསྒྱུར་བྱེད་ཚད་གཏིང་ཟབ་ཏུ་བཏང་ནས།  ཁྲིམས་བསྟར་མ་ལག་འཐུས་ཚང་དང་ཁྲིམས་བསྟར་ནུས་པ་མཐོར་འདེགས་གཏོང་དགོས།

“ཞིང་གསུམ”བྱ་བ་ལེགས་པར་བསྒྲུབ་དགོས་ན།  གཙོ་བོ་ཏང་ལ་བརྟེན་དགོས།  རིམ་པ་སོ་སོའི་ཏང་ཨུ་དང་སྲིད་གཞུང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི“ཞིང་གསུམ”བྱ་བ་དང་འབྲེལ་བའི་རྒྱས་བཤད་གལ་ཆེན་སློབ་སྦྱོང་དང་ལག་ལེན་མཐར་ཕྱིན་དང་།  ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་ཁྱོན་ཡོངས་ནས་ལག་བསྟར།  ལམ་ལུགས་འཛུགས་སྐྲུན་དང་བཅོས་སྐྱོང་ནུས་པ་འཛུགས་སྐྲུན་བྱེད་པ་དེ“ཞིང་གསུམ”བྱ་བའི་གོ་གནས་སྔར་ལས་འབུར་ཐོན་དུ་འཇོག་པ་བཅས་བྱས་ཏེ།  ཞིང་སྡེའི་གཞི་རྩའི་སྲིད་ཇུས་བརྟན་བརླིང་ཡོང་དུ་འཇུག་པ་དང་།   དུས་རབས་གསར་པའི“ཞིང་གསུམ”བྱ་བའི་ལམ་ལུགས་ཀྱི་སྒྲོམ་གཞི་དང་སྲིད་ཇུས་མ་ལག་འཐུས་ཚང་དུ་གཏོང་དགོས།  《ཀྲུང་གོ་གུང་ཁྲན་ཏང་ གི་ཞིང་སྡེ་བྱ་བའི་སྲོལ་ཡིག》ནན་ཏན་གྱིས་དངོས་འབེབས་བྱེད་པ་དང་།  ཏང་གིས“ཞིང་གསུམ”བྱ་བར་ཁྱོན་ཡོངས་ནས་མགོ་ཁྲིད་བྱེད་པར་ཤུགས་སྣོན་པ།  ཞིང་ལས་དང་ཞིང་སྡེ་དམིགས་སུ་བཟུང་ནས་འཕེལ་རྒྱས་སུ་གཏོང་བ་རྒྱུན་འཁྱོངས།  རིམ་པ་ལྔའི་ཧྲུའུ་ཅི་ཡིས་ཞིང་སྡེ་དར་སྤེལ་གྱི་འགན་འཁྲི་འཛིན་པར་ཤུགས་སྣོན་པ།  རྫོང་ཏང་ཨུའི་ཧྲུའུ་ཅི་ཡིས་ནུས་ཤུགས་གཙོ་བོ“ཞིང་གསུམ”བྱ་བའི་སྟེང་དུ་བཀོལ་དགོས་པའི་བླང་བྱ་དངོས་འབེབས་བྱེད་པ།  ཏང་ཨུའི་ཞིང་སྡེ་བྱ་བའི་རྐྱེན་སྲོལ་འཛུགས་པར་ཤུགས་སྣོན་པ།  ཞིང་ལས་ཤེས་པ་དང་ཞིང་སྡེ་ལ་དགའ་བ།  ཞིང་པར་དགའ་བ་བཅས་ཀྱི“ཞིང་གསུམ”བྱ་བའི་དཔུང་སྡེ་ཤུགས་ཆེན་པོས་བསྐྱེད་སྲིང་བྱེད་པ་དང་།  ཞིང་སྡེའི་ལས་བྱེད་པའི་ཐོབ་ཆ་ཇེ་མཐོར་གཏོང་བ་བཅས་བྱེད་དགོས།  ཞིང་སྡེའི་དོན་དངོས་གནས་ཚུལ་ནས་མགོ་རྩོམ་པ་རྒྱུན་འཁྱོངས་དང་ཡུལ་བབ་དང་བསྟུན་པ།  ཞིང་པའི་འདོད་བློར་བརྩི་སྲུང་བྱེད་པ།  ནུས་ཤུགས་ཡོད་རྒུ་འདོན་པ་བཅས་ཀྱིས་འགན་བབ་ཀྱི་བྱ་བ་རེ་རེ་བཞིན་ཐག་གཅོད་བྱེད་པ་དང་།  ཕྱི་ཚུལ་རིང་ལུགས་དང་དཔོན་ཉམས་རིང་ལུགས་འགོག་ཅི་ཐུབ་བྱས་ཏེ།  སྲིད་ཇུས་ལག་བསྟར་སྟབས་བདེ་ཅན་དང“གཅིག་གཅོད་ཅན”དུ་བསྒྱུར་བ་འགོག་དགོས།  ཏང་གི་ཚོགས་ཆེན་ཐེངས་བཅུ་དགུ་པའི་ཚུན་གྱི“ཞིང་གསུམ”སྲིད་ཇུས་ལག་བསྟར་དོན་འཁྱོལ་བྱས་པའི་གནས་ཚུལ་དེ་ཀྲུང་དབྱང་སྐོར་ཞིབ་བྱ་བའི་ནང་དོན་གཙོ་བོར་འཇོག་དགོས།

ང་ཚོས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་སྔར་ལས་དམ་པོ་བྱེད་པ་དང་།  ཡིད་ཆེས་ཇེ་བརྟན་དང་ཡར་རྒྱས་བརྩོན་ལེན།  དཀའ་སྤྱད་འབད་བརྩོན།  ལས་སྒྲུབ་ཏན་ཏིག་བཅས་བྱས་ཏེ།  དབུལ་ཐར་མཁྲེགས་གཏོར་ཐད་མཐའ་གཅིག་ཏུ་རྒྱལ་ཁ་ལེན་དགོས་ལ།  ཁྱོན་ཡོངས་ནས་འབྱོར་འབྲིང་སྤྱི་ཚོགས་སྐྲུན་པའི“ཞིང་གསུམ”ཁྱབ་ཁོངས་ཀྱི་ཞན་ཆ་དང་མི་འདང་ས་མྱུར་དུ་ཁ་གསབ་བྱས་ཏེ།  ཁྱོན་ཡོངས་ནས་འབྱོར་འབྲིང་སྤྱི་ཚོགས་སྐྲུན་པར་རྒྱལ་ཁ་ཕུ་ཐག་ཆོད་པ་ལེན་པ་དང་བརྒྱ་ལོ་དང་པོའི་འབད་འཐབ་དམིགས་འབེན་མངོན་འགྱུར་འབྱུང་བའི་ཐད་དགོས་ངེས་ཀྱི་བྱས་རྗེས་འཇོག་དགོས།